तोहचीतव पोल्‍लोङ 5:12 - माडिया गोंड पवित्र सास्त्रम

¹² अव जोरते इद्रम इताङ: “मन्कलोर इद गोरेपिलातुन हव्किस मतोर, मति इंजेके अदिकर तानाये, सबे मालसोम तानाये, बुदि तानाये, लाव तानाये, मान तानाये, डीसा तानाये, तान जोहर कीकल, अदे अद्रम कीयना लायकता आंदु,” इनजोर इताङ.

तोहचीतव पोल्‍लोङ 5:12 Iomraidhean Croise

मत्याल 28:18

अस्के येसु ओरा एरे वास इतोग़, “देवुळदीपते ओसो नेदे मनवालोर कतमतोरा पोग़ोन, देवुळि नाक पूरा अदिकर ईता.

योहन 1:29

इमा दिया, योहन तनके येसु वायनदिन ऊळिसि, लोकुरिन इतोग़, “वेन ऊळाटु, मोक आयवाल देवुळता गोरेपिलालेह्‌काडोग़, दुनियातोरा पापमतुन एडिह केवाल!

2 कुरिंततोर 8:9

मावा येसुसामि किर्स्तु माक बेचोन गूनम तोहतोग़ इनजोर पुतिरे. इतेके ओग़ कतमतविना माल्काल मन्जि, ओनगा सबे मताङ; मति मीक देवुळता बेरा बर्कत दोर्कना इन्जि, मियेनाह्‌क मन्कल आस गरिब आतोग़, इदिन सीता कीम्ह्‌टु.

1 तिमोति 1:17

अदिह्‌कु मावा अमेसा मनदनदु, बेस्केन मायवदु, मन्कह्‌क दिसवदु देवुळराजाल, अदे सेतेम देवुळ इनजोरे, तान्कु अमेसा-अमेसातुह्‌क मान आयि, जोहर आयि. अहे आयि.

तोहचीतव पोल्‍लोङ 1:6

कीसि माक तना राजेमतोर कीतोग़, ओसो तना देवुळबाबाना बूमयालोर कीतोग़. अदिनेनाह्‌क मान ओसो राजेमि, अमेसा-अमेसातुह्‌क ओनाय मनि! आमेन.

तोहचीतव पोल्‍लोङ 13:8

मन्कलोर हव्किस मतद गोरेपिलाता अमेसातुह्‌क पिसवालोरा पुस्तकतगा, बोराङ-बोराङ पेदिर्क दुनिया पुटवस्केन रासतव मन्ह्‌ताङ, ओर रकसतुन माळोर आयनुर. मति ओरिन विळ्सिसि, बूमतगा मनवालोर सबेटोर, अद रकसतुन मोळ्कनुर.

तोहचीतव पोल्‍लोङ 15:3

ओर देवुळता सेवातोग़ मोसा मुय्तोना पाटातुन (तान गोरेपिलाता पाटा वने इन्ह्‌तोर), इद्रम वाग़तोर: “ए बेरा डीसाता, सामि देवुळतिन! नीवाङ कबस्क बेराङ, बामिह कीयनव मन्ह्‌ताङ! ए सबे जातिनोरा राजानिन! निमा बेदाय कीतेके, निटमे कीय्ह्‌निन, सेतेमते कीय्ह्‌निन.

तोहचीतव पोल्‍लोङ 19:1

इव सबे आतापया, पोग़ोन देवुळदीपतगा वेल्‍लाय मुलु रोदा पोयतना लेह्‌का, रोदा पोयतनद केंजतन. ओर इद्रम इतोर: “हलेलुया! मावा देवुळिये मन्कलोरिन पिसिह कीयनदु; अदे मान ईयना लायकता आंदु. अदे लावता देवुळि.

तोहचीतव पोल्‍लोङ 4:11

“ए मावा सामिनिन, मावा देवुळतिन! निमान सबेटविन पुटिह कीतिन. अव नीवाय विचरते मन्ह्‌ताङ. नीवाय विचरते अव पुटटाङ. अदिनेनाह्‌क निमान डीसाता, मानता, बेरा लावता लायकतोनिन आंदिन,” इनजोर इन्ह्‌तोर.

तोहचीतव पोल्‍लोङ 5:13

अस्के पोग़ोटा बूमतगा मनदनव, इद बूमतगा मनदनव, हानादीपतगा मनदनव, सम्दुरतगा मनदनव, देवुळ पंडटव सबे इद्रम इनदनद केंजतन: “राजकुर्सतगा उदतदिन, ओसो गोरेपिलातुन जोहर कीकल. मान, डीसा, राजेमि अमेसा-अमेसातुह्‌क अविस्कनाये मनि,” इनजोर इताङ.

तोहचीतव पोल्‍लोङ 5:6

अचोटेने उंद गोरेपिलातुन ऊळतन. राजकुर्सता ओसो नालुङ दिंचिना, वीसा नालवुर पेदल्कना नडुम निच मता. तान मुनेने बोग़ो मति हव्किस मतप लेह्‌कान दिसिंदु. तान्क एळुङ कोह्‌क मताङ, ओसो एळुङ कोंडाङ मताङ. अव कोंडाङ पूरा बूमतगा, देवुळ लोहतव तानाङ एळुङ जीवाङ!

तोहचीतव पोल्‍लोङ 5:8

गोरेपिला अद तोला सीटटुन एतस्के, नालुङ जीवात मनदनव दिंचिङ ओसो वीसा नालवुर पेदल्कु, ताना मुनेह अर्सि मोळ्कतोर. ओर ओर्वोग़-ओर्वोग़, तमाङ कय्कने उंद जेतुरि, ओसो दूपम उर्न्जनद बंगरता कस्ला पोस मतोर. अद कस्लामेंड दूपम मता. अद दूपम इतेके देवुळता मन्कलोरा पार्तना आंदु.

तोहचीतव पोल्‍लोङ 5:9

मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्‍लोङ वळ्ह्‌कवालोरग्डाहि, सबे देसेह्‌कनोरग्डाहि, सबे जातिनोरग्डाहि, मन्कलोरिन देवुळतेनाह्‌क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्‌क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.

तोहचीतव पोल्‍लोङ 6:1

पेदल्क मोळ्कतापया, अद तोला सीटटगा मेततव एळुङ वटेनाहि, उंद वटेतुन गोरेपिला तेंडनदिन ऊळतन. अद तेंडिह्‌पा, नालुङ दिंचिनग्डाहि, उंद दिंचि गुळ्न्जतप लेह्‌काडा लेङते “पेसा” इनजोर इता.

तोहचीतव पोल्‍लोङ 7:12

“आमेन! मावा देवुळिये सबेट्क बेरा, डीसा तानाये, बुदि तानाये, तान जोहर कीकल, तान मान ईकल, अदिकर तानाये, लाव तानाये, आमेन!” इनजोर इताङ.