रोम सहरतोर 11:25 - माडिया गोंड पवित्र सास्त्रम

²⁵ मावोर विस्वसिरिर! माटे पका तेल्वतोरोम इन्जि, मीट पोग़यनदायो इनजोर, देवुळि इंजेके इस्रयेलतोरा लोप्पा पुन्पिह कीतद, इद पोल्‍लोतुन मीक वेहतलाह आतन: यहुदि आयवोर बेच्वुर किर्स्तुन विस्वस कीयनुर इनजोर, देवुळि विचर कीता, अच्वुर कतमतोर देवुळतेके वानाह्‌जोम, उच्वुर इस्रयेल मन्कलोरा बुदि, देवुळताङ केंजवाह कैंगम मनदग़ा.

रोम सहरतोर 11:25 Iomraidhean Croise

मत्याल 13:11

येसु पया ओरिन इतोग़ “मीक इतेके, देवुळि तना राजेमताङ मकतव पोल्‍लोन पुनदलाह बुद ईता, ओरिह्‌क बार एवो.

लूकाल 21:24

उय्तुर मन्कलोर तल्वर्कने डोलनुर. उय्तुर मन्कलोरिन बार, दुस्राङ देसेह्‌कनगा दोहच ओयनुर. ओसि यहुदि आयवोरा कालम मारनाह्‌जोम, ओरु येरुसलेमतोरिन काल इळ्न तासनुर.

योहन 10:16

ओसो बेव गोरेङ मन्ह्‌ताङ, अव इद गोह्‌डटग्डाङ (इतेके यहुदि जातता गोह्‌डटग्डाङ) आयोङ. अविस्किन वने नाक नावा गोह्‌डटे काल्ह्‌प पोयतग़ा, अस्के अव नावा आल्कातुन केंजनुङ. पया उंदिय गोह्‌डि आयग़ा, अस्के नना ओरा वग़ोनन मेहवाल कोपानन आयकन.

रोम सहरतोर 1:13

यहुदि आयवोरिन बेसता कबुरतुन वेहचि, उय्तुरिन विस्वसते ततन. अद्रमे मियग्डोर उय्तुर मन्कलोरिन वने, विस्वसते ततकन इनजोर, मियगा ऊक-ऊके वायलाह ऊळिंदन, मावोरिर; मति इचानाह बेदाय अडम आसोर मता. इद पोल्‍लोतुन मीट पुनदना इनजोर, नना वेहतलाह आतन.

रोम सहरतोर 11:12

ओर किर्स्तुन पास्कतद पापम कीताह्‌कु, दुस्राङ जातिनोरिह्‌क देवुळता बर्कत दोर्कता. अह इतेके यहुदिर बेस्के किर्स्तुनेके पूरा मलयनुर, अस्के इंजेटदिह्‌काय वीळिसि, दुनियामेटोरिह्‌क बेचोनो वेल्‍ला बर्कत दोर्कग़ा!

रोम सहरतोर 11:24

मीट यहुदि आयवोर विस्वसिरिर इतेके, टुटाता मराताहि एळ्पतव कोमाना लेह्‌काडोरिर आंदिर. मति यहुदिर बार ओग़्सतद मराताङ कोमाना लेह्‌काडोर आंदुर. मीक देवुळि तना लोकुरगा कलियिह कीता इतेके, सुरुमुनेताहि देवुळता लोकुर मतोर यहुदिरिन, तनगा ओसोवने मल्हच ततना, इदु देवुळतुह्‌क ओसोय अल्को पोल्‍लो आंदु! (अदिनेनाह्‌क विस्वस केवोर यहुदिरिन पास्किसि, पोग़यसोर तिरियमाटु.)

रोम सहरतोर 12:16

मीवा मुडोरगा उंद एकाते मन्ह्‌टु. पोमाडेङ कीसोर तिरियमाटु, मति पोहचीतप लेह्‌का मनवालोरा संगे गोत आम्ह्‌टु. नाक सबे एर्का मन्ह्‌ता, नना बुदतोनन इनजोर इनमाटु.

रोम सहरतोर 16:25

देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता. इद कबुरता पोल्‍लो वेल्‍लाय जोम आनाह, मकिस मता.

रोम सहरतोर 9:18

इद पोल्‍लोताहि बाताल तेळियनाह आस्ता? देवुळि बोन दया कीयलाह विचर कीस्ता, ओन दया कीस्ता; बोनु (पिरोनना लेह्‌का), कैंगम आनाह विचर कीस्ता, ओन कैंगम आनाह कीस्ता.

