रोम सहरतोर 1:23 - माडिया गोंड पवित्र सास्त्रम

²³ अमेसा मनदनद देवुळतुन, निमान बेरा डीसातोनिन इनजोर मोळ्कना वाटो, रेंड दियाङ मनवालोर मन्कलोरा, पिटेना, जन्वर्कना, तरस्कना लेह्‌काडाङ बोमाङ पंडटोर; ओसो अविस्किन पेन्क इनजोर मोळ्किह्‌तोर.

रोम सहरतोर 1:23 Iomraidhean Croise

बळयिर 10:12

अद गेंदेतगा, इद बूमतगा मनदनव तिनदलाह पोलनव, पोलवव, सबे जातिनाङ नालुङ काल्कनाङ जन्वर्क, कोरियनाङ-बेङनाङ जन्वर्क, ओसो पिटेङ वने मताङ.

बळयिर 17:29

मन्कलोर आपुना विचरते, आपुना बुदते बंगरताङ, वेंडटाङ, बंडानाङ बोमान पंडिह्‌तोर. माट देवुळताङ पेकोरल, अदिनेनाह्‌क देवुळि अव बोमाना लेह्‌काडा इनजोर, विचर कीयना आयो.

1 कुरिंततोर 12:2

मीट बेस्के देवुळतुन पुनवा मतिर, अस्के अलग-अलग रीतिने, वळ्ह्‌क पुनवव बोमानके लेससोर मतिर, इदिन मीट पुतिरे.

1 पत्रु 4:3

मुने मीटु देवुळतुन पुनवोरिर मतिर अस्के, लाग्वा विचरते तिरियताह्‌कु, गोचुर आयना, सिंड्रि-साट्याल आयना, कल लोटि आयना, वेल्‍लाटोर कलियिसि कडा रिमाते विचर वातप कीयना, बोमान मोळ्कना, इद्रमताङ मीट कींदिर. मीट मुने अह कीताङ दियाङ मारताङ, इंजेटाहि अद्रमताङ केमाटु.

तोहचीतव पोल्‍लोङ 9:20

इव मूंड आस पीळाने डोलवालेवा पिसतोर मन्कलोरु, इचोन तिपल आस तेला, तमाङ लाग्वाङ कबस्कनाहि मलवोर, देवुळताङ केंजोर. ओर देयह्‌किन ओसो बंगरते, वेंडिते, इतुळते, बंडाने, मराने पंडटव बोमान मोळ्कसोरेन अंदुर. अव बोमाङ इतेके, तोवया पग़वोङ, वेनदा पग़वोङ, ताक पग़वोङ.