तोहचीतव पोल्‍लोङ 6:9 - माडिया गोंड पवित्र सास्त्रम

⁹ ताना पया मेततद एयुङ मल्काता वटेतुन, गोरेपिला तेंडटा. अस्के मुने बूमतगा मनदह्‌पा, देवुळता पोल्‍लो वेहताह्‌कु, येसुना साक्सि ईताह्‌कु, कोटुलतोर बोरिन हव्किस मतोर, ओराङ हानस्किन दूपम बोळ्सनद जागाता इळ्न नना ऊळतन.

तोहचीतव पोल्‍लोङ 6:9 Iomraidhean Croise

योहन 16:2

ओरु मीकु तमाङ पार्तनाताङ लोह्‌कनगा वाया एवोर आयनुर. इचोने आयो मति, मीक हव्कवालोर सबेटोरु मीक हव्किसि, माट देवुळतुने माळिह्‌नोम इनजोर इनदनुर, इद्रमता वेला वायना मन्ह्‌ता.

2 कुरिंततोर 5:8

अदिनेनाह्‌क दीरा पोस मह्‌नोमे, मति इद मेंदुलतुन विळ्सिसि, पोग़ोन किर्स्तुनगा मनदनदिन पका विचर कीय्ह्‌नोम, इद मेंदुलते मनदनदिन आयो!

पिलिपितोर 1:23

नडुम एग़्कतप लेह्‌का आतन. नाक इतेके, इद मेंदुलतुन विळ्सिस किर्स्तुनके दायना, इदे पका विचर वास्ता.

पिलिपितोर 2:17

बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

2 तिमोति 1:8

अदिनेनाह्‌क मावा सामिना साक्सि ईयलाह, निमा लजा आयमा. अद्रमलेह्‌काने ओना सेवा कीयनाह्‌क, नना जेलते मह्‌नन; इद पोल्‍लोतेनाह्‌क वने निमा लजा आयमा. मति देवुळि नीक ईतद लावते, बेसता कबुरतेनाह्‌क नावा संगे तिपल आम.

2 तिमोति 4:6

बेद्रम देवुळतुह्‌क मोक ईयह्‌पा, अंगुर जोमातुन वळ्पिह्‌तोर, अद्रमलेह्‌कान नावा जीवातुन वने देवुळतेनाह्‌क ईयनद दिया एवता, नावा हायना वेला एवता.

इब्रितोर 12:23

अग्डाङ सेतेमतोर मन्कलोराङ जीवाना मुडगा मीट कलियतिर. अद मुडगा, सबेटोरिह्‌क देवुळि माळा मग़ना अदिकर ईता, सबेटोराङ पेदिर्क देवुळता पुस्तकतगा रासतव मन्ह्‌ताङ, सबेटोर (किर्स्तुना मोकतेनाह्‌कु,) मुर्तिय पापमलेवोर आसि मन्ह्‌तोर. मीट सबेटोरा, सबेटविना नेयम कीयनद देवुळतगाने वातिर.

तोहचीतव पोल्‍लोङ 1:2

नना ऊळतव सबेटविन रासतन. नना रासतव पोल्‍लोङ देवुळताङ आंदुङ. इव पोल्‍लोङ येसु किर्स्तुना लोप्पा साक्सि ईस्ताङ.

तोहचीतव पोल्‍लोङ 1:9

नना योहननन, मीवा ऐंगेटोग़ विस्वसिनन. माट ऐंगेन येसु किर्स्तुना राजेमतोर मन्कलोरल आतल. ओनेनाह्‌क माट ऐंगे तिपल आय्ह्‌नल. ओसो ऐंगेन तिपलते दीरा पोस मह्‌नल. नना देवुळता पोल्‍लो ओसो येसुना लोप्पा साक्सि वेहताह्‌कु, नाक सिक्सा ईयलाह, सम्दुर नडुम मनदनद पतमुस इनदनद तोग़दगा तासिस मतोर.