1 कुरिंततोर 10:1

मावोर विस्वसिरिर! मावाङ तादोर-बाबोरा पोल्‍लोतुन वने, मीक सीता कीसीकन: ओर मिसर देसेमताहि पेसतापया, देवुळता मोयुल ओरिन मुळ्हचि, सबेटोरिन राका कींदु. ओर सबेटोर एरल सम्दुरता नडुमतुह्‌क अतोर.

1 कुरिंततोर 12:1

मावोर विस्वसिरिर! देवुळता जीवा ईयनव बुदिनाङ पोल्‍लोन ताल्ह्‌किस मतिर, अविस्किन मीट पुनदना इनजोर, मीक तेळियिह कीस वेहतह्‌नन.

1 कुरिंततोर 2:7

मति देवुळताये बुदता पोल्‍लोतुन वेहतह्‌नोम. आक्रिते माट ताना संगेन पिसना इन्जि, अद पोल्‍लोतुन देवुळि बूमतुन पुटिह केवस्केन, विचर कीस तासिस मता. इचानाह पुन्पिह केवा मता. मुनेता कालमते तना पोटातगा तासिस मता.

1 कुरिंततोर 4:1

अदिनेनाह्‌क माट सेवकिरा लोप्पा, मीट विचर कीयह्‌पा, वेर किर्स्तुना सेवा केवालोर आंदुर, देवुळि तनाङ मकिह कीस तासिस मतव पोल्‍लोन वेहतनद कबळतुन, वेरिह्‌क ईता इनजोर, सीता कीम्ह्‌टु.

इपिसुसतोर 1:9

देवुळि मुने मकिह कीस तासिस मतद पोल्‍लोतुन, इंजेके माक पुनाह कीता. इद्रम कीयलाहि ताना गिर्दा मता. मुनेन तना विचर कीस मतपु, किर्स्तुना मेटे इंजेके अद पोल्‍लोतुन पेसिह कीता.

इपिसुसतोर 3:9

सबेटविन पुटिह कीतद देवुळि, इद पोल्‍लोतुन मुने वेल्‍लाय जोम आनाह, पुन्पिह केवा तासिस मता. मति इंजेके अद पोल्‍लोतुन सबेटोर मन्कलोरिह्‌क तोहतनद कबळतुन वने, नाक देय्वा कीसि ईता.

इपिसुसतोर 4:18

ओरा बुद कैंगम आसि, गंगा पोयतप लेह्‌का आता. देवुळता अग़दुन, ताना पोल्‍लोतुन, मुर्तिय पुनोर. अदिनेनाह्‌क तानग्डाह एग़िसि, देवुळ ईयनद पिसमुळतुन दोर्किह केवोर.

2 पत्रु 3:8

नावा गोततोरिर! उंद पोल्‍लोतुन मात्रम सीता कीम्ह्‌टु: देवुळतुह्‌क उंद दिया इतेके, अजर वर्साना लेह्‌कान; ओसो अजर वर्साङ उंद दियाता लेह्‌कान मन्ह्‌ताङ.

तोहचीतव पोल्‍लोङ 1:20

नावा तिनळ कयदे एळुङ उकानु ऊळतिन, ओसो बंगरताङ एळुङ चिमलि गुटान ऊळतिन. अविस्कनगा उंद पोल्‍लो मकतद मन्ह्‌ता. अद इद्रमि: एळुङ उकाङ इतेक एळुङ सहर्कना विस्वसिरा मुडुन ऊळसोर मनदनव देवतुल्कु आंदुङ. एळुङ चिमलि गुटाङ इतेके, एळुङ सहर्कना विस्वसिरा मुडाङ सीनाङ आंदुङ,” इनजोर इतोग़.

तोहचीतव पोल्‍लोङ 11:15

पया एळुङ मल्काता देवतुलि अकुम ऊरता. अस्के देवुळदीपतगा वेल्‍लाङे लेङिङ जोरते पेसताङ. अव इद्रम इताङ, “दुनियाता राजेम पूरा मावा देवुळता, ओसो अद आचतोग़ पिसिह केवाल राजाना आता. इंजेके अद अमेसा-अमेसातुह्‌क राजेम ताकिह कीस्ता,” इनजोर इताङ.

तोहचीतव पोल्‍लोङ 7:9

इव पोल्‍लोङ आतापया, नना ऊळतन: सबे जातिनोर, सबे कूळिनोर, सबे देसेह्‌कनोर, दुस्राङ-दुस्राङ बासाङ वळ्ह्‌कवालोर मन्कलोरा मुलु, राजकुर्सता मुनेह, गोरेपिलाता मुनेह निच मतोर. बोग़े लेक पग़वाह मुल मतोर. मुडा मन्कलोर पांड्रि गेंदेङ उहचि मतोर. ओसो गजर मराताङ कोमाङ पोस मतोर.