तोहचीतव पोल्‍लोङ 15:3 - माडिया गोंड पवित्र सास्त्रम

³ ओर देवुळता सेवातोग़ मोसा मुय्तोना पाटातुन (तान गोरेपिलाता पाटा वने इन्ह्‌तोर), इद्रम वाग़तोर: “ए बेरा डीसाता, सामि देवुळतिन! नीवाङ कबस्क बेराङ, बामिह कीयनव मन्ह्‌ताङ! ए सबे जातिनोरा राजानिन! निमा बेदाय कीतेके, निटमे कीय्ह्‌निन, सेतेमते कीय्ह्‌निन.

तोहचीतव पोल्‍लोङ 15:3 Iomraidhean Croise

योहन 1:17

इतेके मोसाल इनवाल देवुळता कबुरतोना मेटे, देवुळताङ अडोङ माक अस्के दोर्किस मताङ; येसु किर्स्तुना मेटे बार देवुळता सेतेमि, ओसो ताना दया मयगा एवता.

1 तिमोति 1:17

अदिह्‌कु मावा अमेसा मनदनदु, बेस्केन मायवदु, मन्कह्‌क दिसवदु देवुळराजाल, अदे सेतेम देवुळ इनजोरे, तान्कु अमेसा-अमेसातुह्‌क मान आयि, जोहर आयि. अहे आयि.

इब्रितोर 3:5

मोसाल देवुळता लोतोरगा, सबे पोल्‍लोने तपवालेवा सेवा कीतोग़; मति ओग़ सिरप सेवके मतोग़. वायनद कालमते देवुळि पुन्पिह कीयनव सेतेम पोल्‍लोनु, ओना कबळ मुनेन तोहचीता.

तोहचीतव पोल्‍लोङ 1:8

मुनेताह अमेसा मतदु, इंजेके वने मनदनदु, ओसोवने वायनद, बेरा डीसाता देवुळि इद्रम इन्ह्‌ता: “सबेटविना मोदुल वने ननाये, सबेटविना कोड वने ननाये” इनजोर सामि इन्ह्‌ता.

तोहचीतव पोल्‍लोङ 11:17

मोळ्किसि इद्रम इतोर: “ए सामि! बेरा लावता देवुळतिन! अमेसा मतदु, नेंड वने मनदनद देवुळतिन! इंजेके निमा नीवा लावतुन तोहचि, राजेम ताकिह कीयलाह सुरु कीतिन. अदिनेनाह्‌क माट नीक जोहर कीय्ह्‌नोम.

तोहचीतव पोल्‍लोङ 14:3

पया ओर उंद लाक रेंड वीसाङ नालुङ अजर्क (1,44,000) मन्कलोरु, देवुळता राजकुर्सता मुनेह, नालुङ दिंचिना मुनेह, पेदल्कना मुनेह, पूना पाटा वाग़तोर. ओरिन विळ्सिस, बोरे अद पाटातुन कग़य पग़वोर. पूरा बूमतोर मन्कलोरग्डाहि, देवुळि ओरिने कर्सा ईसि, विळ्सिह कीस मता. ओर देवुळतेनाह्‌क ओसो गोरेपिलातेनाह्‌क अलग आतोर. बेस्केन साट्याल कबळ केवोर कोय्तोरा लेह्‌का, ओर गोरेपिलातुन विळ्सिसि बेदिने मोळ्कोर. ओर गोरेपिला तोहतद अग़देने ताकिंदुर.

तोहचीतव पोल्‍लोङ 14:8

अद अतापया दुस्रा देवतुल वाता, वासि इद्रम इता: “बूळेम आता, बूळेम आता, पका बेरा बेबिलोन इनदनद सहर बूळेम आता. बेद्रम बोगे आस्कु, तमगा वावालोर कोय्तोरिन, साट्या बुदता रिमा वानाह कीस्ताङ, अहलेह्‌का बेबिलोन सहरतोर सबे जातिनोरिन काग़्हचि, ओरिन सेतेम देवुळतुन विळ्सिसि, बोमान मोळ्कनद गिर्दा वानाह कीतोर,” इता.

तोहचीतव पोल्‍लोङ 17:14

“गोरेपिलाता संगे वेर राजालोर लळय कीयनुर; मति गोरेपिला सामिरा सामि, राजालोरा राजाल मताह्‌कु, अद तना केयतोर, आचतोर, विस्वसिरा संगे, वेर राजालोरिन गेल्सग़ा.

तोहचीतव पोल्‍लोङ 19:16

ओना गेंदेतगा ओसो कोग़्कतगा तना पेदिर रासिस मता. अद इद्रम मता: “सबेटोर राजालोरा राजाल, सामिरा सामि” इनजोर मता.

तोहचीतव पोल्‍लोङ 19:2

अद सेतेमते नेयम कीस्ता. इतेके अद बेरा बोगे आंचाळि, तना सिंड्रि कबळते, पूरा बूमतोरिन करब कीस मता. देवुळतुन माळवालोरिन अद आंचाळ हव्कताह्‌कु, देवुळि ओरेनाह्‌क इंजेके तान्क सिक्सा ईसि बद्ला एता,” इनजोर रोदा पोयतोर.

तोहचीतव पोल्‍लोङ 4:8

इव नालुङ आस दिंचिह्‌कु, आरुङ-आरुङ मारेङ मताङ. अविस्कना पूरा मेंदुलमेंडु, ओसो मारेना इळ्न वने, वेट कोंडाङे मताङ. अवु नग़्का पिळ्‍विळ, पियल-पोळ्‍द रोमवा, इद्रम इनजोर मन्ह्‌ताङ: “ए सामि देवुळतिन, निमान पवित्र, पवित्र, पवित्रतोनिन! निमा बेरा लावता देवुळतिन! निमान मुनेताह जीवात मतोनिन, इंजेके वने जीवात मनवानिन, ओसोवने वावानिन,” इनजोर इन्ह्‌ताङ.