तोहचीतव पोल्‍लोङ 7:4 - माडिया गोंड पवित्र सास्त्रम

⁴ अस्के सीना दोर्कतोर लोकुरा लेकातुन नना केंजतन: इस्रयेल लोकुराङ सबे कूळिनाहि, उंद लाक, रेंड वीसाङ, नालुङ अजर्क (1,44,000) मन्कलोरिह्‌क सीना दोर्कता.

तोहचीतव पोल्‍लोङ 7:4 Iomraidhean Croise

मत्याल 19:28

अस्के कग़यवालोरिन येसु इतोग़, “इह केंजाट, नना सेतेम वेहतह्‌नन, देवुळि सबेटविन पूना पंडिसीयग़ा. अद वेलाते माने-मन्कना नडुम पुटटोग़ु, तना राजकुर्सतगा पका डीसाते उदनोग़. अस्के मीट नावा पेग़्के वातोरिर बारा मन्कलोरिर, बारा राजकुर्सिनगा उदकिर. उदिसि, मीटु इस्रयेलतोर बारा कूळिनोरा नेयम कीकिर.

लूकाल 14:22

इतस्के ओर्युलतोग़ अतोग़, अन्जि अद्रमे कीतोग़. पया मल्स वासि तना माल्कान वेहतोग़, ‘साय्ब! निमा बह उकुम ईतिन, अद्रमे ओरिन केयिस ततन. मति ओसोवने जागा पिसताये,’ इतोग़.

लूकाल 22:30

इतेके मीट वने नावा राजेमता मेजातगा उदिस तिनदकिर-उनडकिर, ओसो राजकुर्सिनगा उदिसि, इस्रयेलतोर बारा कूळिनोरा नेयम कीकिर,” इनजोर इतोग़.

बळयिर 26:7

देवुळ इदे पोल्‍लोतुन निटम कीयनद आसाते, मावाङ बारा कूळिनोर इस्रयेल लोकुर, देवुळतुन नग़्का पिळ्‍विळ, पियल-पोळ्‍द मोळ्कसोरे, पोल्‍लो विळ्सतदिन अद निटम कीयग़ाये इनजोर, माळसोरेन केपिह्‌तोर. ओ राजा, नना वने अद्रमे आसा तासतन, इदिना लोप्पा यहुदिर नावा पोग़ोन कसुर वाटटोर.

रोम सहरतोर 9:27

अद्रमे देवुळता कबुरतोग़ यसयाल वेल्‍लाय मुनेन, इस्रयेलतोरा लोप्पा इद्रम वेहतोग़: देवुळि तना मुनेन वेहच मतप लेह्‌कान इद बूमतोर सबेटोरा अदु चट्पिटे नेयम कीयग़ा, पूराय नेयम कीयग़ा, इस्रयेल मन्कलोर सम्दुरता उस्कोता लेह्‌का, लेक पग़वप मन्ह्‌तोर, तेला मति ओरग्डाहि उच्वुरे, देवुळता सिक्साताहि पिसनुर. इनजोर इतोग़.

याकुब 1:1

नना याकुबनन, देवुळता ओसो किर्स्तु येसुसामिना सेवकनन आंदन. मावा इस्रयेल लोकुर बारा कूळिनोर, दुस्राङ-दुस्राङ देसेह्‌कने बिरोबटो आसि मनवालोर, सबेटोर विस्वसिरिह्‌क नयेनाह जोहर!

तोहचीतव पोल्‍लोङ 14:1

अद्रमलेह्‌काने नना येरुसलेमता सियोन मेटातगा, गोरेपिला निच मतदिन ऊळतन. ताना संगे उंद लाक रेंड वीसाङ नालुङ अजर्क (1,44,000) मन्कलोर निच मतोर. ओराङ तला-कपरानगा गोरेपिलाता पेदिर, ओसो ताना बाबाना (इतेके देवुळबाबाना) पेदिर रासतव मताङ.

तोहचीतव पोल्‍लोङ 14:3

पया ओर उंद लाक रेंड वीसाङ नालुङ अजर्क (1,44,000) मन्कलोरु, देवुळता राजकुर्सता मुनेह, नालुङ दिंचिना मुनेह, पेदल्कना मुनेह, पूना पाटा वाग़तोर. ओरिन विळ्सिस, बोरे अद पाटातुन कग़य पग़वोर. पूरा बूमतोर मन्कलोरग्डाहि, देवुळि ओरिने कर्सा ईसि, विळ्सिह कीस मता. ओर देवुळतेनाह्‌क ओसो गोरेपिलातेनाह्‌क अलग आतोर. बेस्केन साट्याल कबळ केवोर कोय्तोरा लेह्‌का, ओर गोरेपिलातुन विळ्सिसि बेदिने मोळ्कोर. ओर गोरेपिला तोहतद अग़देने ताकिंदुर.

तोहचीतव पोल्‍लोङ 7:5

ओर इस्रयेलतोरा बारा कूळिनोर मतोर: यहुदा मुय्तोना कूळि, रूबेन मुय्तोना कूळि, गाद मुय्तोना कूळि, आसेर मुय्तोना कूळि, नप्‍तालि मुय्तोना कूळि, मनसे मुय्तोना कूळि, सिमियोन मुय्तोना कूळि, लेवि मुय्तोना कूळि, इसाकर मुय्तोना कूळि, जाबलुन मुय्तोना कूळि, योसेप मुय्तोना कूळि, बिन्यमिन मुय्तोना कूळि. उंद-उंद कूळतोरग्डाहि बारा अजर्क (12,000) मन्कलोरिह्‌क, इतेके सबेटोर कलियिसि, उंद लाक, रेंड वीसाङ, नालुङ अजर्क (1,44,000) मन्कलोरिह्‌क, देवुळता सीना दोर्कता.

तोहचीतव पोल्‍लोङ 9:16

पया कोडाना पोग़ोन उदिस मतोर सीपय्किन नना ऊळतन. ओरा लेकातुन नना केंजतन, ओर वीसा कोटिना मुल मतोर.