तोहचीतव पोल्‍लोङ 17:5 - माडिया गोंड पवित्र सास्त्रम

⁵ ताना तला-कपरातगा पेदिर रासिस मता, अद पेदिरता अर्तम बोरे पुनवप मता. अद इद्रम मता: “बेरा बेबिलोन सहर: बूमतग्डाङ बोगे आस्कना कबळि, ओसो एग़्ङ वानाह मनदनव करब कबस्कु, इग्डाहिये पुटटाङ,” इनजोर रासिस मता.

तोहचीतव पोल्‍लोङ 17:5 Iomraidhean Croise

पिलिपितोर 3:19

ओर दायनद अग़ि बूळेम आयनेके ओस ईस्ता. ओर तमा पोटातेनाह्‌क लालुस्क कीसोर ताकिह्‌तोर. तमाङ करबताङ विचर्कने पोग़यसोर तिरियिह्‌तोर. ओर दुनियाताङ पोल्‍लोनगाने सीता कीसोर मन्ह्‌तोर.

तोहचीतव पोल्‍लोङ 1:20

नावा तिनळ कयदे एळुङ उकानु ऊळतिन, ओसो बंगरताङ एळुङ चिमलि गुटान ऊळतिन. अविस्कनगा उंद पोल्‍लो मकतद मन्ह्‌ता. अद इद्रमि: एळुङ उकाङ इतेक एळुङ सहर्कना विस्वसिरा मुडुन ऊळसोर मनदनव देवतुल्कु आंदुङ. एळुङ चिमलि गुटाङ इतेके, एळुङ सहर्कना विस्वसिरा मुडाङ सीनाङ आंदुङ,” इनजोर इतोग़.

तोहचीतव पोल्‍लोङ 11:8

ओराङ सेत्ताङ अद बेरा सहरता अग़दगा अर्स मन्ह्‌ताङ. अदे सहरतगा, ओरा सामिन वने, हव्कनागुटातगा मोल्‍लाङ कोटिस हव्किस मतोर. सोदोम सहरतोरा लेह्‌काने, अहे मिसर देसेमतोरा लेह्‌काने, (अद बेरा सहरतोर वने ओसोय लाग्वोरु)!

तोहचीतव पोल्‍लोङ 14:8

अद अतापया दुस्रा देवतुल वाता, वासि इद्रम इता: “बूळेम आता, बूळेम आता, पका बेरा बेबिलोन इनदनद सहर बूळेम आता. बेद्रम बोगे आस्कु, तमगा वावालोर कोय्तोरिन, साट्या बुदता रिमा वानाह कीस्ताङ, अहलेह्‌का बेबिलोन सहरतोर सबे जातिनोरिन काग़्हचि, ओरिन सेतेम देवुळतुन विळ्सिसि, बोमान मोळ्कनद गिर्दा वानाह कीतोर,” इता.

तोहचीतव पोल्‍लोङ 16:19

बूमि गल्जतस्के, बेरा बेबिलोन सहर मूंड तुक्ळेङ आता. दुस्राङ देसेह्‌कनाङ सहर्क वने पूरा बूळेम आताङ. देवुळि तना पूरा मळ्गनद ओङतुन, बेबिलोन सहरता पोग़ोन अर्हचीयलाह सीता कीता.

तोहचीतव पोल्‍लोङ 17:1

अद्रमलेह्‌काने पया, एळुङ कस्लाङ पोयतव देवतुल्कनग्डाहि, उंद देवतुल बह कीता, नयगा वासि इद्रम इता: “इंजेके वेल्‍लाङे कसानगा उदतद, (बेरा सहरतुन ऊळकिन, तान) पका लाग्वद बोगे आंचाळ इन्ह्‌तोर. ताना संगे साट्याल कबळ कीतप लेह्‌का, बूमतोर राजालोर, (बोमान मोळ्कनद) ताना पापमते कलियतोर. अद बोगे आंचाना साट्या बुदता रिमा आतप लेह्‌का, बूमतगा मनवालोर (सेतेम देवुळतुन विळ्सिस, बोमान मोळ्कलाह गिर्दा) आतोर. दय! देवुळि अद सहरतुह्‌क बेद्रम सिक्सा ईस्ता इनजोर, नीक तोहतकन,” इता.

तोहचीतव पोल्‍लोङ 17:7

अस्के नाक ततद देवतुल इता, “निमा बाराह्‌क बामतिन? इद आंचाना पोल्‍लो, ओसो इद उदतद एळुङ तलानदु, दहा कोह्‌कनदु रकसता पोल्‍लो मकिस मन्ह्‌ता. नना अद पोल्‍लोतुन नीक वेहतह्‌नन.

तोहचीतव पोल्‍लोङ 18:2

अद जोरते इद्रम केयता: “बेबिलोन सहरता लाग्वद साट्याल कबळता रिमाते, सबे जातिनोर कलियतोर. बूमतोर राजालोर ताना संगे साट्याल कबळ कीतोर. ताना बेह्‌रा मादग्डाहि, बूमतगा दंदा केवालोर मन्कलोर साव्कर आतोर. अदिह्‌क बूळेम आता, बूळेम आता, बेरा बेबिलोन सहर बूळेम आता! इंजेके अद सहर देयह्‌क मनदनद जागा आता. सबे देयह्‌क अगा मन्ह्‌ताङ. सबे पोलवव पिटेङ अगा गूडाङ पंडटाङ,” इता.

तोहचीतव पोल्‍लोङ 18:21

अस्के उंद पका लावता देवतुलि, बेरा जेता बंडाता लेह्‌काडा बंडातुन तेहचि, सम्दुरतगा वाटसोरे इता, “देवुळि बेरा सहर बेबिलोनतुन, इद्रमे तेहच वाटिसीयग़ा, ओसो बूळे कीयग़ा. ताना पया अद सहर मुर्तिय दिसो आयग़ा.

तोहचीतव पोल्‍लोङ 19:2

अद सेतेमते नेयम कीस्ता. इतेके अद बेरा बोगे आंचाळि, तना सिंड्रि कबळते, पूरा बूमतोरिन करब कीस मता. देवुळतुन माळवालोरिन अद आंचाळ हव्कताह्‌कु, देवुळि ओरेनाह्‌क इंजेके तान्क सिक्सा ईसि बद्ला एता,” इनजोर रोदा पोयतोर.

तोहचीतव पोल्‍लोङ 7:3

“रोमाटु! मावा देवुळतुन माळवालोराङ तला-कपरानगा, माट बेचानाह सीना तासोम, अचानाह बूमतगा, सम्दुरतगा, मरानगा पीळा लोहमाट,” इता.