तोहचीतव पोल्‍लोङ 13:4 - माडिया गोंड पवित्र सास्त्रम

⁴ इद रकसता लेह्‌का बेरा बेदे इले, ताना संगे लळेम आया पग़वाल बोग़े इलेग़ इन्जि, रकसतुन वने मोळ्कतोर. पया मासुंडि तना अदिकरतुन रकसतुह्‌क ईताह्‌कु, लोकुर मासुंडतुन वने मोळ्कतोर.

तोहचीतव पोल्‍लोङ 13:4 Iomraidhean Croise

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

2 तिसलुनितोर 2:4

ओग़ लाग्वोग़ मन्कल ननाये निटम देवुळतन इनजोर वेहचि, देवुळता मंदिरतगा उदनोग़. मन्कलोर मोळ्कनव सबे पेन्क-हानास्क, सबे देवुळ्क नावा मुनेह बाताङ इलेङ इनजोर, ओग़ पोग़यनोग़.

तोहचीतव पोल्‍लोङ 12:3

पया ओसो उंद सीना देवुळदीपतगा दिसता. अद इद्रम मता: ऊळाट, उंद बेरा नेत्रल मासुंड तरस मता, तान्क एळुङ तलाङ, दहा कोह्‌क मताङ. ओसो एळुङ तलानगा, एळुङ राजटोपिङ केग़्स मता.

तोहचीतव पोल्‍लोङ 12:4

ताना तोका, मूंड तूस्कनाहि उंद तूस पोग़ोटाङ उकान गुंजिसि, बूमतगा अर्ह्‌चीता. अह कीसि पया, अद आंचाळि रिकम आतस्के, ताना मग़िन लोपलाहि, आंचाना मुनेह निच मता.

तोहचीतव पोल्‍लोङ 13:11

पया दुस्रा उंद रकस बूमतग्डाहि पेसिस वायनद ऊळतन. तान्क गोरेपिलाता लेह्‌का रेंड कोह्‌क मताङ. अद वळ्ह्‌कनस्के बार, मासुंडता लेह्‌का वळ्ह्‌किंदु.

तोहचीतव पोल्‍लोङ 13:15

इतस्के ओर बोमा पंडिह्‌तोर. बोमातुन जीवा अर्हतलाहि, दुस्रा रकसतुह्‌क अदिकर दोर्किह्‌ता. अदिनेनाह्‌क अद बोमा जीवा अर्सि वळ्ह्‌किह्‌ता, ओसो तन्क मोळ्कवोर सबेटोर मन्कलोरिन हव्कलाह वेहतह्‌ता.

तोहचीतव पोल्‍लोङ 13:2

नना ऊळतन अद रकस, नेग़लता लेह्‌का मता. तानाङ नला काल्कु, एळ्जताङ नला काल्कना लेह्‌का मताङ. ताना तोडि, डुवलता तोडटा लेह्‌का मता. इंजेक अद मासुंडि बह कीता इतेके, तना राजेम ताकिह कीयनद लावतुन, ओसो बेरा अदिकरतुन, रकसता कयदे ईता.

तोहचीतव पोल्‍लोङ 17:14

“गोरेपिलाता संगे वेर राजालोर लळय कीयनुर; मति गोरेपिला सामिरा सामि, राजालोरा राजाल मताह्‌कु, अद तना केयतोर, आचतोर, विस्वसिरा संगे, वेर राजालोरिन गेल्सग़ा.

तोहचीतव पोल्‍लोङ 18:18

निचि अद सहर कर्वनद उंडुलतुन ऊळनुर, ऊळिसि “इचोटा बेरा सहरता लेह्‌का बेद सहर मन्ह्‌ता!” इनजोर केयनुर.

तोहचीतव पोल्‍लोङ 9:20

इव मूंड आस पीळाने डोलवालेवा पिसतोर मन्कलोरु, इचोन तिपल आस तेला, तमाङ लाग्वाङ कबस्कनाहि मलवोर, देवुळताङ केंजोर. ओर देयह्‌किन ओसो बंगरते, वेंडिते, इतुळते, बंडाने, मराने पंडटव बोमान मोळ्कसोरेन अंदुर. अव बोमाङ इतेके, तोवया पग़वोङ, वेनदा पग़वोङ, ताक पग़वोङ.