तोहचीतव पोल्‍लोङ 14:1 - माडिया गोंड पवित्र सास्त्रम

¹ अद्रमलेह्‌काने नना येरुसलेमता सियोन मेटातगा, गोरेपिला निच मतदिन ऊळतन. ताना संगे उंद लाक रेंड वीसाङ नालुङ अजर्क (1,44,000) मन्कलोर निच मतोर. ओराङ तला-कपरानगा गोरेपिलाता पेदिर, ओसो ताना बाबाना (इतेके देवुळबाबाना) पेदिर रासतव मताङ.

तोहचीतव पोल्‍लोङ 14:1 Iomraidhean Croise

लूकाल 12:8

“ओसो नना मीक वेहतह्‌नन, बोग़ु लोकुरा मुनेह, नना येसुनाङ कग़यवानन इन्जि कबुल आस्तोग़, ओन नना माने-मन्कना नडुम पुटटोनन, आक्रि नेयमता वेलाते, नावा देवुळता मुनेह ओसो देवतुल्कना मुनेह वेग़ मावोग़े इनदकन.

रोम सहरतोर 9:33

किर्स्तुना लोप्पा मुनेने देवुळि वेहतदु सास्त्रमतगा इद्रम रासतद मन्ह्‌ता: इद ऊळाट! नना येरुसलेम सहरते बंडालेह्‌काडोन ओर्विन तासिह्‌नन, ओनगा वेल्‍लाटोर कोदुर ईस मुटनुर मति ओना पोग़ोन बोर आसा तासनुर, ओर बेस्केने मेसेह्‌ने आयोर आयनुर. इनजोर रासतद मन्ह्‌ता.

तोहचीतव पोल्‍लोङ 14:14

पया नना उंद पांड्रि मोयुल मतदिन ऊळतन. अद मोयुदगा ओर्वोग़ उदिस मतोग़. ओग़ माने-मन्कना नडुम पुटटोना लेह्‌का दिसिंदोग़. ओग़ तना तलातगा बंगरता राजटोपि केग़्स मतोग़. ओना कयदगा, पका ओळतद एटळ मता.

तोहचीतव पोल्‍लोङ 14:3

पया ओर उंद लाक रेंड वीसाङ नालुङ अजर्क (1,44,000) मन्कलोरु, देवुळता राजकुर्सता मुनेह, नालुङ दिंचिना मुनेह, पेदल्कना मुनेह, पूना पाटा वाग़तोर. ओरिन विळ्सिस, बोरे अद पाटातुन कग़य पग़वोर. पूरा बूमतोर मन्कलोरग्डाहि, देवुळि ओरिने कर्सा ईसि, विळ्सिह कीस मता. ओर देवुळतेनाह्‌क ओसो गोरेपिलातेनाह्‌क अलग आतोर. बेस्केन साट्याल कबळ केवोर कोय्तोरा लेह्‌का, ओर गोरेपिलातुन विळ्सिसि बेदिने मोळ्कोर. ओर गोरेपिला तोहतद अग़देने ताकिंदुर.

तोहचीतव पोल्‍लोङ 15:5

पया देवुळदीपतगा, देवुळि तना लोकुरा नडुम मनदनदिना साक्सि तोहतनद रावुळि मता. ताना लोप्पा पवित्र गूडटुन तेग़यतदिन, नना ऊळतन.

तोहचीतव पोल्‍लोङ 22:4

ओसो ताना मोकमतुन ऊळनुर. ताना पेदिर ओराङ तला-कपरानगा रासतद मनदग़ा.

तोहचीतव पोल्‍लोङ 3:12

बोर बोर लाग्वाङ पोल्‍लोन गेल्सनुर, ओरिन नावा देवुळता मंदिरतगा, रायि मुंडाता लेह्‌कान निल्पिह कीकन. बोग़े ओरिन अग्डाहि जर्गिह केवोग़ आयनोग़. ओरा पोग़ोन नावा देवुळता पेदिरतुन रासकन. अहे ओर नावा देवुळता सहरतोर आयनुर; अद सहर इतेके, नावा देवुळता जागातग्डाहि रेगनदु पूना येरुसलेम. ओसो नावाय पूना पेदिरतुन वने ओरा पोग़ोन रासकन.

तोहचीतव पोल्‍लोङ 4:1

इव पोल्‍लोङ आतापया, ऊळाट, पोग़ोन देवुळदीपतगा अग़ तेग़यिस मतदिन, नना योहननन ऊळतन. मुने बेरा अकुम नेकतप लेह्‌का, नावा संगे वळ्ह्‌कतद लेङु, इंजेके नाक इद्रम इता: “इगा पोग़ोन देवुळदीपतगा वय. इंजेक मुनेह आयनव पोल्‍लोन, नीक तोहतह्‌नन,” इता.

तोहचीतव पोल्‍लोङ 6:8

अस्के दुमाल कोडातुन नना ऊळतन. ताना पोग़ोन ओर्वोग़ उदिस मतोग़. ओना पेदिरि हामुर इनजोर मता. ओसो ओना पयाह पयाह, हानादीप पेदिरतोग़ मतोग़. बूममेटोरिन नालुङ तूस्क कीसि, उंद तूसतोरिनु लळयते, दुकळते, बेमरते, गेळा जन्वर्कने हव्कलाहि, देवुळि ओरिह्‌क अदिकर ईता.