तोहचीतव पोल्‍लोङ 5:14 - माडिया गोंड पवित्र सास्त्रम

¹⁴ इतस्के नालुङ आस जीवात मनदनव दिंचिङ, “इंगो आमेन” इनजोर इताङ. अहे ओसो पेदल्कु दंडुम अर्सि मोळ्कतोर.

तोहचीतव पोल्‍लोङ 5:14 Iomraidhean Croise

1 कुरिंततोर 14:16

अद्रम केवालेवा, नावा जीवाते मोळ्किह्‌नन इनजोर, निमा तेळियवद बासाते देवुळतुन जोहर कीय्ह्‌निन. इतेके अगा उदतोग़ नीवा पोल्‍लोतुन पुनवोग़ मन्कल, नीवा संगे बह जोहर कीयनोग़? बह इतेके निमा बेद बासाते वळ्ह्‌कतिन, अदिन ओग़ पुनोग़ कोनि.

तोहचीतव पोल्‍लोङ 19:4

वीसा नालवुर पेदल्कु, ओसो नालुङ आस जीवात मनदनव दिंचिङ, “आमेन, हलेलुया” इनजोर, राजकुर्सतगा उदिस मतद देवुळतुन, दंडुम अर्सि मोळ्कतोर.

तोहचीतव पोल्‍लोङ 4:4

राजकुर्सता सर्ने वीसा नालुङ कुर्सिङ मताङ. अव कुर्सिनगा वीसा नालवुर पेदल्क उदिस मतोर. ओर पांड्रि गेंदेङ केग़्स मतोर; ओसो तमाङ तलानगा, राजालोर केग़यना लेह्‌काडाङ बंगरताङ राजटोपिङ केग़्स मतोर.

तोहचीतव पोल्‍लोङ 4:6

अद राजकुर्सता मुनेह, अदमलेह्‌का पङ्ने दिसनद सम्दुरलेह्‌कान मता. राजकुर्सता नडुमि ओसो ताना सर्ने, नालुङ जीवात मनदनव दिंचिङ मताङ. अविस्किह्‌क पेग़्केह-मुनेह वेट कोंडाङे मताङ.

तोहचीतव पोल्‍लोङ 5:11

पया नना ऊळतन: राजकुर्सि ओसो नालुङ जीवात मनदनव दिंचिङ ओसो पेदल्कु, वेरा सर्ने तिरियनव लाकिनाङ-लाकिङ, कोटिनाङ-कोटिङ लेक पग़वाह देवतुल्क मताङ. नना अविस्कना लेङ केंजतन.

तोहचीतव पोल्‍लोङ 5:6

अचोटेने उंद गोरेपिलातुन ऊळतन. राजकुर्सता ओसो नालुङ दिंचिना, वीसा नालवुर पेदल्कना नडुम निच मता. तान मुनेने बोग़ो मति हव्किस मतप लेह्‌कान दिसिंदु. तान्क एळुङ कोह्‌क मताङ, ओसो एळुङ कोंडाङ मताङ. अव कोंडाङ पूरा बूमतगा, देवुळ लोहतव तानाङ एळुङ जीवाङ!

तोहचीतव पोल्‍लोङ 5:8

गोरेपिला अद तोला सीटटुन एतस्के, नालुङ जीवात मनदनव दिंचिङ ओसो वीसा नालवुर पेदल्कु, ताना मुनेह अर्सि मोळ्कतोर. ओर ओर्वोग़-ओर्वोग़, तमाङ कय्कने उंद जेतुरि, ओसो दूपम उर्न्जनद बंगरता कस्ला पोस मतोर. अद कस्लामेंड दूपम मता. अद दूपम इतेके देवुळता मन्कलोरा पार्तना आंदु.

तोहचीतव पोल्‍लोङ 7:12

“आमेन! मावा देवुळिये सबेट्क बेरा, डीसा तानाये, बुदि तानाये, तान जोहर कीकल, तान मान ईकल, अदिकर तानाये, लाव तानाये, आमेन!” इनजोर इताङ.