तोहचीतव पोल्‍लोङ 20:8 - माडिया गोंड पवित्र सास्त्रम

⁸ सिक्सा-बोंदाताहि पेसिसि, अद बूममेंड मनवालोर सबे जातिनोरिन, नाळेह कीयलाहि दायग़ा. ओर जातिनोरिन गोग ओसो मागोग इन्ह्‌तोर. देयह्‌कना मुक्याल ओरिन लळयतेनाह्‌क जमा कीयलाहि दायग़ा. ओर मन्कलोरु सम्दुरता उस्कोलेह्‌कान लेक पग़वप मनदनुर.

तोहचीतव पोल्‍लोङ 20:8 Iomraidhean Croise

इब्रितोर 11:12

इद्रमलेह्‌का वग़ोग़ मन्कल अब्रहम, तना मेंदुल डोलतप आस तेला, वेल्‍लाटोरा पेदामुय्तोग़ आतोग़. ओना जालपिल पोग़ोटाङ उकाना लेह्‌कान, सम्दुर दडटा उस्कोता लेह्‌कान, लेक पग़वपे पुटटोर.

तोहचीतव पोल्‍लोङ 12:9

पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.

तोहचीतव पोल्‍लोङ 16:14

अव देयह्‌किह्‌क बामिह कीयनव सीनाङ तोहतनद लाव मता. अव देयह्‌क लळयतेनाह्‌क, पूरा बूमतोर राजालोरिन जमा कीयलाह पेसताङ. बेरा लावता देवुळि पूरा बूमतोरिन नेयम कीयनद दियातस्के, अद लळय आयग़ा.

तोहचीतव पोल्‍लोङ 20:10

ताना पया ओरिन नाळेह कीसोर मतद देयह्‌कना मुक्यानु, उंद देवतुलि मळ्गनद किसबटटगा वाटिसीयग़ा. अगाने अद रकसतुन, ओसो जोल कबुरतदिन, मुनेन वाटटद मन्ह्‌ता. अवु अगा नग़्का पिळ्‍विळ, पियल-पोळ्‍द, अमेसा-अमेसातुह्‌क किस मंटाते, सिक्सा आसोर मनदनुङ.

तोहचीतव पोल्‍लोङ 7:1

पया नालुङ देवतुल्क अताङ, अन्जि बूमताङ नालुङ मूलानगा निचि, बूमतग्डाङ नालुङ बाजेना वळ्‍दुन रोमिह कीतदिन ऊळतन. अदिह्‌क बूमतगा, सम्दुरतगा, मरानगा मुर्तिय वळ्य कग़्सवा मता.