रोम सहरतोर 1:21 - माडिया गोंड पवित्र सास्त्रम

^21-22 ओर तान पुतोर निटमे, मति अद देवुळि इनजोर मानेम आयोर. ओसो देवुळ माक बेस ऊळिह्‌ता इनजोर, तान जोहर वने केवोर. मति (देवुळि इद्रमता, अद्रमता इनजोर,) उगसताङ विचर्क कीयलाह आतोर. माट बुदतोरोम, तेल्वतोरोम इन्ह्‌तोर, मति बुदलेवोर आतोर. ओर बुदलेवोरा जीवातगा, गंगा पोयतप लेह्‌का आता.

रोम सहरतोर 1:21 Iomraidhean Croise

योहन 3:19

देवुळता नेयमि इह मन्ह्‌ता. वेह्‌चलेह्‌काडोग़ देवुळदीपताहि इद बूमते वातोग़; मति मन्कलोर तमाङ कबस्क लाग्वाङ मन्ह्‌ताङ इनजोरे, वेह्‌चतुह्‌काय एक्‍वा, ईकळतेनाह्‌क गिर्दा आस्तोर.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

रोम सहरतोर 1:19

बाराह्‌क इतेके, देवुळता लोप्पाडाङ पोल्‍लोङ ओरिह्‌क पोळ्क्ने दिसिह्‌ताङ. देवुळिये ओरिह्‌क इव पोल्‍लोङ बेस-नेह्‌ना पुन्पिह कीता.

रोम सहरतोर 1:28

ओरिह्‌क देवुळतुन सीता कीयलाह, मुर्तिय विचर वावो. अदिनेनाह्‌क ओरा बुद करबता मनि, ओप्पवव कबस्क कीयिर इनजोर, देवुळि ओरिन विळ्सिसीता.

रोम सहरतोर 11:10

देवुळता सेतेमतुन ऊळ पग़वाह, ओर गंगाते मनिर. मोताते ओरा मोळ्ह्‌कोग़ अमेसा वग़्ङिस मनि,” इनजोर इतोग़.

रोम सहरतोर 15:9

(ओसो उंद पोल्‍लोतेनाह्‌क वने, इद बूमते वातोग़. अद बाताल इतेके,)यहुदि आयवोर वने, देवुळि ओरा पोग़ोन कीतद दयातेनाह्‌कु, तान जोहर कीयिर. अदिना लोप्पा (देवुळताङ पाटानगा, दाविद राजाल) इद्रम रासतोग़: ए देवुळि! नना दुस्राङ जातिनोरा संगे कलियिसि, नीक पाटाङ ओसि जोहर कीकन, इनजोर रासतोग़.

2 तिमोति 3:2

मन्कलोर दुस्रोरिन सीता केवा, कुदतासाटिये आलिह कीयनुर, कोताना लालुस कीयनुर, पोग़यसोर तिरियनुर, मोर्दोप आयनुर, देवुळतुन पास्कनुर, तलोग़-तपेरा पोल्‍लो केंजोर आयनुर, दुस्रोर बेस कीतदिन सीता केवोर आयनुर, देवुळतुन मुर्तिय सीता केवोर आयनुर,

1 पत्रु 1:18

मीवाङ तादोर-बाबोराङ अङ्ळमताङ उतुर्कनाहि, देवुळ मीकु बह कीसि विळ्सिह कीता, तान मीट पुह्‌निर. अदु मीकु बूळेम आयनदु बंगरताङ, वेंडटाङ कोताना जमानत कीसि, विळ्सिह केवो. मति बेदे डागिललेवदु, कसुरलेवदु मोक आयनद गोरेपिलालेह्‌काडोग़ किर्स्तु, ओना नेतुरता जमानत कीसि, मीकु विळ्सिह कीता.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

तोहचीतव पोल्‍लोङ 14:7

अद जोरते इद्रम इता: “देवुळि नेयम कीयनद दिया एवता. अदिनेनाह्‌क तान्क रेयाटु, तान्क मान ईम्ह्‌टु. पोग़ोटा बूमि, इळ्ता बूमि, सम्दुर ओसो एताङ कनिर्क, इविस्किन पंडटद देवुळतुन मोळ्काट,” इनजोर इता.

तोहचीतव पोल्‍लोङ 15:4

ए सामिनिन! सिरप निमान पवित्रतोनिन! अदिनेनाह्‌क नीक कतमतोर रेयिस ताकनुर. नीवा पेदिर पोस नीक कतमतोर मान ईयनुर. नीवा सेतेमताङ कबस्किन सबेटोर ऊळतोर. अदिनेनाह्‌क सबे जातिनोर नीवा मुनेह वासि मोळ्कनुर,” इनजोर वाग़तोर.