तोहचीतव पोल्‍लोङ 15:5 - माडिया गोंड पवित्र सास्त्रम

⁵ पया देवुळदीपतगा, देवुळि तना लोकुरा नडुम मनदनदिना साक्सि तोहतनद रावुळि मता. ताना लोप्पा पवित्र गूडटुन तेग़यतदिन, नना ऊळतन.

तोहचीतव पोल्‍लोङ 15:5 Iomraidhean Croise

मत्याल 27:51

इंजेके येरुसलेमता मंदिरतग्डा पवित्र गूडटा अग़दगा, गेंदे अडह कीस मता; (अद गेंदे अडम मताह्‌कु, लोकुर देवुळतुन गट्ने कलिय पग़वोर आंदुर.) पया येसु हातस्के ऊळाट, अद गेंदे पोग़ोटाहि इळ्न एवनाहि, पग़्क वितिसि रेंड तुक्ळेङ आताङ. ओसो जागा-बूमि मेलियता, आदिङ पेग़्क-पग़्क पवताङ, गुमयाङ पङ्ने आताङ.

इब्रितोर 8:5

मोसाल देवुळता रावुळतुन निल्पिह कीयनामुने, देवुळि ओन वेहच मता, “निमा नावा संगे मेटातगा मतिन, अस्के नना नीक बाताल बाताल तोहतन, बराबर अद्रमलेह्‌काने, नावा रावुळतुन पंडकिर,” इनजोर इता. इतेके इद बूमतगा बूमयालोर सेवा कीयनद जागा, पोग़ोन देवुळदीपते मनदनद रावुळ बेद्रम मन्ह्‌ता इन्जि तोहतह्‌ता; ताना दळ्मता लेह्‌कान मन्ह्‌ता.

तोहचीतव पोल्‍लोङ 11:19

इतस्के अचोटेने देवुळदीपतगा मनदनद मंदिरता अग़ि पङ्ने आता. आतस्के, अगा देवुळि मन्कलोरिह्‌क करल कीस मतद पोल्‍लोतुन, तासिस मतद संदुकतुन नना ऊळतन. अस्के पका मिळ्स्कता, नेकता, गुळ्न्जता, बूम गल्जता, ओसो पकाय आदुर्क अरताङ.

तोहचीतव पोल्‍लोङ 13:6

पया अद रकस पकाय देवुळतुन पास्क बोटटा. अद ताना पेदिरतुन, ताना जागातुन (इतेके ताना संगे देवुळदीपतगा मनवालोरिन) पास्क बोटटा.