तोहचीतव पोल्‍लोङ 13:7 - माडिया गोंड पवित्र सास्त्रम

⁷ देवुळता मन्कलोरा संगे लळेम आसि ओरिन गेल्सलाह, तान्क अदिकर दोर्कता. ओसो सबे कूळिनोरिन, सबे देसेह्‌कनोरिन, दुस्राङ-दुस्राङ बासाङ वळ्ह्‌कवालोरिन, सबे जातिनोरिन ताकिह कीयलाहि, तान्क अदिकर दोर्कता.

तोहचीतव पोल्‍लोङ 13:7 Iomraidhean Croise

लूकाल 4:6

तोहचि इद्रम इता, “इव सबे राजेह्‌किन ताकिह कीयनद अदिकर, नाक ईतद मन्ह्‌ता. नना इद अदिकरतुन बोन्क इतेक ओन्क ईया पग़यह्‌नन. अदिनेनाह्‌क इंजेके निमा नावाङ काल्क अर्सि मोळ्कतिन इतेके, इव कतम राजेह्‌कु ओसो इविस्कना सोबा नीके आयनुङ,” इनजोर इता.

योहन 19:11

येसु ओन इतोग़, “नीकु देवुळताहि ईतद अदिकर लेवेके, नावा पोग़ोन नीवा बेदे अदिकर इले आस मनालि. अदिनेनाह्‌कु बोग़ (पेर्माल पुन्जि-वेन्जि) नाक नीवा कयदे ईतोग़, ओग़े नीकाय वीळिसि वेल्‍ला पापम कीतोग़.”

तोहचीतव पोल्‍लोङ 10:11

तोला सीटटुन तितापया, नाक इद्रमता उकुम केंज वाता: “इंजेके वायनद कालमते वेल्‍लाङे देसेह्‌कनोरिन, वेल्‍लाङे जातिनोरिन, वेल्‍लाङे बासानोरिन, वेल्‍लाटोर राजालोरिन, (ओरा लोप्पा आयनव पोल्‍लोन,) देवुळता जीवा नीक वेहतप लेह्‌कान, निमा ओसोवने वेहतकिन,” इनजोर इता.

तोहचीतव पोल्‍लोङ 11:18

नीक माळवोर ओङ आस मतोर, मति इंजेके निमा ओङ आसि. हातोरा नेयम कीयनद कगो एवता. नीवा कबुर वेहवालोर सेवातोरिह्‌क, नीवा पवित्र लोकुरिह्‌क, नीक रेयिस ताकवालोर उड्लोर-बेरोरिह्‌क, इनम ईयनद कगो एवता. ओसो बूमतुन बूळे कीतोरिनु, बूळे कीयनद कगो एवता,” इनजोर इतोर.

तोहचीतव पोल्‍लोङ 11:7

ओर देवुळता साक्सितुन वेहतनद मारिह कीतस्के, देयमदीपता सिक्सा-बोंदाताहि, किर्स्तुना विरुदतद रकस पेसिस वास्ता, वासि ओर इर्वुरिन लळय कीस्ता. अह कीसि, ओरिन गेल्सिस हव्किह्‌ता.

तोहचीतव पोल्‍लोङ 12:17

अदिनेनाह्‌क मासुंड तरसि आंचाना पोग़ोन ओङ आता; आसि तानाङ पिसतोर पेकोरा संगे, लळेम आयलाह अता. तानाङ पेकोर इतेके, देवुळताङ अडोन माळवालोर, ओसो येसुना साक्सि एवालोर मन्कलोरु. पया अद मासुंडि सम्दुरता दडटगा अन्ज निता.

तोहचीतव पोल्‍लोङ 17:15

अद बोगे आंचाळ उदिस मतव कसान ऊळतिन, अव कसाङ इतेके, बूमतग्डोर सबे कूळिनोरु, ईनाह-आनाह मुडा लोकुर, सबे जातिनोरु, दुस्राङ-दुस्राङ बासाङ वळ्ह्‌कवालोर आंदुर.

तोहचीतव पोल्‍लोङ 5:9

मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्‍लोङ वळ्ह्‌कवालोरग्डाहि, सबे देसेह्‌कनोरग्डाहि, सबे जातिनोरग्डाहि, मन्कलोरिन देवुळतेनाह्‌क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्‌क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.