तोहचीतव पोल्‍लोङ 3:18 - माडिया गोंड पवित्र सास्त्रम

¹⁸ अदिनेनाह्‌क नना मीक बुद काग़्हतह्‌नन, केंजाट: मीट (विस्वसता इसबते) मता मन्कलोरिर आयलाहि, नयग्डाहे किसते कारियिह कीसि, जूत कीतद बेसता बंगरतुन असाट. कूळल आसि लजा अर्स मनदनदिन दुस्रोर ऊळवाह, नयग्डाहे उहतलाह पांड्रि गेंदेङ असाट. मीवाङ कोंडानगा ओकलाह, नयग्डाहे मत असाट, अस्के तोवयकिर!

तोहचीतव पोल्‍लोङ 3:18 Iomraidhean Croise

मत्याल 13:44

“देवुळता राजेम कीयनव अडोङ इहलेह्‌का मन्ह्‌ताङ. बोग़ो ओर्वोग़ दुस्रोना पोलमते, बोंदालोप्पा मकिह कीस तासताङ कल्दर्किन नसिबलेह्‌काने ऊळतोग़. पया अविन अगान मिसिसि, पका गिर्दा आसि, लोन अतोग़. अन्जि ओग़ तना पूरा मालसोमतुन वमिसि, अव कोताने अदे पोलमतुन असतोग़, बह इतेके अव कल्दर्कु अद पोलमतगा मताङ.

मत्याल 25:9

मति उसरताङ इन्ह्‌ताङ, ‘अलो, इद नेय बोन्क इन्ज बोन्क आलग़ा, रि? ईतेके माक वन आलो, मीक वन आलो. अह आयो मति, मीट दूकनतगा अन्जि, मियेनाह्‌क नेय असिस ताट,’ इनजोर इताङ.

लूकाल 12:21

इद्रमलेह्‌काने बोग़ाय मन्कल, देवुळतुन पेग़्के कीसि, तनेनाह्‌क मालसोम जमा कीस्तोग़, ओन्क अद्रमलेह्‌काने आयग़ा,” इनजोर येसु इतोग़.

2 कुरिंततोर 5:3

देवुळि माक तान उहपिह कीतस्के, मेंदुललेवा वेट जीवाये आस मनवल.

2 कुरिंततोर 8:9

मावा येसुसामि किर्स्तु माक बेचोन गूनम तोहतोग़ इनजोर पुतिरे. इतेके ओग़ कतमतविना माल्काल मन्जि, ओनगा सबे मताङ; मति मीक देवुळता बेरा बर्कत दोर्कना इन्जि, मियेनाह्‌क मन्कल आस गरिब आतोग़, इदिन सीता कीम्ह्‌टु.

1 तिमोति 6:18

मता मन्कलोर बेसताङ कबस्क कीसोर मनिर. (कोताने मता मन्कल आयना लेह्‌का,) बेसताङ कबस्कने मता मन्कलोर आयिर, चिव्टम आयमाकिर. बेदाय मादुन दुस्रोरिह्‌क तूसिसीयिर.(तिमोति! इद्रम मनदलाहि, ओरिन उकुम ईम.)

याकुब 2:5

मावोर विस्वसिरिर, केंजाट! इद दुनियातोरा इसबते बोर गरिबते मन्ह्‌तोर, ओरिन विस्वसते बेरोर कीयलाह, देवुळि आचताया, आचो? नावा राजेम मियेनाह्‌के आयग़ा इन्जि, देवुळि तन्क जीवा केवालोरेनाह्‌क पोल्‍लो विळ्सिस मता इन्जि पुतिर; अदे राजेम गरिबतोर विस्वसिरिह्‌क आयग़ाया, आयो?

1 पत्रु 1:7

इव दुकह्‌कु मीवा विस्वसता पट ऊळिह्‌ताङ. बह इतेके वेल्‍ला दाराता बंगरि, किसतगा वाटिस जूत कीतेक तेला, आक्रिते बूळेम आस्ताये. मति मीवा विस्वस इंका बंगरतुह्‌काय एक्‍वा दाराता. अदिनेनाह्‌कु अदु मीवा विस्वस, किसलेह्‌काडा तिपलताहि दीराते पेसिस वाता इतेके, मीट असलतोरिर इन्जि, देवुळि मीकु वेल्‍ला कदर ईयग़ा. इद बेस्के आयग़ा इतेके, येसु किर्स्तु पूरा दुनियातोरिह्‌क दिससोरे वायनोग़, अस्केने.

तोहचीतव पोल्‍लोङ 16:15

पया ओर राजालोरिन, इब्रि बासाते अर-मगिदोन इनदनद जागातगा, अव देयह्‌क तताङ. (किर्स्तु इद्रम वेहतलाह आतोग़, “ऊळाट! मन्कलोर पुनवस्के, कले वायना लेह्‌कान, नना वायकन. बोग़ उंजवालेवा उसरते मन्ह्‌तोग़, ओग़ देय्वातोग़ु. ओग़ तनाङ जगाङ केग़्स मतप मन्ह्‌तोग़. अद्रम मनवेके, लोकुर ऊळनाह, कूळलिय लजा वानाह ताकमुळ आयग़ा,” इनजोर किर्स्तु वेहतलाह आतोग़.)

तोहचीतव पोल्‍लोङ 19:8

तान्क उहतलाह गुलगुल मनदनद, मिळ्स्कनद, डागिललेवद गेंदे दोर्कता.” इद गुलगुल मनदनद गेंदे इतेके, देवुळता मन्कलोर कीतव सेतेमताङ कबस्क आंदुङ.

तोहचीतव पोल्‍लोङ 2:9

नना मीवा तिपलतुन पुतन, मीट गरिबतोरिर इनजोर वने पुतन. मति मीट विस्वसता इसबते मता मन्कलोरिर आंदिर. मियगा उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ओसो ओर मीक पास्कनदिन वने पुतन.

तोहचीतव पोल्‍लोङ 3:17

(विस्वसता इसबते) मीट नसिबलेवोरिर आतिर; दुस्रोर मीक ऊळिस मान वसना लेह्‌का आतिर; गतलेवोरिर आतिर. (विस्वसता इसबते) गुडिरिर आतिर, कूळल आतिर. मति तान पुनवा, मता मन्कलोरोम आतोम, आलनाह-पिसनाह माक मन्ह्‌ता, माक बेदिनाय गर्ज इले इह्‌निर.

तोहचीतव पोल्‍लोङ 4:4

राजकुर्सता सर्ने वीसा नालुङ कुर्सिङ मताङ. अव कुर्सिनगा वीसा नालवुर पेदल्क उदिस मतोर. ओर पांड्रि गेंदेङ केग़्स मतोर; ओसो तमाङ तलानगा, राजालोर केग़यना लेह्‌काडाङ बंगरताङ राजटोपिङ केग़्स मतोर.

तोहचीतव पोल्‍लोङ 7:13

इतस्के पया, अचोटेने पेदल्कनाहि ओर्वोग़ नाक ताल्ह्‌कतोग़, “वेर पांड्रि गेंदेङ उहतोर मन्कलोर बोर आंदुर, बेग्डाह वातोर, पुतिना?” इतोग़.