रोम सहरतोर 10:15 - माडिया गोंड पवित्र सास्त्रम

¹⁵ लोहवालोर लेवेके, ओरगा बोग़ दायनोग़? अदिनेनाह्‌क देवुळता सास्त्रमतगा इद्रम रासतद मन्ह्‌ता: बेसता कबुरतुन तवालोर वायनदिन ऊळिसि, बेचोन गिर्दा वास्ता! इनजोर देवुळता कबुरतोग़ यसयाल वेहतोग़. अद्रमे देवुळि तना कबुरतोरिन पोकुर कीयलाहि लोहताये.

रोम सहरतोर 10:15 Iomraidhean Croise

मत्याल 9:38

अदिह्‌के पोलमता माल्काललेह्‌काडा देवुळि, लोकुरिन बेसता कबुर वेहचि, तनगा तवालोर बूतिनोरिन लोहि इन्जि, मीटु अर्ज कीसोर मन्ह्‌टु,” इन्जि येसु ओरिन वेहतोग़.

लूकाल 10:1

पया येसुसामि मूंड वीसाङ बारा (72) तनाङ कग़यवालोरिन आचतोग़, आचिसि तन्क दायना मतव सबे नाह्‌कने, ओरिन इर्वुर-इर्वुरिन कीसि, मुनेह लोहतोग़.

लूकाल 2:10

अचोटेने देवतुल ओरिन इता, “मीट रेयमाटु! इके केंजाट, नना मियेनाह्‌क बेसतल कबुर ततन. अद सबेटोर लोकुरिह्‌क पका गिर्दा ईयनद कबुर आंदु.

लूकाल 2:14

“देवुळदीपतगा मनदनद देवुळतुह्‌क मान आयि. नेदगा तान्क विचर वातोर मन्कलोरिह्‌क सुकम आयि,” इनजोर इताङ.

लूकाल 8:1

पया येसु सबे नाह्‌कने, देवुळि मन्कलोरगा राजेम कीयनद बेसता कबुरतुन पोकुर कीसोर तिरियलाह बोटटोग़. ओना संगे ओनाङ बळयिर बारा मुलु मंदुर.

योहन 20:21

ओसो उंद मल्का येसु ओरिन इतोग़, “मीक सुकम दोर्कि, रेयमाटु! बहलेह्‌का बाबाल नाक इद दुनियाते लोहतोग़, अहलेह्‌का नना वने मीक दुनियाते लोहतह्‌नन.”

बळयिर 10:36

(देवुळि आचतोग़) येसु किर्स्तु, पापि मन्कलोरिन देवुळता संगे कलियिह कीतोग़ (ओग़े येसु कतमतोरा माल्काल). इदे बेसता कबुरतुन देवुळि तना इस्रयेल लोकुरिह्‌क लोहता, इदिन मीट पुतिर.

बळयिर 13:26

“मावोर इस्रयेलतोरिर, अब्रहम मुय्तोना पुळ्गतोरिर, यहुदिरा देवुळतुन मोळ्कवालोरिर, येसुसामि लोकुरिन पिसिह कीयनद कबुरतुनु, मयगाने देवुळि लोहचीता.

बळयिर 22:21

मति येसु इतोग़, ‘आयो, यहुदि आयवोरिन नावा पोल्‍लोतुन वेहतलाह नना नीक जेक-जेक लोहतह्‌नन, इग्डाहि अन!’ इतोग़.”

बळयिर 9:15

इतस्के येसु इतोग़, “आयो, निमा ओनगा अन. बाराह्‌क इतेके, नावा पोल्‍लोतुन यहुदि आयवोर दुस्राङ जातिनोरगा, ओरा राजालोरगा, ओसो इस्रयेल लोकुरगा इतेके यहुदिरगा एव्सिह कीयलाहि, ओग़ नावा आचतोग़ सेवक आंदोग़.

रोम सहरतोर 1:15

अदिनेनाह्‌क मीक रोम सहरतोरिह्‌क वने, बेसता कबुरतुन वेहतलाह नावा गिर्दा मन्ह्‌ता.

रोम सहरतोर 15:20

इद्रमलेह्‌का बेसता कबुरतुन ओयह्‌पा, (किर्स्तुना पोल्‍लोतुन मुनेन मुर्तिय केंजवोरगा दायलाह विचर कींदन.) दुस्रोग़ दोहतद जोतातगा नना लोन पंडनद ओप्पो, अद्रमलेह्‌का दुस्रोर पोकुर कीतद नाटेनगा दायलाह, नाक विचर वावो.

इपिसुसतोर 2:17

किर्स्तु वासि, देवुळता संगे कलियनद कबुरतुन पोकुर कीतोग़. तानग्डाहि जेक मतोरिर, मीक वने अदे कबुर पोकुर कीतोग़. ताना एरे मतोरिह्‌क वने अदे कबुरतुन पोकुर कीतोग़.

इपिसुसतोर 3:8

देवुळता मन्कलोर सबेटोरिह्‌काय, ननाय ओसोय उड्लोनन. तेला मति देवुळि नाक इद देय्वा ईता: इतेके किर्स्तुनगा बेचोन लेकालेवा बर्कत दोर्किह्‌ता इनजोर, यहुदि आयवोरगा अन्जि, कबुर वेहतनद सेवा नावा कयदे ईता.

इपिसुसतोर 6:15

किर्स्तु माक देवुळता संगे कलियिह कीतोग़, इद बेसता कबुरतुन नमिसि, सुकमते निच मन्ह्‌टु. सीपय्कनाङ काल्क बळ्स अनवाहु, बेस मेग़्किह कीस तासनव बूट्कना लेह्‌कान, (इद पोल्‍लो मीक मीवा विस्वसते कोदुर ईस अरयलाह एवो).

1 पत्रु 1:12

इव गोटिङ मात्रम ओरेनाह्‌क आयोङ, मति वायना कालमतोरेनाह्‌क इतेके, मियेनाह्‌कु मन्ह्‌ताङ इन्जि, देवुळि ओरिह्‌क पुन्पिह कीता. अद्रमे मावा कालमते अव सबे गोटिनु, येसुना मेटे बेसता कबुर वेहवालोर, देवुळदीपताहि लोहतद देवुळता पवित्र जीवाता लावते, मीकु वेहतोर.देवतुल्क इंका इव असलताङ गोटिङ बेद्रम आस्ताङ, इदिन पुनदलाह ऊळसोरेन मन्ह्‌ताङ!