तोहचीतव पोल्‍लोङ 14:7 - माडिया गोंड पवित्र सास्त्रम

⁷ अद जोरते इद्रम इता: “देवुळि नेयम कीयनद दिया एवता. अदिनेनाह्‌क तान्क रेयाटु, तान्क मान ईम्ह्‌टु. पोग़ोटा बूमि, इळ्ता बूमि, सम्दुर ओसो एताङ कनिर्क, इविस्किन पंडटद देवुळतुन मोळ्काट,” इनजोर इता.

तोहचीतव पोल्‍लोङ 14:7 Iomraidhean Croise

मत्याल 25:13

पया येसु तनाङ कग़यवालोरिन इतोग़, “अदिह्‌क मीट वने उसरते मन्ह्‌टु, बाराह्‌क इतेके माने-मन्कना नडुम पुटटोना वायनद इहलेह्‌काने मन्ह्‌ता. ताना दियातुनु, वेलातुनु मीट मुर्तिय पुनविर.

लूकाल 17:18

वेग़ यहुदि आयवोग़ दुस्रा जाततोन विळ्सिसि, ओरग्डाह बोग़े बह देवुळतुन जोहर कीयलाहि, मल्स वावोग़ गोतो!” इतोग़.

बळयिर 14:15

“ए लुस्त्रा सहरतोरिर, मीट इद्रम बह कीय्ह्‌निर? अद्रम केमाटु! माटु बेवे पेन्कनोम आयोम, माट वने मीवाय लेह्‌कान मन्कलोरोमे. मीट इव अङ्ळमताङ पोल्‍लोन विळ्सिसि, जीवात मनदनद देवुळतके मलयना इन्जि, मीक बेसता कबुर वेहतह्‌नोम. अदे देवुळि पोग़ोटा बूमतुन, इळ्ता बूमतुन, सम्दुरतुन, ओसो अविस्कनगा मनदनव सबेटविन पुटिह कीता.

1 पत्रु 4:7

इंजेके इद दुनियाताङ आक्रि दियाङ गट्‌नेन एवताङ. इद पोल्‍लोतुन सीता कीसि, मीट पार्तना कीयनस्के, उसरते मनदना इन्जि, अक्‍र्ने मन्ह्‌टु.

तोहचीतव पोल्‍लोङ 11:13

अचोटेने बूमि पकाय गल्जिह्‌ता. सहरता दहा चेकाना बूमताहि, उंद चेका सहर बल अरयह्‌ता. बूम गल्जतस्के, एळुङ अजर्क लोकुर डोलिह्‌तोर. पिसतोर लोकुर पकाय रेयिह्‌तोर. रेयिसि, पोग़ोटा देवुळतुन मान ईसि मोळ्किह्‌तोर.

तोहचीतव पोल्‍लोङ 11:18

नीक माळवोर ओङ आस मतोर, मति इंजेके निमा ओङ आसि. हातोरा नेयम कीयनद कगो एवता. नीवा कबुर वेहवालोर सेवातोरिह्‌क, नीवा पवित्र लोकुरिह्‌क, नीक रेयिस ताकवालोर उड्लोर-बेरोरिह्‌क, इनम ईयनद कगो एवता. ओसो बूमतुन बूळे कीतोरिनु, बूळे कीयनद कगो एवता,” इनजोर इतोर.

तोहचीतव पोल्‍लोङ 15:4

ए सामिनिन! सिरप निमान पवित्रतोनिन! अदिनेनाह्‌क नीक कतमतोर रेयिस ताकनुर. नीवा पेदिर पोस नीक कतमतोर मान ईयनुर. नीवा सेतेमताङ कबस्किन सबेटोर ऊळतोर. अदिनेनाह्‌क सबे जातिनोर नीवा मुनेह वासि मोळ्कनुर,” इनजोर वाग़तोर.

तोहचीतव पोल्‍लोङ 16:9

पकाय कांकाते मन्कलोर तिपल आंदुर, आसि इव बेराङ पीळाना पोग़ोन अदिकर मनदनद देवुळतुन, उस्कना-पास्कना कींदुर. मति तमा पापमता अग़दाहि मलवोर, अहे देवुळतुन मान ईस मोळ्कोर.

तोहचीतव पोल्‍लोङ 18:10

ओर अद सहरताङ तिपल्कनेनाह्‌क रेयिसि, जेक निचि इद्रम इनदनुर: “अलो! बेरा सहरतिन! बेबिलोनतिन, बेरोर राजालोरा सहरतिन! नीक बेचोन गोसा वाता! गट्कामेटेन नीक सिक्सा दोर्कता,” इनदनुर.

तोहचीतव पोल्‍लोङ 18:17

इंजेक ऊळा! नियगा मता इचोक कोताङ ओसो मालु, गट्कामेटेन बूळेम आताङ,” इनजोर इनदनुर. सम्दुरतगा ओडाङ पूंडवालोरु, ओडाने अनवालोरु, ओडानाङ माल्कालोरु, ओसो अगा कबळ-काम केवालोर सबेटोर, सहरताहि जेक नितनुर.

तोहचीतव पोल्‍लोङ 18:19

ओसो दुकम आताह्‌कु, तमाङ तलानगा दुरातुन वाटनुर. वाटिसि इद्रम अळसोर केयनुर, “इद सहरतगा पकाय मालसोम मताह्‌कु, ओडानोर अद मालसोमते साव्कर आतोर. मति इंजेके गट्कामेटेन इद बूळेम आस्ता!” इनजोर जोरते केयनुर.

तोहचीतव पोल्‍लोङ 19:5

अस्के राजकुर्सतग्डाहि उंद लेङ इद्रम इता: “ए देवुळतुन माळवालोरिर! तान्क रेयवालोर उड्लोरिर, बेरोरिर! मावा देवुळतुन जोहर कीम्ह्‌टु,” इनजोर इता.

तोहचीतव पोल्‍लोङ 4:11

“ए मावा सामिनिन, मावा देवुळतिन! निमान सबेटविन पुटिह कीतिन. अव नीवाय विचरते मन्ह्‌ताङ. नीवाय विचरते अव पुटटाङ. अदिनेनाह्‌क निमान डीसाता, मानता, बेरा लावता लायकतोनिन आंदिन,” इनजोर इन्ह्‌तोर.

तोहचीतव पोल्‍लोङ 4:9

अव जीवात मनदनव दिंचिङ राजकुर्सतगा उदतदिन, अमेसा-अमेसातुह्‌क जीवात मनदनदिन, कदर, मान, जोहर आयि इनदह्‌पा,

तोहचीतव पोल्‍लोङ 8:10

मूंड मल्काता देवतुलि, तना अकुमतुन ऊरता. ऊरतस्के बेरा उंद उका, तोरे किसलेह्‌कान मळ्गसोर, पोग़ोटाहि अरयलाह आता. अस्के बूमतग्डाङ बेरेह्‌कु, एग़ पेसनाङ कनिर्कु, इविस्कनाङ मूंड चेकानाहि उंद चेकाताङ बेरेह्‌कनगा, ओसो एग़ पेसनाङ कनिर्कनगा, इद उका अरता.