तोहचीतव पोल्‍लोङ 2:19 - माडिया गोंड पवित्र सास्त्रम

¹⁹ मीट बेद्रम ताकलाह आतिर, बेद्रम नाक जीवा कीतिर इनजोर पुतन. मीवा विस्वसतुन, मीवा सेवातुन, तिपलते दीरा पोस मनदनदिन इंका पुतन. मीट नाक विस्वस कीतस्केडा सेवातुह्‌काय, इंजेक एक्‍वा सेवा कीयलाह आतिर.

तोहचीतव पोल्‍लोङ 2:19 Iomraidhean Croise

लूकाल 1:23

पया तनाङ सेवाताङ दियाङ मारतस्के, ओग़ तना लोन अतोग़.

योहन 15:2

नना तोंडालेह्‌काडोनन, (मीट नावाङ कांदानिर आंदिर). नयगा आदवाङ कांदानु, बाबाल डायिस पोहचीस्तोग़. मति आदनाङ कांदानु, पका आदना इन्जि, ओग़ एळ्पिसि जूत कीस्तोग़.

कुलुसितोर 3:14

इव सबे कीम्ह्‌टु, मति इविस्किन वीळिसि, ओर्विह्‌क-ओर्वोग़ जीवा कीम्ह्‌टु. अह कीसोर मतेके, माट विस्वसिरल उंदिय विचरते पूरा कलियिस मनदकल.

1 तिसलुनितोर 3:6

मति इंजेके तिमोति मियग्डाहि मलतोग़, ओसो मीट विस्वसतुन विळ्सविर, इंजेके वने लोकुरिन जीवा कीसोर मह्‌निर इनजोर, बेसता कबुर ततोग़. मीक ऊळलाह पकाय मावा जीवा पर्ह्‌कना लेह्‌कान, माक ऊळलाह पकाय मीवा वने जीवा पर्ह्‌किह्‌ता इनजोर वेहतोग़, अद्रमलेह्‌का मीट बेस-नेह्‌ना मावा सीता कीसोर मह्‌निर.

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

1 तिमोति 1:5

ओरिन बाराह्‌कु रोमिह कीयलाह वेहतन इतेके, अगा विस्वसिर जग्ळा-बोबा केवालेवा, गूनमते मनदना गावले. गूनमते मनदना इन्जि, बेसताङ विचर्कु, नेह्‌ना-लाग्वा पुन्जि ताकनद बुदि, ओसो देवुळतगा सेतेमता विस्वस मनदना गावले.

1 पत्रु 4:8

सबेट्काय बेसतल पोल्‍लो बेद इतेके, ओर्विह्‌क-ओर्वोग़ अमेसा पूरा जीवाताहि जीवा कीसोर मन्ह्‌टु. अह कीतिर इतेके, मीटु ओर्वोग़-ओर्विना पापमतुन मापि कीकिर.

2 पत्रु 1:7

अद्रम ताकसोर, मीवा तोळतोर विस्वसिरा संगे गूनमते मनदलाह ऊळाटु; अद्रम मन्जि, सबेटोर मन्कलोरिन वने जीवा कीसोर अन्ह्‌टु.

2 पत्रु 3:18

अद्रम आयवा, माक पिसिह केवाल मावा किर्स्तु येसुसामिना देय्वाते ओसो बुदते, बेस बेर्ससोर अन्ह्‌टु. इंजेक वने, अमेसा-अमेसातुह्‌क वने, ओने मन्कलोर मान ईसि मोळ्किर! आमेन.

तोहचीतव पोल्‍लोङ 2:13

देयह्‌कना मुक्याल राजेम कीयनद जागातगा मीट मह्‌निर इनजोर, नना पुतन. मियग्डोग़ मन्कल अंतिपस इनवाल, नाक नमसोरे, नावा लोप्पा साक्सि ईसोर मतोग़. ईताह्‌कु, अग्डोर देयह्‌कना मुक्याल मनदनद, मीवा सहरतोर मन्कलोर ओन हव्कतोर. मीवा मन्कन हव्कतस्के वने, मीट नाक पोस विळ्सविर, नाक विस्वस कीयनदिन विळ्सविर इनजोर पुतन.

तोहचीतव पोल्‍लोङ 2:9

नना मीवा तिपलतुन पुतन, मीट गरिबतोरिर इनजोर वने पुतन. मति मीट विस्वसता इसबते मता मन्कलोरिर आंदिर. मियगा उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ओसो ओर मीक पास्कनदिन वने पुतन.