तोहचीतव पोल्‍लोङ 21:3 - माडिया गोंड पवित्र सास्त्रम

³ पया राजकुर्सताहि उंद लेङ जोरते इद्रम इता, “ऊळाट! इंजेके देवुळि मन्कलोरगा जागा आता. अद ओरा देवुळि आयग़ा. ओर ताना लोकुर आयनुर. देवुळि कुद ओरा संगे मनदग़ा.

तोहचीतव पोल्‍लोङ 21:3 Iomraidhean Croise

योहन 1:14

देवुळता जीवात मनदनद पोल्‍लो, मावा लेह्‌का कय-कादोग़ आसि, मन्कना रूपते मावा बूमतगा वाता. ओग़ु देवुळता पूरा देय्वातुनु, पूरा सेतेमतुनु पोसि, मावा नडुम जागा आतोग़. ओग़ देवुळबाबाना वग़ोग़ मग़ आंदोग़; माट ओना डीसातुन ऊळतोम. (ओग़े येसु किर्स्तु आंदोग़.)

योहन 14:23

येसु ओन इतोग़, “बोर नाक जीवा कीयनुर, ओर नावा पोल्‍लोतुन माळनुर. बाबाल ओरिन जीवा कीयनोग़, पया माट इर्वोम ओरगा वासि, जागा पोयतकोम.

2 कुरिंततोर 6:16

देवुळ मनदनद मंदिरतगा बह बोमाङ मन्ह्‌ताङा? सास्त्रमतगा देवुळि वेहतद इद पोल्‍लो रासतद मन्ह्‌ता: नना नावा मन्कलोर मनदनगा जागा आयकन. ओरा नडुम तिरियकन. नना ओरा देवुळ आयकन. ओर नावा मन्कलोर आयनुर, इनजोर रासतद मन्ह्‌ता. अद इसबते माटे जीवात मनदनद देवुळता मंदिर!

2 कुरिंततोर 6:18

नना मीवा बाबानन आयकन. मीट नावाङ मग़्क-मयास्‍क आयकिर” इनजोर, बेरा डीसाता सामि इन्ह्‌ता, इनजोर रासतद मन्ह्‌ता.

1 तिसलुनितोर 3:11

इंजेके मियगा वासि मीक कलियलाहि, मावा देवुळबाबाल ओसो मावा येसुसामि, वेर इर्वुर माक अग़ दोर्किह कीयिर.

इब्रितोर 11:16

सीता केवा, अद देसेमतुह्‌काय पका बेसतल जागा, पोग़ोन देवुळ मनदनद जागाते, देवुळ तयर कीतद सहरते दायलाह, विचर कीस मतोर. अदिनेनाह्‌क वेर मन्कलोरिन मावोर इनदलाह, देवुळतुह्‌क गिर्दा वास्ता.

इब्रितोर 8:10

मति पेग़्के इस्रयेलतोरा संगे, इद्रमता करल कीकन: नना नावाङ अडोनु, ओरा सीतातगा तासकन; ओरा जीवातगा, अव अडोनु नना रासकन; नना ओरा देवुळतन मनदकन; ओर नावा मन्कलोर मनदनुर;

इब्रितोर 8:2

(बेद रावुळतुनदेवुळि मोसा मुय्तोन पंड वेहता, अद इद बूमतगा मन्कलोरा कयदे पंडटदु.) निटमता रावुळ बारा देवुळदीपतगा मन्ह्‌ता, तान देवुळिये पंडटा. अदे रावुळता सबेट्क पवित्र गूडटगा, मावा येसु पेर्माल सेवा कीस्तोग़.

तोहचीतव पोल्‍लोङ 10:4

केंज वातस्के, नना योहननन अव पोल्‍लोन रासलाह बोटटन. अचोटेने देवुळदीपताहि, उंद लेङ इद्रम इता: “गुळ्न्जिह्‌पा वेहतव पोल्‍लोन रासमा, अविस्किन मकिह कीस तासा,” इनजोर इता.

तोहचीतव पोल्‍लोङ 10:8

मुने देवुळदीपताहि नना केंजतद लेङु, ओसोवने नाक इद्रम इता: “अन! सम्दुरतुन ओसो बूमतुन ओय्ह्‌किस नितद देवतुलता कयदाहि, लेहच मनदनद तोला सीटटुन ओम,” इनजोर इता.

तोहचीतव पोल्‍लोङ 12:10

अचोटेने देवुळदीपतग्डाह जोरते उंद लेङ इद्रम केंज वाता: “मावोरिन देवुळता मुनेह, नग़्का पिळ्‍विळ पियल-पोळ्‍द कसुर ओपसोर मतदिन, इंजेके बूमतगा अर्ह्‌चीतद मन्ह्‌ता. इंजेके देवुळि तना मन्कलोरिन पिसिह कीयनद कगो वाता. देवुळि तना लावते राजेम ताकिह कीयलाह आता. इंजेके अद आचतोग़ राजाल, तना अदिकरतुन तोहतलाह आतोग़.

तोहचीतव पोल्‍लोङ 21:7

बोर बोर लाग्वाङ पोल्‍लोन गेल्सनुर, ओरिह्‌क नना इव सबे ईकन. नना ओरा देवुळि आयकन. ओर नावाङ पिलाङ-पेकोर आयनुर.

तोहचीतव पोल्‍लोङ 22:3

अद सहरतगा, देवुळ सरप ईतद बेदे मनो आयग़ा; मति देवुळि ओसो गोरेपिला, अविना राजकुर्सि अगा मनदग़ा. देवुळतुन माळवालोर ताना सेवा कीयनुर.

तोहचीतव पोल्‍लोङ 7:15

अदिनेनाह्‌क वेर इंजेके देवुळता राजकुर्सता मुनेह निच मन्ह्‌तोर. ताना मंदिरतगा मन्जि, नग़्का पिळ्‍विळ पियल-पोळ्‍द तान माळिह्‌तोर. राजकुर्सतगा उदतदु, वेरा नडुम जागा आसि, वेरिन राका कीयग़ा.