तोहचीतव पोल्‍लोङ 17:15 - माडिया गोंड पवित्र सास्त्रम

¹⁵ अद बोगे आंचाळ उदिस मतव कसान ऊळतिन, अव कसाङ इतेके, बूमतग्डोर सबे कूळिनोरु, ईनाह-आनाह मुडा लोकुर, सबे जातिनोरु, दुस्राङ-दुस्राङ बासाङ वळ्ह्‌कवालोर आंदुर.

तोहचीतव पोल्‍लोङ 17:15 Iomraidhean Croise

तोहचीतव पोल्‍लोङ 10:11

तोला सीटटुन तितापया, नाक इद्रमता उकुम केंज वाता: “इंजेके वायनद कालमते वेल्‍लाङे देसेह्‌कनोरिन, वेल्‍लाङे जातिनोरिन, वेल्‍लाङे बासानोरिन, वेल्‍लाटोर राजालोरिन, (ओरा लोप्पा आयनव पोल्‍लोन,) देवुळता जीवा नीक वेहतप लेह्‌कान, निमा ओसोवने वेहतकिन,” इनजोर इता.

तोहचीतव पोल्‍लोङ 11:9

सबे देसेह्‌कनोर, सबे कूळिनोर, दुस्राङ-दुस्राङ बासाङ वळ्ह्‌कवालोर, सबे जातिनोर, मूंड दियाना वळ्गा एवनाह, ओराङ सेत्तान ऊळिह्‌तोर. ओराङ सेत्तान गति कीयलाह एवोर.

तोहचीतव पोल्‍लोङ 17:1

अद्रमलेह्‌काने पया, एळुङ कस्लाङ पोयतव देवतुल्कनग्डाहि, उंद देवतुल बह कीता, नयगा वासि इद्रम इता: “इंजेके वेल्‍लाङे कसानगा उदतद, (बेरा सहरतुन ऊळकिन, तान) पका लाग्वद बोगे आंचाळ इन्ह्‌तोर. ताना संगे साट्याल कबळ कीतप लेह्‌का, बूमतोर राजालोर, (बोमान मोळ्कनद) ताना पापमते कलियतोर. अद बोगे आंचाना साट्या बुदता रिमा आतप लेह्‌का, बूमतगा मनवालोर (सेतेम देवुळतुन विळ्सिस, बोमान मोळ्कलाह गिर्दा) आतोर. दय! देवुळि अद सहरतुह्‌क बेद्रम सिक्सा ईस्ता इनजोर, नीक तोहतकन,” इता.

तोहचीतव पोल्‍लोङ 5:9

मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्‍लोङ वळ्ह्‌कवालोरग्डाहि, सबे देसेह्‌कनोरग्डाहि, सबे जातिनोरग्डाहि, मन्कलोरिन देवुळतेनाह्‌क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्‌क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.