रोम सहरतोर 11:36 - माडिया गोंड पवित्र सास्त्रम

³⁶ बाराह्‌क इतेके, सबे देवुळतग्डाहिये पुटटाङ, तानाय कयदे सबे ताकिह्‌ताङ, तानेनाह्‌के सबेटव मन्ह्‌ताङ. तान्के अमेसा-अमेसातुह्‌क मान आयि! आमेन.

रोम सहरतोर 11:36 Iomraidhean Croise

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

लूकाल 19:38

ओर इद्रम केयतोर इतेके, “देवुळबाबाना अदिकर पोस वावाल राजाह्‌कु देय्वा आयि! देवुळता संगे गूनम मन्ह्‌ता! पोग़ोटा बेरा देवुळतुह्‌क मान आयि,” इनजोर केयतोर.

लूकाल 2:14

“देवुळदीपतगा मनदनद देवुळतुह्‌क मान आयि. नेदगा तान्क विचर वातोर मन्कलोरिह्‌क सुकम आयि,” इनजोर इताङ.

बळयिर 17:28

‘बह इतेके अदे माक पिसनाह कीता, जीवात मनाह कीता’ इद्रम इनजोर, मीवाय मन्कलोर वने ‘निटम माट देवुळताङ पिलाङ-पेकोरल’ इनजोर, मीवाय सास्त्रमते रासतद मन्ह्‌ता.

रोम सहरतोर 16:27

ताना बुदतगा बातय कमि इले, अद येसु किर्स्तुन मयगा लोहताह्‌कु, इदे देवुळतुन माट अमेसा-अमेसातुह्‌क जोहर कीकल. आमेन.

1 कुरिंततोर 11:12

सुरुमुनेतद आंचाळि कोय्तोनग्डाह तयर आता. इंजेक कोय्तोग़ आंचानग्डाह पुटिह्‌तोग़. मति सबेटव देवुळता मेटे तयर आताङ.

1 कुरिंततोर 8:6

अह इतेकाय, माट विस्वसिरेनाह्‌क उंदिय देवुळ मन्ह्‌ता इतेके मावा देवुळबाबाले. ओग़े सबेटविन पुटिह कीतोग़. माट ओनेनाह्‌के पिसिह्‌नल. अद्रमलेह्‌काने मावा सामि इतेके किर्स्तु येसुसामि वग़ोग़े! देवुळि ओना कयदे सबेटविन पुटिह कीता. ओनाय कयदे माक वने पिसिह कीता.

गलातितोर 1:5

ओन्क सबेटोर अमेसा-अमेसातुह्‌क मान ईयिर.आमेन!

इपिसुसतोर 3:21

विस्वसिरा मुडगा ओसो किर्स्तु येसुनगा, तान्क अमेसा-अमेसातुह्‌क मान दोर्कसोरेन मनि. आमेन.

पिलिपितोर 4:20

मावा देवुळबाबाह्‌कु अमेसा-अमेसातुह्‌क मान आयि, आमेन.

1 तिमोति 1:17

अदिह्‌कु मावा अमेसा मनदनदु, बेस्केन मायवदु, मन्कह्‌क दिसवदु देवुळराजाल, अदे सेतेम देवुळ इनजोरे, तान्कु अमेसा-अमेसातुह्‌क मान आयि, जोहर आयि. अहे आयि.

1 तिमोति 6:16

बेस्केन डोलवदु अदे, अद बोग़े एवया पग़वद वेह्‌चतगा मन्ह्‌ता, तान बोग़े मन्कल ऊळोग़, ओसो बेस्केन ऊळ वने पग़वोग़, ताने सबेटोर मान ईयिर. राजेम कीयनद लाव, अमेसा-अमेसातुह्‌क तानाय मनि. अहे आयि.

2 तिमोति 4:18

अद्रमे सबे लाग्वाङ पोल्‍लोनाहि येसुसामि नाक पिसिह कीयनोग़, ओसो नाक पोग़ोन तना राजेम ताकिह कीयनगा, बेस-नेह्‌ना ओयनोग़. ओन्के अमेसा-अमेसातुह्‌क मान आयि. आमेन!

इब्रितोर 2:10

सबेटव देवुळतेनाह्‌क मन्ह्‌ताङ; ताना मेटे सबे तयर आताङ. वेल्‍लाटोर मन्कलोरिन तनाङ मग़्क-मयास्‍क कीसि, पोग़ोन तना मान-डीसाते काल्ह्‌पलाहि, अद विचर कीस मता. मन्कलोरिन तनाङ मग़्क-मयास्‍क कीयलाहि, देवुळि तना मग़ि येसुन निल्पिह कीता. माक पिसिह कीयनद सेवातेनाह्‌क, येसुन पूरा ओप्पे कीयना इन्जि, देवुळि ओन पका तिपल अरनाह कीता. इद्रम कीयनद देवुळतुह्‌क बेस ओप्पता.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!

1 पत्रु 5:11

देवुळि अमेसा अमेसात्कु राजेम कीयि! अहे आयि!

2 पत्रु 3:18

अद्रम आयवा, माक पिसिह केवाल मावा किर्स्तु येसुसामिना देय्वाते ओसो बुदते, बेस बेर्ससोर अन्ह्‌टु. इंजेक वने, अमेसा-अमेसातुह्‌क वने, ओने मन्कलोर मान ईसि मोळ्किर! आमेन.

यहुदाल 1:25

मावा येसुसामि किर्स्तुना मेटे, माक पिसिह कीयनदु, अद वग़य देवुळि. अदे देवुळतुह्‌क, अता कालमते वने, इंजेक वने, अमेसा-अमेसातेनाह्‌क डीसा तानाये; मान तानाये; लाव तानाये; अदिकर तानाये इनजोर, मन्कलोर इनिर. आमेन.

तोहचीतव पोल्‍लोङ 19:1

इव सबे आतापया, पोग़ोन देवुळदीपतगा वेल्‍लाय मुलु रोदा पोयतना लेह्‌का, रोदा पोयतनद केंजतन. ओर इद्रम इतोर: “हलेलुया! मावा देवुळिये मन्कलोरिन पिसिह कीयनदु; अदे मान ईयना लायकता आंदु. अदे लावता देवुळि.

तोहचीतव पोल्‍लोङ 21:6

ओसोवने इता, “सबे पोल्‍लोङ इंजेके करल आताङ. सबेटविना मोदुल वने ननाये. सबेटविना कोड वने ननाये. सबेटविन सुरु केवानन वने ननाये, सबेटविन मारिह केवानन वने ननाये. एग़ उनडा वसतोरिह्‌क पुनेमते एग़ ईकन. अद एग़ु पिसमुळ ईयनद एताङ कनिर्कनाहि पेसिह्‌ता.

तोहचीतव पोल्‍लोङ 7:10

पोसि गिर्दाते इद्रम केयतोर: “राजकुर्सतगा उदतद मावा देवुळतिन, ओसो गोरेपिलातिन, मियग्डाहे मावा पिसमुळ वास्ता!” इनजोर केयतोर.

तोहचीतव पोल्‍लोङ 7:12

“आमेन! मावा देवुळिये सबेट्क बेरा, डीसा तानाये, बुदि तानाये, तान जोहर कीकल, तान मान ईकल, अदिकर तानाये, लाव तानाये, आमेन!” इनजोर इताङ.