तोहचीतव पोल्‍लोङ 18:2 - माडिया गोंड पवित्र सास्त्रम

^2-3 अद जोरते इद्रम केयता: “बेबिलोन सहरता लाग्वद साट्याल कबळता रिमाते, सबे जातिनोर कलियतोर. बूमतोर राजालोर ताना संगे साट्याल कबळ कीतोर. ताना बेह्‌रा मादग्डाहि, बूमतगा दंदा केवालोर मन्कलोर साव्कर आतोर. अदिह्‌क बूळेम आता, बूळेम आता, बेरा बेबिलोन सहर बूळेम आता! इंजेके अद सहर देयह्‌क मनदनद जागा आता. सबे देयह्‌क अगा मन्ह्‌ताङ. सबे पोलवव पिटेङ अगा गूडाङ पंडटाङ,” इता.

तोहचीतव पोल्‍लोङ 18:2 Iomraidhean Croise

तोहचीतव पोल्‍लोङ 1:15

ओनाङ नला काल्कु, कोल्मतगा वाटटद इतुळता लेह्‌कान मिळ्स्किंदुङ. ओना लेङ गोदोग़ उसतप लेह्‌का जोरते नेकिंदु.

तोहचीतव पोल्‍लोङ 10:3

पया अद डुवल कह्‌चना लेह्‌कान, बेरा लेङते केयता. अद देवतुलि अद्रम केयतस्के, एळुङ मल्काङ गुळ्न्जतप लेह्‌काडाङ पोल्‍लोङ केंज वाताङ.

तोहचीतव पोल्‍लोङ 11:8

ओराङ सेत्ताङ अद बेरा सहरता अग़दगा अर्स मन्ह्‌ताङ. अदे सहरतगा, ओरा सामिन वने, हव्कनागुटातगा मोल्‍लाङ कोटिस हव्किस मतोर. सोदोम सहरतोरा लेह्‌काने, अहे मिसर देसेमतोरा लेह्‌काने, (अद बेरा सहरतोर वने ओसोय लाग्वोरु)!

तोहचीतव पोल्‍लोङ 14:15

अस्के उंद देवतुलि मंदिरतग्डाहि पेसता, पेसिसि मोयुदगा उदिस मतोन जोरते इद्रम इता: “बूमतग्डा पंटा अयता. पंटा कोयनद वेला एवता. अदिनेनाह्‌क नीवा एटळ पोस कोय्म,” इता.

तोहचीतव पोल्‍लोङ 14:8

अद अतापया दुस्रा देवतुल वाता, वासि इद्रम इता: “बूळेम आता, बूळेम आता, पका बेरा बेबिलोन इनदनद सहर बूळेम आता. बेद्रम बोगे आस्कु, तमगा वावालोर कोय्तोरिन, साट्या बुदता रिमा वानाह कीस्ताङ, अहलेह्‌का बेबिलोन सहरतोर सबे जातिनोरिन काग़्हचि, ओरिन सेतेम देवुळतुन विळ्सिसि, बोमान मोळ्कनद गिर्दा वानाह कीतोर,” इता.

तोहचीतव पोल्‍लोङ 16:13

अचोटेने नना ऊळतन: मासुंडता तोडटाहि, सम्दुरतग्डाह पेसतद रकसता तोडटाहि, जोल कबुर वेहतनद बूमतग्डा रकसता तोडटाहि, मूंड देयह्‌क पेसताङ. अव देयह्‌क पंडेनलेह्‌का दिसताङ.

तोहचीतव पोल्‍लोङ 16:19

बूमि गल्जतस्के, बेरा बेबिलोन सहर मूंड तुक्ळेङ आता. दुस्राङ देसेह्‌कनाङ सहर्क वने पूरा बूळेम आताङ. देवुळि तना पूरा मळ्गनद ओङतुन, बेबिलोन सहरता पोग़ोन अर्हचीयलाह सीता कीता.

तोहचीतव पोल्‍लोङ 17:5

ताना तला-कपरातगा पेदिर रासिस मता, अद पेदिरता अर्तम बोरे पुनवप मता. अद इद्रम मता: “बेरा बेबिलोन सहर: बूमतग्डाङ बोगे आस्कना कबळि, ओसो एग़्ङ वानाह मनदनव करब कबस्कु, इग्डाहिये पुटटाङ,” इनजोर रासिस मता.

तोहचीतव पोल्‍लोङ 18:10

ओर अद सहरताङ तिपल्कनेनाह्‌क रेयिसि, जेक निचि इद्रम इनदनुर: “अलो! बेरा सहरतिन! बेबिलोनतिन, बेरोर राजालोरा सहरतिन! नीक बेचोन गोसा वाता! गट्कामेटेन नीक सिक्सा दोर्कता,” इनदनुर.

तोहचीतव पोल्‍लोङ 18:21

अस्के उंद पका लावता देवतुलि, बेरा जेता बंडाता लेह्‌काडा बंडातुन तेहचि, सम्दुरतगा वाटसोरे इता, “देवुळि बेरा सहर बेबिलोनतुन, इद्रमे तेहच वाटिसीयग़ा, ओसो बूळे कीयग़ा. ताना पया अद सहर मुर्तिय दिसो आयग़ा.

तोहचीतव पोल्‍लोङ 5:2

अस्के उंद पका लावता देवतुलतुन ऊळतन. अद जोरते इद्रम केयता, “इद तोला सीटटगा मेततदिन तेंडिसि, तान लेहतना लायकतोग़ बोग़ मन्ह्‌तोग़?” इता.