तोहचीतव पोल्‍लोङ 16:10 - माडिया गोंड पवित्र सास्त्रम

¹⁰ पया एयुङ मल्काता देवतुलि, तना कस्लातुन मुनेता रकसता राजकुर्सतगा वळता. वळतस्के, ताना राजेमते ईकळ पोयता. अस्के मन्कलोर पकाय सिक्सा आसि, मंटातुह्‌क तमाङ पल्क कोग़्किंदुर.

तोहचीतव पोल्‍लोङ 16:10 Iomraidhean Croise

मत्याल 13:42

देवतुल्क ओरिनु जमा कीसि, मळ्गना पिववद किसबटटगा वाटनुङ. अगा अमेसा केयना, अळयना, मुडुर-मुडुर पल्क कोग़्कना आयग़ा.

मत्याल 13:50

एग़्‍पिह कीसि, ओर लाग्वोरिनु पिववद किसबटटा सिक्सातगा वाटिसीयनुङ. अगा अमेसा केयना-अळयना, मुडुर-मुडुर पल्क कोग़्कना आयग़ा.

मत्याल 22:13

राजाल पया तनाङ आजोङ आयवालोरिन केयिस इतोग़, ‘वेनाङ कय्किन-काल्किन दोहचि, वेन पलत मुर्गंगाते पोहचीम्ह्‌ट. अगा मनवालोर अळयना-केयना, मुडुर-मुडुर पल्क कोग़्कना, इह कीसोर मनदनुर,’ इन्जि इतोग़.

मत्याल 24:51

मेटि इद्रम कीयह्‌पा कलियतेके, तना माल्काल ओन पका सिक्सा कीयनोग़. पया अळयना, केयना, मुडुर-मुडुर पल्क कोग़्कना जागातगा, ओन मेटिन सोङ केवालोरा संगे वाटिसीयनोग़,” इनजोर येसु इतोग़.

मत्याल 8:12

मति माट इस्रयेलतोरोम इन्जि देवुळदीपते नेङकोम, इद्रम इनवालोर उय्तुरिन, देवुळ मनवदु ईकळता जागाते देवुळि पलत पोहचीयग़ा. अगा ओरु अळयना, पल्क कोग़्कना कीयनुर.”

लूकाल 13:28

“मीटु देवुळ राजेम कीयनगा अब्रहम, इसक, याकुब ओसो सबेटोर देवुळता कबुरतोरिन ऊळकिर. मति मीक इतेके, अग्डाहि पलते सिरप अळयना, पल्क कोग़्कना, इद्रमता जागाते दोबिस ईयनुर.

1 पत्रु 2:17

इतेके, सबेटोरिह्‌क मान ईयना, आपुनाङ ऐंगेटोर विस्वसिरिन तमोग़-दादानलेह्‌का जीवा कीयना. देवुळतुह्‌कु रेयिस मनदना, ओसो राजानु मान ईसि ताकना.

तोहचीतव पोल्‍लोङ 11:10

वेर इर्वुर हातोरु देवुळता कबुरतोरु, बूमतोर मन्कलोरिन पकाय तिपल कीस मतोर. अदिह्‌क वेर डोलतोर इनजोर, बूममेटोर गिर्दा आस्तोर. ओसो तमा सोमताहि, ओर्विह्‌क-ओर्वोग़ माल ईस्तोर.

तोहचीतव पोल्‍लोङ 11:2

मति मंदिरता रेसातुन, नाक पुनवोर लोकुरा कयदे ईतन. अदिनेनाह्‌क तान कहमा. ओर मन्कलोरु, मूंड वर्साङ आरुङ नेलाङ आनाह, नावा पवित्र येरुसलेम सहरतुन, तमा काल इळ्न तासनुर.

तोहचीतव पोल्‍लोङ 11:8

ओराङ सेत्ताङ अद बेरा सहरता अग़दगा अर्स मन्ह्‌ताङ. अदे सहरतगा, ओरा सामिन वने, हव्कनागुटातगा मोल्‍लाङ कोटिस हव्किस मतोर. सोदोम सहरतोरा लेह्‌काने, अहे मिसर देसेमतोरा लेह्‌काने, (अद बेरा सहरतोर वने ओसोय लाग्वोरु)!

तोहचीतव पोल्‍लोङ 17:9

रकसताङ एळुङ तलाङ इतेके एळुङ मेटाङ. अद आंचाळ अव मेटाना पोग़ोन उदता. ओसो अव एळुङ तलाङ इतेके, एळवुर राजालोर वने. इद पोल्‍लोतुन पुनदलाह, बेस विचर कीम्ह्‌टु.

तोहचीतव पोल्‍लोङ 18:2

अद जोरते इद्रम केयता: “बेबिलोन सहरता लाग्वद साट्याल कबळता रिमाते, सबे जातिनोर कलियतोर. बूमतोर राजालोर ताना संगे साट्याल कबळ कीतोर. ताना बेह्‌रा मादग्डाहि, बूमतगा दंदा केवालोर मन्कलोर साव्कर आतोर. अदिह्‌क बूळेम आता, बूळेम आता, बेरा बेबिलोन सहर बूळेम आता! इंजेके अद सहर देयह्‌क मनदनद जागा आता. सबे देयह्‌क अगा मन्ह्‌ताङ. सबे पोलवव पिटेङ अगा गूडाङ पंडटाङ,” इता.

तोहचीतव पोल्‍लोङ 18:21

अस्के उंद पका लावता देवतुलि, बेरा जेता बंडाता लेह्‌काडा बंडातुन तेहचि, सम्दुरतगा वाटसोरे इता, “देवुळि बेरा सहर बेबिलोनतुन, इद्रमे तेहच वाटिसीयग़ा, ओसो बूळे कीयग़ा. ताना पया अद सहर मुर्तिय दिसो आयग़ा.

तोहचीतव पोल्‍लोङ 18:23

इंजेके ईकळ आयह्‌पा, चिमलिङ पोतिह कीयलाहि, मन्कलोर मनोर आयनुर. मर्मिना गिर्दाते एंदना-पाग़ना केंज वावो आयग़ा. नियगा दंदा केवालोर पूरा बूमतोरिह्‌क बेरोर मंदुर. नियग्डोर मन्कलोर तमाङ ओदेने, सबे जातिनोरिन लेसिह कींदुर.

तोहचीतव पोल्‍लोङ 8:12

नालुङ मल्काता देवतुलि तना अकुमतुन ऊरता. ऊरतस्के पोळ्‍दु, नेला, उकानगा पीळा अरता. पीळा अरतस्के, अव मुनेता लेह्‌का दींचोङ. अदिनेनाह्‌क पियलि नालुङ गंटाङ, पोळ्‍दता वेह्‌च इलवा मता. अहे नग़्काटुह्‌क नालुङ गंटाङ नेलाता, उकाना वेह्‌च इलवा मता.

तोहचीतव पोल्‍लोङ 9:2

अद तालम कयदे, देयमदीपता सिक्सा-बोंदातुन तेग़यता. तेग़यतस्के, बेरा किसबटटाहि पेसना लेह्‌का, पका पोया पेसता. अद देयमदीपता सिक्सा-बोंदाता पोया उंडिसि, पोळ्‍दता वेह्‌चतुन मुचता. अदिह्‌क ईकळ आता.