तोहचीतव पोल्‍लोङ 2:14 - माडिया गोंड पवित्र सास्त्रम

¹⁴ मति उचुक पोल्‍लोना लोप्पा नना मीवा अडम मह्‌नन, अद इद्रमि: वेल्‍लाय मुने बलामि पेदिरतोग़ गूनयाल, मोवब इनदनद देसेमतोग़ बलाकि इनवाल राजान इद्रम काग़्हतोग़: ‘निमा अन्जि, इस्रयेल मन्कलोरिन एग़्किह कीयलाह, ओरिन पेन-बोमानेनाह्‌क मोळ्कतविन तिनाह, ओसो साट्याल कबळ कीयनाह कीम,’ इनजोर काग़्हच मतोग़. इंजेके मीवा मुडोर उच्वुर मन्कलोर, बलामि काग़्हतप लेह्‌कान कीस्तोर. इद पोल्‍लो नाक विचर वावो.

तोहचीतव पोल्‍लोङ 2:14 Iomraidhean Croise

मत्याल 18:7

विस्वसतुन विळ्सलाह एग़्कुळ कीयनव पोल्‍लोनेनाह्‌कु, दुनियातोरिह्‌कु पका गोसा आयग़ा. इद्रमताङ पोल्‍लोङ कोनि आयनुङे, निटमे! मति बोर दुस्रोरिन नाक विळ्सनाह एग़्कुळ आस्तोर, ओरिह्‌क देवुळ पका सिक्सा ईयग़ा.

बळयिर 15:29

“पेन्किह्‌क वाटटव अविङ तिनमाटु, अस्कतापया नेतुरतुन एच तिनमाटु, नेतुर पोववालेवा हव्कतविनाङ अविङ तिनमाटु, साट्याल कबस्क केमाटु. मीट इव पोल्‍लोन बेस पोस ताकतेक अचोन, बेस-नेह्‌ना मनदकिर. अचोने, मारता,” इनजोर रासतोर.

बळयिर 21:25

मति यहुदि आयवोर विस्वसिरिह्‌क बार, इव अडोन नोम पोयो. ओरगा मुने लोहतद सीटटगा वेहतप लेह्‌का, पेन्किह्‌क वाटटव अविङ ओसो नेतुरतुन एच तिनमाकिर, नेतुर पोववालेवा हव्कतविनाङ अविङ तिनमाकिर. साट्याल कबस्क केमाकिर इनजोर रासिस मतोम,” इन्जि विस्वसिराङ मुक्यालोर पोलुन वेहतोर.

रोम सहरतोर 11:9

दाविद राजाल वने इदे पोल्‍लोतुन वेहतोग़; (ओग़ तना कोटुलतोरा पोल्‍लोतुन वेहतह्‌पा,) इद्रम इतोग़: “ए देवुळि! ओय्कता वदतगा दोम्ह्‌क्ने एग़्कतप लेह्‌का, ओर सुकमते गाटो तिनदकल इनदह्‌पा, ओरा पोग़ोन तिपल वास अरयि. ओर कोदुर ईसि, बोंदातगा अरयिर, ओरा पापमता बूति ओरिह्‌क दोर्कि.

रोम सहरतोर 14:13

अदिनेनाह्‌क मीवा ऐंगेटोग़ विस्वसिनगा कसुर ओपमाटु. मति ऐंगेटोर विस्वसिरिन विस्वसताहि लेसिह कीसि, पापमते अर्हतना लेह्‌का, बाताले कीयनद आयो इनजोर सीता कीम्ह्‌टु.

रोम सहरतोर 14:21

मीट अविङ, अंगुर जोमा तितेक-उटेक बाताल आयो, मति मीवा तिनमुळता मेटे, मीवा ऐंगेटोग़ विस्वसि विस्वसताह लेसतेक अचोन, मीट तान तिनवेकेन बेसु.

रोम सहरतोर 9:32

बाराह्‌क आया पग़वोर इतेके, ओर इस्रयेल लोकुर किर्स्तुन विस्वस केवा, मावाङे बेसताङ कबस्कने सेतेमतोरल आयकल इनजोर ऊळिंदुर. इद्रमतोरेनाह्‌कु किर्स्तु कोदुर ईस अर्हतनद बंडालेह्‌का मन्ह्‌तोग़.

