तोहचीतव पोल्‍लोङ 19:6 - माडिया गोंड पवित्र सास्त्रम

⁶ इतस्के पया वेल्‍लाटोर लोकुर रोदा पोयतना लेह्‌काडा लेङ केंजतन. एताङ राल्क नेकना लेह्‌का, ओसो पका गुळ्न्जना लेह्‌का, अद केंज वांदु. अद लेङ इद्रम इंदु: “हलेलुया! सामि, मावा देवुळि, बेरा डीसाता, राजेम ताकिह कीस्ता.

तोहचीतव पोल्‍लोङ 19:6 Iomraidhean Croise

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

तोहचीतव पोल्‍लोङ 1:15

ओनाङ नला काल्कु, कोल्मतगा वाटटद इतुळता लेह्‌कान मिळ्स्किंदुङ. ओना लेङ गोदोग़ उसतप लेह्‌का जोरते नेकिंदु.

तोहचीतव पोल्‍लोङ 1:8

मुनेताह अमेसा मतदु, इंजेके वने मनदनदु, ओसोवने वायनद, बेरा डीसाता देवुळि इद्रम इन्ह्‌ता: “सबेटविना मोदुल वने ननाये, सबेटविना कोड वने ननाये” इनजोर सामि इन्ह्‌ता.

तोहचीतव पोल्‍लोङ 12:10

अचोटेने देवुळदीपतग्डाह जोरते उंद लेङ इद्रम केंज वाता: “मावोरिन देवुळता मुनेह, नग़्का पिळ्‍विळ पियल-पोळ्‍द कसुर ओपसोर मतदिन, इंजेके बूमतगा अर्ह्‌चीतद मन्ह्‌ता. इंजेके देवुळि तना मन्कलोरिन पिसिह कीयनद कगो वाता. देवुळि तना लावते राजेम ताकिह कीयलाह आता. इंजेके अद आचतोग़ राजाल, तना अदिकरतुन तोहतलाह आतोग़.

तोहचीतव पोल्‍लोङ 14:2

पया देवुळदीपताहि उंद लेङ केंजतन. अद लेङु, एताङ राल्क नेकना लेह्‌कान, गुळ्न्जना लेह्‌कान नेकिस मता. ओसो जेतुर एचना लेह्‌का वने नेकिस मता.

तोहचीतव पोल्‍लोङ 19:1

इव सबे आतापया, पोग़ोन देवुळदीपतगा वेल्‍लाय मुलु रोदा पोयतना लेह्‌का, रोदा पोयतनद केंजतन. ओर इद्रम इतोर: “हलेलुया! मावा देवुळिये मन्कलोरिन पिसिह कीयनदु; अदे मान ईयना लायकता आंदु. अदे लावता देवुळि.

तोहचीतव पोल्‍लोङ 19:4

वीसा नालवुर पेदल्कु, ओसो नालुङ आस जीवात मनदनव दिंचिङ, “आमेन, हलेलुया” इनजोर, राजकुर्सतगा उदिस मतद देवुळतुन, दंडुम अर्सि मोळ्कतोर.

तोहचीतव पोल्‍लोङ 21:22

नाक सहरतगा बेदे रावुळ दिसो. बेरा डीसाता देवुळि ओसो गोरेपिला, तमा कुदि अगान मताह्‌कु, रावुळता गर्ज इले आसि.

तोहचीतव पोल्‍लोङ 4:5

अद राजकुर्सतगा मिळ्स्कसोर, गुळ्न्जसोर मंदु. ओसो राजकुर्सता मुनेह, एळुङ चिमलिङ पोतसोर मताङ. अव चिमलिङ देवुळतग्डाङ एळुङ जीवाङ आंदुङ.

तोहचीतव पोल्‍लोङ 6:1

पेदल्क मोळ्कतापया, अद तोला सीटटगा मेततव एळुङ वटेनाहि, उंद वटेतुन गोरेपिला तेंडनदिन ऊळतन. अद तेंडिह्‌पा, नालुङ दिंचिनग्डाहि, उंद दिंचि गुळ्न्जतप लेह्‌काडा लेङते “पेसा” इनजोर इता.

तोहचीतव पोल्‍लोङ 8:5

ताना पया अद देवतुल बह कीता, दूपम बोळ्सनद मेजाताङ किसतळ्मिन, तना दूपम उर्न्जनद कस्लातगा निहता. निहचि, अविस्किन इळ्ता बूमतगा अर्हचीता. ईतस्के पया, पकाय गुळ्न्जना, नेकना, मिळ्स्कना, बूम गल्जना इद्रम इळ्ता बूमतगा दिसता.