रोम सहरतोर 10:19 - माडिया गोंड पवित्र सास्त्रम

¹⁹ केंजिसाय ओरिह्‌क तेळियोया? तेळियह्‌ताये! मुनेन मोसाना सास्त्रमते रासतपु, देवुळि इस्रयेल लोकुरिन इद्रम इता: “दुस्राङ जातिनोरिह्‌क बर्कत ईसि, मीवा जीवा कर्वनाह कीकन. नाक पुनवोरिह्‌क देय्वा ईसि, मियगा कोटुल पुटिह कीकन,” इनजोर देवुळि इता.

रोम सहरतोर 10:19 Iomraidhean Croise

रोम सहरतोर 10:18

पया इस्रयेल लोकुर इद कबुरतुन केंजोरा? आयो, ओर केंजतोरे. देवुळता सास्त्रमतगा इद्रम रासतद मन्ह्‌ता: ओरा कबुर पूरा बूममेंड एवता. ओरा पोल्‍लो दुनियाता कोड एवनाह पोकुर आता, इनजोर रासतद मन्ह्‌ता. अद्रमे ओर निटम केंजतोरे.

रोम सहरतोर 11:11

पया इस्रयेलतोर यहुदिर, किर्स्तुन विस्वस केवस्के, देवुळतग्डाहि अमेसा-अमेसातुह्‌क एग़तोर इनजोर, नना इनोन. अद्रम आयमाकि वने! यहुदिर किर्स्तुनाङ केंजवाह्‌कु, देवुळता पिसमुळ यहुदि आयवोरगा एवता. इदिन ऊळिसि, यहुदिरा जीवा कर्विसाय नयगा वायिर इन्जि, देवुळता विचर मन्ह्‌ता.

रोम सहरतोर 11:14

इद्रम कीस, नना नावाय यहुदि जाततोरिन जीवा कर्वनाह केवेनन. अस्के मियगा मनदनद बर्कततुन ऊळिसि, ओर उच्वुर तेला किर्स्तुन विस्वस कीसि पिसिर.

1 कुरिंततोर 1:12

अद इद्रमि: मीवा मन्कलोरग्डाहि ओर्वोग़ इन्ह्‌तोग़ “नना पोलुनकेडोनन,” ओर्वोग़ इन्ह्‌तोग़ “नना अपुलोसनकेडोनन,” ओर्वोग़ इन्ह्‌तोग़ “नना पत्रुनकेडोनन,” ओर्वोग़ इन्ह्‌तोग़ “नना किर्स्तुनकेडोनन,” इद्रम इन्जि, मीट वळ्ह्‌कलाह आतिर!

1 कुरिंततोर 10:19

नना बह इह्‌नन इतेके: बोमानेनाह्‌क मोक ईयनव अविङ, वेट अविङे मन्ह्‌ताङ, बोमानगा वने बेदे जीवा इले.

1 कुरिंततोर 11:22

इद बह कीतिर? लेवोर विस्वसिरिह्‌क बेसता गाटो तूसवा, ओरिन लजा कीय्ह्‌निर, इद्रम कीस देवुळता मुडुन पास्किह्‌निर! इद्रम कीयना वाटो, जमा आयनामुने, मीवाङ लोह्‌कने तिन्ज वातेक बेसु. इद पोल्‍लोतुन नना बाताल इनजोर वेहतकन? बेस-नेह्‌ना कीयलाह आतिर इनदकना? आयो! मुर्तिय अद्रम इनोन.

1 कुरिंततोर 12:2

मीट बेस्के देवुळतुन पुनवा मतिर, अस्के अलग-अलग रीतिने, वळ्ह्‌क पुनवव बोमानके लेससोर मतिर, इदिन मीट पुतिरे.

1 कुरिंततोर 15:50

मावोर विस्वसिरिर! इदे पोल्‍लो वेहतलाह आतन: मन्कना लावतद मावा मेंदुलि, देवुळ राजेम ताकिह कीयनगा मनदा पग़वो. इतेके कळियनद मेंदुलि, कळियवदिनगा मनदा पग़वो.

1 कुरिंततोर 7:29

मावोर विस्वसिरिर! नना इद्रम वेहतह्‌नन: माक इद बूमतगा पिसलाह, वेल्‍लाङ दियाङ इलेङ. (किर्स्तु जल्दि मल्स वायनोग़, माट मनदनद इद बूमि मायना मन्ह्‌ता. अदिनेनाह्‌क पिसतव दियाने, इद बूमता मनमुळतगा वेल्‍ला सीता कीयनदायो.) मुतेन ततोरिर, मीवा लोतोरिन सुकमते तासनदिन, मोदुल पोल्‍लो इनदनदायो.

तीतुस 3:3

मुने माट वने बुद तेळियवोरल मतल. पोल्‍लोङ केंजवोरल मतल. माट नाळेम आस मतल. दुस्राङ-दुस्राङ लाग्वाङ लालुस्कना कय इळ्न मन्जि, विचर वातप कींदल. लाग्वाङ कींदल, कुळ्सा अंदल. दुस्रोरिह्‌क एग़्ङ वावालोरल मंदल, ओसो माट वने ओर्विह्‌क-ओर्वोग़ कोटुल कींदल.

1 पत्रु 2:10

देवुळता कबुरतोग़ ओर्वोग़, मुने मीवा लोप्पा इह रासतोग़: मुने मीटु बोनाय लोकुरिर आयविर, मति इंजेके मीटु देवुळता लोकुरिर आतिर. मुने मीटु देवुळता गूनमतुन पुनविर, मति इंजेक मीटु देवुळता गूनमतुन पुतिर.