1 कुरिंततोर 1:23

माट कोनि हव्कनागुटातगा डोलतोग़ येसुना पोल्‍लोतुन पोकुर कीय्ह्‌नोम. अद पोल्‍लो यहुदिरिन विस्वस कीया पग़वप लेह्‌का कीता.(बाराह्‌क इतेके देवुळ लोहवाल पिसिह केवाल, अद्रम लजा वानाह डोलवाल आयोग़ इनजोर, ओर विचर कीतोर.)यहुदि आयवोरिह्‌क बारा, मावा कबुर बुदलेवद पोल्‍लो दिसिह्‌ता.

1 कुरिंततोर 7:2

मति साट्याल कबळ कीयलाह, मीक ओयनव पोल्‍लोङ मन्ह्‌ताङ. अदिनेनाह्‌क ओर्वोग़-ओर्वोग़ कोय्तोन्क, तनाय मुते मनदना. ओसो उंद-उंद आंचाह्‌क, तनाय मुजो मनदना.

इब्रितोर 13:4

देवुळि सबे रीतिनाङ सिंड्रि-साट्याल कबस्क केवालोरिन नेयम कीयग़ा. अदिनेनाह्‌क मुते-मुजो देवुळता मुनेह किरिया कीतपु, ऐंगेन सेतेमते मनदना गावले.

1 पत्रु 2:8

“अदु ओरिह्‌क कोदुर ईयनद बंडालेह्‌का आसि, मुटिह कीयनद आदलेह्‌का आता,” इन्जि इंका पवित्र सास्त्रम वेहतह्‌ता. तना पेकाना लोप्पा देवुळता वेहतद पोल्‍लोन केंजवाह्‌कु, नमवाह्‌कु, ओरु कोदुर ईसि अरयह्‌तोर. ओरु अरयिर इनजोरे, देवुळ ओरिन आचिस तासता.

2 पत्रु 2:15

वेर सीदा दायनद अग़दुन विळ्सिस लेसतोर. वेर मन्कलोर बहोर इनवाल मुय्तोना मग़ि, बलामि इनवाना अग़दुन पोयतोर. वेग़ बलामि इतेके, लाग्वद कबळताङ कोतान जीवा कीस मतोग़.

यहुदाल 1:11

वेरिह्‌क गोसा आयि! वेरु, (तना तमिन हव्कतोग़) काय्नुना अग़दे ताकवालोरु. बलामि इनवाल कोतानेनाह्‌क पापम कीतोग़, वेर वने ओना लेह्‌कान कीयलाह कंद्रेम आस्तोर. कोराल इनवाना लेह्‌का, वेर वने देवुळतुन विरुद कीताह्‌कु, कोरान बूळे कीतप लेह्‌का, वेरिन वने देवुळि बूळे कीयग़ा.

तोहचीतव पोल्‍लोङ 2:20

मति उंद पोल्‍लो नाक विचर वावो: मीवा मुडगा इजेबेलना लेह्‌काडा आंचाळि, नना देवुळता कबुर वेहतनदिनन इनजोर, नाळेह कीस्ता; ओसो नाक माळवालोरिन साट्याल कबळ कीयलाह, पेन-बोमानेनाह्‌क मोळ्कतविन तिनदलाह काग़्हचि लेसिह कीस्ता. मीट तान लेसिह कीयलाह ईय्ह्‌निर. इद नाक विचर वावो.

तोहचीतव पोल्‍लोङ 2:4

मति मीवा उंद पोल्‍लो नाक विचर वावो: मीट नाक मुने बेद्रम जीवा कींदिर, अद्रम इंजेके जीवा केविर.

तोहचीतव पोल्‍लोङ 21:8

मति रेयवालोर मन्कलोरु, विस्वस विळ्सतोरु, करब बुदतोरु, हव्कवालोरु, साट्याल कबळ केवालोरु, ओदेङ पंडवालोरु, पेन-बोमान मोळ्कवालोरु, सबेटोर जोलहालोरु, नना ईयनविन दोर्किह केवोर. मळ्गनद किसबटि ओरा तूस आयग़ा. इदे पयाडा हामुर मन्ह्‌ता,” इता.

तोहचीतव पोल्‍लोङ 22:15

मति देवुळताङ पोल्‍लोन पास्कवालोरु, ओदेङ पंडवालोरु, साट्याल कबळ केवालोरु, हव्कवालोरु, पेन-बोमान मोळ्कवालोरु, जोल पोल्‍लोङ कीयलाह गिर्दा आसि मनवालोर सबेटोरु, अद सहरता लोप्पा ओळिय पग़वोर.