रोम सहरतोर 1:28 - माडिया गोंड पवित्र सास्त्रम

²⁸ ओरिह्‌क देवुळतुन सीता कीयलाह, मुर्तिय विचर वावो. अदिनेनाह्‌क ओरा बुद करबता मनि, ओप्पवव कबस्क कीयिर इनजोर, देवुळि ओरिन विळ्सिसीता.

रोम सहरतोर 1:28 Iomraidhean Croise

बळयिर 17:23

इद्रम बाराह्‌क इह्‌नन इतेके, मीवाङ रावुळ्किन ऊळसोर तिरियनेके, उंद गर्यातुन ऊळतन. अगा ‘माट पुनवद पेनतेनाह्‌क’ इनजोर रासिस मता. मीट पुनवालेवा मोळ्किह्‌निर, अदे देवुळता पोल्‍लोतुन नना इंजेके मीक वेहतह्‌नन.

बळयिर 17:32

हामुरताहि जीवा अरयना पोल्‍लोतुन केंजतापया, उय्तुर बार ओन कवतोर. ओसो उय्तुर बार “अले बेस्काय इद नीवा पोल्‍लोतुन, माट ओसो केंजकोम,” इनजोर इतोर.

रोम सहरतोर 1:18

(किर्स्तुना बेसता कबुर सबेटोरिह्‌के गर्ज मन्ह्‌ता.) बह इतेके, देवुळतुन सीता केवोर लाग्वोरु बह कीस्तोर, तमा लाग्वा बुदते सेतेमतुन मिसिह्‌तोर. अद्रमतोरा पोग़ोन देवुळि पका ओङ आसि, देवुळदीपताह तना सिक्सा अर्हचीयग़ा इन्जि, तोहतलाह आता.

रोम सहरतोर 1:21

ओर तान पुतोर निटमे, मति अद देवुळि इनजोर मानेम आयोर. ओसो देवुळ माक बेस ऊळिह्‌ता इनजोर, तान जोहर वने केवोर. मति (देवुळि इद्रमता, अद्रमता इनजोर,) उगसताङ विचर्क कीयलाह आतोर. माट बुदतोरोम, तेल्वतोरोम इन्ह्‌तोर, मति बुदलेवोर आतोर. ओर बुदलेवोरा जीवातगा, गंगा पोयतप लेह्‌का आता.

रोम सहरतोर 1:24

देवुळिये अमेसा-अमेसातुह्‌क जोहर कीयना लायकता मन्ह्‌ता, इंगो निटमे! मति ओर सबेटविन पंडटद देवुळतुन माळवा, देवुळ पुटिह कीतविन माळिह्‌तोर. अह कीसि, देवुळता सेतेमता अग़दुन विळ्सिसि, जोलता अग़दुन पोयतोर. अदिनेनाह्‌क ओर ओर्विह्‌क-ओर्वोग़ तमाङ मेंदुस्कने लजालेवा करबताङ कबस्क कीयिर, ओर्विह्‌क-ओर्वोग़ साट्यालोरा लेह्‌का आसि, विचर वातप लेह्‌का कीयिर इनजोर, देवुळि ओरिन विळ्सिसीता. बह इतेके वेल्‍लाङे आस्क वने, आळ इर्वुर उंजतप लेह्‌का, दुस्राङ आस्कना संगे उंजिह्‌ताङ.

1 कुरिंततोर 15:34

इव पोल्‍लोना लोप्पा पुन्ज मन्ह्‌टु. देवुळतुह्‌क विचर वातप बेस बुदते मन्ह्‌टु, पापम कीयनद विळ्साटु. मीक लजा वानाह उंद पोल्‍लो इह्‌नन, मियगा उच्वुर मन्कलोरिर देवुळतुन इंका पुनविरे.

2 कुरिंततोर 10:5

मन्कना बुदते विचर कीयनदिन आरे कीय्ह्‌नोम, अहे देवुळतुन पुनवाह कीयनद, मोर्दोप बुदताङ सबे पोल्‍लोन आरे कीय्ह्‌नोम. मन्कलोरा उंद-उंद कैंगम विचरतुन मिळ्हचि, किर्स्तुना पोल्‍लोतुन केंजनाह कीय्ह्‌नोम.

इपिसुसतोर 5:4

लजाताङ पोल्‍लोङ, बुदलेवव पोल्‍लोङ, करबताङ कव्न्डे पोल्‍लोङ, इव मीक ओप्पना लेह्‌काडाङ आयोङ. मति देवुळतुन जोहर कीयनव पोल्‍लोङे, मीक ओप्पनव पोल्‍लोङ आंदुङ.

2 तिसलुनितोर 1:8

देवुळतुन पुनवोर, येसुसामिना बेसता कबुरतुन केंजवोरिह्‌क सिक्सा ईयलाह, येसु मळ्गनद किसते ओसो वायनोग़.

2 तिमोति 3:8

बेद्रम मुनेटा कालमते यनेस ओसो यम्बरेस इनवालोर, (मिसर देसेमतोर गूनयालोर) मोसा मुय्तोन विरुद कीस मतोर, अद्रमे इंजेटा कालमते वेर मन्कलोर सेतेमता विरुद कीस्तोर. वेर ओसोय लाग्वा बुदतोर आंदुर; येसुन विस्वस कीयनद पोल्‍लो वेरिह्‌क मुर्तिय तेळियो.

तीतुस 1:16

देवुळतुन पुतोम इनजोर, सबेटोरा मुनेह ओर वेहतह्‌तोर. मति ओर जोल कीयलाह आतोर इनजोर, ओराङ कबस्क तोहतह्‌ताङ. ओर देवुळतुह्‌क एग़्ङ वानाह मन्ह्‌तोर, ओर ताना पोल्‍लोतुन केंजवोर आंदुर, अहे बेदे बेसता कबळतुह्‌क ओजोर.

पिलेमोन 1:8

अदिनेनाह्‌क बेद ओप्पिह्‌ता, तान कीकिन इन्जि, नीक जीवा कीसि, नना पोलुनन अर्जि कीयलाह आतन. नना किर्स्तुना (बळयिनन इनजोरे, अदिकरते) नीक उकुम ईया पग़यह्‌नन. मति नना मुय्तोनन आतन, किर्स्तु येसुना सेवा कीयनाह्‌क, जेलते मह्‌नन इन्जि, नावा अर्जतुन केंजा.

2 पत्रु 3:5

ओर उंद पोल्‍लोतुन पुन्जाय मति, तान सीता केवोर. अद इद्रमि: सुरुमुने पोग़ोटा बूमि, देवुळ इतद पोल्‍लोतेन पुटटा. ओसो देवुळ वळ्ह्‌किसिये, इळ्ता बूमतुन एग़ मतग्डाहि पुटिह कीता, अह कीसि वततद बूमतुन, एतग्डाहि एग़िह कीता.