तोहचीतव पोल्‍लोङ 8:13 - माडिया गोंड पवित्र सास्त्रम

¹³ अद्रमलेह्‌काने पया उंद गंदाल पिटे, पोग़ोटाहि पग़यिस वायनद ऊळतन. अद पका जोरते इद्रम इनदनद केंजतन: “इंजेके पिसतव मूंड देवतुल्कु, तमाङ अकुह्‌क ऊरना मन्ह्‌ता. अव अकुह्‌क नेकिह्‌पा, सबेटोर बूमतोरिह्‌क बेचोन गोसा, गोसा, गोसा!” इनजोर इनदनद केंजतन.

तोहचीतव पोल्‍लोङ 8:13 Iomraidhean Croise

इब्रितोर 1:14

पोग़ोटाङ देवतुल्क राजेम कीयनव आयोङ, देवुळता सेवा कीयनव जीवाङ. बोर-बोरिह्‌क देवुळता पिसमुळ दोर्किह्‌ता, ओरा सेवा कीयलाहे, अद लोहतनव जीवाङ आंदुङ.

तोहचीतव पोल्‍लोङ 11:14

केंजाट, दुस्रा गोसा मारता, मति ऊळाट! मुचाकेपाता गोसा चट्पिटे वायलाह आता.

तोहचीतव पोल्‍लोङ 12:12

अदिनेनाह्‌क ए देवुळदीपतगा मनवालोरिर! मीट गिर्दा आम्ह्‌टु! मति ए इळ्ता बूमतगा, ओसो सम्दुरतगा मनवालोरिर! मीक बेरा गोसा वायग़ा. देयह्‌कना मुक्याल इंजेके मियगा रेगता. इंजेक तना कबळ कीयलाह, एक्‍वा दियाङ इलेङ इनजोर अद पुता, पुताह्‌कु पका ओङ आता,” इनजोर अद लेङ इता.

तोहचीतव पोल्‍लोङ 14:3

पया ओर उंद लाक रेंड वीसाङ नालुङ अजर्क (1,44,000) मन्कलोरु, देवुळता राजकुर्सता मुनेह, नालुङ दिंचिना मुनेह, पेदल्कना मुनेह, पूना पाटा वाग़तोर. ओरिन विळ्सिस, बोरे अद पाटातुन कग़य पग़वोर. पूरा बूमतोर मन्कलोरग्डाहि, देवुळि ओरिने कर्सा ईसि, विळ्सिह कीस मता. ओर देवुळतेनाह्‌क ओसो गोरेपिलातेनाह्‌क अलग आतोर. बेस्केन साट्याल कबळ केवोर कोय्तोरा लेह्‌का, ओर गोरेपिलातुन विळ्सिसि बेदिने मोळ्कोर. ओर गोरेपिला तोहतद अग़देने ताकिंदुर.

तोहचीतव पोल्‍लोङ 14:6

पया नना उंद देवतुलतुन मोयुदगा पग़ियनदिन ऊळतन. तानगा बूमतगा मनवालोर सबे जातिनोर, कूळिनोर, दुस्राङ-दुस्राङ बासाङ वळ्ह्‌कवालोर, सबे देसेह्‌कनोर मन्कलोरगा पोकुर कीयलाहि, बेस्केन मिळ्न्दवद बेसता कबुर मता.

तोहचीतव पोल्‍लोङ 19:17

अचोटेने उंद देवतुल पोळ्‍दतगा निच मतद ऊळतन: अद पोग़ोन पग़ियनव सबे गंदाल पिटेन जोरते इद्रम इता: “अलेट! देवुळि तयर कीतद कुळ्प तिनदलाह, जमा आम्ह्‌टु! अगा मीक पकाय तिनदलाह दोर्किह्‌ता.

तोहचीतव पोल्‍लोङ 3:10

मीट तिपल आयह्‌पा, नना मीक वेहतपु, तिपलतुन दीराते आपसोर मतिर. अदिनेनाह्‌क पूरा बूमते मनवालोरा पट ऊळलाहि, बेद तिपल इंजेके बूमतगा वायलाह आता, अद तिपलताहि नना मीक पिसिह कीस तासकन.

तोहचीतव पोल्‍लोङ 8:2

अस्के देवुळता मुनेह नितनव, एळुङ देवतुल्किन ऊळतन. देवुळि अविस्किह्‌क एळुङ अकुह्‌क ईता.

तोहचीतव पोल्‍लोङ 9:1

अद्रमलेह्‌काने पया एयुङ मल्काता देवतुलि, तना अकुम ऊरता. ऊरतस्के, उंद उका पोग़ोटाहि बूमतगा अरतदिन ऊळतन. अद उकातुह्‌क, देयमदीपता सिक्सा-बोंदाता तालम कय ईतद मता.

तोहचीतव पोल्‍लोङ 9:12

इद मुनेता पीळा मारता, मति केंजाट, ताना पया ओसो रेंड बेराङ पीळाङ वायना मन्ह्‌ताङ!