तोहचीतव पोल्‍लोङ 14:18

अस्के दूपम बोळ्सलाह अदिकर मनदनद उंद देवतुलि, दूपम बोळ्सनद मेजाताहि पेसता. पेसिसि, एटळ पोयतद देवतुलतुन जोरते इता: “बूमतग्डाङ अंगुर पंडिङ पंडटाङ. नीवा ओळतद एटळते, अव अंगुर गुतिन कोय्म,” इनजोर इता.

तोहचीतव पोल्‍लोङ 16:7

अचोटेन दूपम बोळ्सनद मेजाताहि, उंद लेङ इद्रम वेहतनद नना केंजतन: “इंगो, ए बेरा डीसाता सामि देवुळतिन! ओर लाग्वोरा नेयम सेतेमते कीतिन, ओरिह्‌क ओजनद सिक्सा ईतिन,” इनजोर अद लेङ इता.

तोहचीतव पोल्‍लोङ 19:10

इतस्के नना अद देवतुलतुन दंडुम अरयलाह, तानाङ काल्क अरतन; मति अद इता, “नाक दंडुम अरमा! नीवा लेह्‌कान, नीवा ऐंगेटोर विस्वसिरा लेह्‌कान, नना वने येसुनेनाह्‌क साक्सि ईसोर, देवुळतुन माळवानने! देवुळतुने मोळ्का. बह इतेके येसुना साक्सि ईयनदे, देवुळता सेतेम कबुर वेहतनाह आस्ता,” इनजोर इता.

तोहचीतव पोल्‍लोङ 2:13

देयह्‌कना मुक्याल राजेम कीयनद जागातगा मीट मह्‌निर इनजोर, नना पुतन. मियग्डोग़ मन्कल अंतिपस इनवाल, नाक नमसोरे, नावा लोप्पा साक्सि ईसोर मतोग़. ईताह्‌कु, अग्डोर देयह्‌कना मुक्याल मनदनद, मीवा सहरतोर मन्कलोर ओन हव्कतोर. मीवा मन्कन हव्कतस्के वने, मीट नाक पोस विळ्सविर, नाक विस्वस कीयनदिन विळ्सविर इनजोर पुतन.

तोहचीतव पोल्‍लोङ 20:4

पया नना राजकुर्सिन ऊळतन. अविस्कना पोग़ोन बोर उदिस मतोर इतेके, बूमतगा मनदह्‌पा उच्वुर मन्कलोर अद रकसतुन, ताना बोमातुन, मोळ्कवोरु. ताना सीनातुन तमाङ तला-कपरानगा, कय्कनगा रासवोरु. ओर येसुना ओसो देवुळता पोल्‍लोता साक्सि ईताह्‌कु, विरुदतोर ओराङ तलान डायिस मतोर. अद्रम डोलतोर मन्कलोराङ जीवाङ, अव राजकुर्सिनगा उदिस मतदिन ऊळतन. देवुळि ओरिह्‌क नेयम कीयनद अदिकर ईता. ओर ओसोवने जीवा अर्सि, किर्स्तुना संगे अजर वर्साङ आनाह, राजेम ताकिह कीतोर.

तोहचीतव पोल्‍लोङ 8:3

देवुळता राजकुर्सता मुनेह, बंगरते माचतद दूपम बोळ्सनद मेजा मता. उंद देवतुलि दूपम उर्न्जनद बंगरता कस्ला पोसि, अद मेजातगा वास निता. नितस्के देवुळताङ सबेटोर मन्कलोरा पार्तनाता संगे उर्न्जलाहि, तान्क वेल्‍लाय दूपम दोर्कता.

तोहचीतव पोल्‍लोङ 9:13

आरुङ मल्काता देवतुलि, तना अकुम ऊरता. ऊरतस्के, देवुळता मुनेह मतद, बंगरते माचतद दूपम बोळ्सनद मेजाताङ नालुङ मूलानग्डाहि, उंद लेङ केंज वाता.