तोहचीतव पोल्‍लोङ 16:8 - माडिया गोंड पवित्र सास्त्रम

⁸ पया नालुङ मल्काता देवतुलि तना कस्लातुन पोळ्‍दतगा वळता. वळतस्के, पोळ्‍दता कांका इचोन वीळता इतेके, बूमता मन्कलोरिह्‌क किस दग्ळालेह्‌का दल्गता.

तोहचीतव पोल्‍लोङ 16:8 Iomraidhean Croise

मत्याल 13:6

मति ईर्क लोप्पा अनवाह्‌कु, एद तेग़तस्के पोर्ह्‌काङ वाग़ताङ, पया वतिस डोलताङ.

लूकाल 21:25

“ओसो पोळ्‍दु, नेला, उकाङ, इविस्कनगा सीनाङ दिसनुङ. ओसो इद बूमतगा सम्दुरताङ लच्काङ वायनुङ, अव लच्काङ नेकनदिन केंजिसि, जातिङ-जातिनोर लोकुर पका रेयनुर.

तोहचीतव पोल्‍लोङ 14:18

अस्के दूपम बोळ्सलाह अदिकर मनदनद उंद देवतुलि, दूपम बोळ्सनद मेजाताहि पेसता. पेसिसि, एटळ पोयतद देवतुलतुन जोरते इता: “बूमतग्डाङ अंगुर पंडिङ पंडटाङ. नीवा ओळतद एटळते, अव अंगुर गुतिन कोय्म,” इनजोर इता.

तोहचीतव पोल्‍लोङ 6:12

पया मेततद आरुङ मल्काता वटेतुन गोरेपिला तेंडटा. अस्के बूम पकाय गल्जतदिन नना ऊळतन. ओसो कार्यल गोंगळिता लेह्‌कान, पोळ्‍दु कार्यल आता. नेला बार नेतुरलेह्‌का गंजता.

तोहचीतव पोल्‍लोङ 7:16

राजकुर्सतगा मनदनद गोरेपिला, वेरिन अग़ तोहतग़ा; ओसो देवुळता पिसमुळ ईयनद एताङ कनिर्कनगा ओसीयग़ा; अदिनेनाह्‌क इंजेके वेरिह्‌क कग़्व वसो आयग़ा, एग़ उनडा वसो आयग़ा, एद दल्गो आयग़ा, कांका पोयो आयग़ा. देवुळि तनाय वेराङ सबे तिपल्किन जेक कीसि, वेराङ सबे कंड्रिन उम्चिसीयग़ा,” इनजोर इतोग़.

तोहचीतव पोल्‍लोङ 8:12

नालुङ मल्काता देवतुलि तना अकुमतुन ऊरता. ऊरतस्के पोळ्‍दु, नेला, उकानगा पीळा अरता. पीळा अरतस्के, अव मुनेता लेह्‌का दींचोङ. अदिनेनाह्‌क पियलि नालुङ गंटाङ, पोळ्‍दता वेह्‌च इलवा मता. अहे नग़्काटुह्‌क नालुङ गंटाङ नेलाता, उकाना वेह्‌च इलवा मता.

तोहचीतव पोल्‍लोङ 9:2

अद तालम कयदे, देयमदीपता सिक्सा-बोंदातुन तेग़यता. तेग़यतस्के, बेरा किसबटटाहि पेसना लेह्‌का, पका पोया पेसता. अद देयमदीपता सिक्सा-बोंदाता पोया उंडिसि, पोळ्‍दता वेह्‌चतुन मुचता. अदिह्‌क ईकळ आता.