तोहचीतव पोल्‍लोङ 13:17 - माडिया गोंड पवित्र सास्त्रम

¹⁷ इद सीनालेवा मन्कलोर बेदे मादुन असलाह, वमलाह पग़वोर. इद सीना इतेके, रकसता पेदिरतुन तोहतह्‌ता, इलवेके अद पेदिरता लेकातुन तोहतह्‌ता.

तोहचीतव पोल्‍लोङ 13:17 Iomraidhean Croise

गलातितोर 6:17

ओसो इंजेटाहि मियग्डाहि बोग़े जोल काग़्हमुळतुन केंजिसि, नाक तिपल कीयनदायो. बाराह्‌क इतेके येसुसामिना कबुरतुन पोकुर कीताह्‌कु, विरुदतोरा देबाना सीना नावा मेंदुदगा मन्ह्‌ता.

तोहचीतव पोल्‍लोङ 13:16

ओसो अद दुस्रा रकस बह कीस्ता इतेके, बूमतोर सबेटोर उड्लोर-बेरोर, मतोर-लेवोर, माल्कालोर-ओर्युलतोर, वेर सबेटोर तमा तिनळ कयदगा, इलवेके तमा तला-कपरातगा सीना रासनाह कीस्ता.

तोहचीतव पोल्‍लोङ 13:18

बेस बुदतुन पोय्म्ह्‌टु. तेल्वतोर मन्कलोर रकसता लेकातुन लेकिर. अद लेका ओर्वोग़ मन्कन तोहतह्‌ता. अद लेका आरुङ नूह्‌क मूंड वीसाङ आरुङ (666) इचोन मन्ह्‌ता.

तोहचीतव पोल्‍लोङ 14:11

ओर रकसतुन ओसो ताना बोमातुन मोळ्कतोर, ताना पेदिरता सीना तासतोर. अदिनेनाह्‌क ओर नग़्का पिळ्‍विळ पियल-पोळ्‍द आरमलेवा, तिपल आसोर मनदनुर. ओरिन तिपल कीयनद किसु बेस्केन पिवो आयग़ा.

तोहचीतव पोल्‍लोङ 14:9

अद अतापया, ओसो उंद देवतुल वाता. वासि जोरते इता, “बोर बोर रकसतुन ओसो ताना बोमातुन मोळ्किसि, ताना सीनातुन तमा तला-कपरातगा आयि, कयदगा आयि, तासिह्‌तोर, ओरा इद्रम आयग़ा:

तोहचीतव पोल्‍लोङ 15:2

ओसो सम्दुरता लेह्‌काडदिन ऊळतन. अद अदमता लेह्‌का, ओसो किस काल्ह्‌पतप लेह्‌का दिसिंदु. बोर मन्कलोर मुनेता रकसता बोमातुन मोळ्कवा, तमाङ मेंदुस्कनगा ताना पेदिरता लेकातुन रासवा, तान गेल्सिस मतोर, ओर अद सम्दुरता दडटगा निच मतद ऊळतन. ओर देवुळि ईतव जेतुर्क पोस निच मतोर.

तोहचीतव पोल्‍लोङ 17:5

ताना तला-कपरातगा पेदिर रासिस मता, अद पेदिरता अर्तम बोरे पुनवप मता. अद इद्रम मता: “बेरा बेबिलोन सहर: बूमतग्डाङ बोगे आस्कना कबळि, ओसो एग़्ङ वानाह मनदनव करब कबस्कु, इग्डाहिये पुटटाङ,” इनजोर रासिस मता.

तोहचीतव पोल्‍लोङ 20:4

पया नना राजकुर्सिन ऊळतन. अविस्कना पोग़ोन बोर उदिस मतोर इतेके, बूमतगा मनदह्‌पा उच्वुर मन्कलोर अद रकसतुन, ताना बोमातुन, मोळ्कवोरु. ताना सीनातुन तमाङ तला-कपरानगा, कय्कनगा रासवोरु. ओर येसुना ओसो देवुळता पोल्‍लोता साक्सि ईताह्‌कु, विरुदतोर ओराङ तलान डायिस मतोर. अद्रम डोलतोर मन्कलोराङ जीवाङ, अव राजकुर्सिनगा उदिस मतदिन ऊळतन. देवुळि ओरिह्‌क नेयम कीयनद अदिकर ईता. ओर ओसोवने जीवा अर्सि, किर्स्तुना संगे अजर वर्साङ आनाह, राजेम ताकिह कीतोर.

तोहचीतव पोल्‍लोङ 22:4

ओसो ताना मोकमतुन ऊळनुर. ताना पेदिर ओराङ तला-कपरानगा रासतद मनदग़ा.

तोहचीतव पोल्‍लोङ 3:12

बोर बोर लाग्वाङ पोल्‍लोन गेल्सनुर, ओरिन नावा देवुळता मंदिरतगा, रायि मुंडाता लेह्‌कान निल्पिह कीकन. बोग़े ओरिन अग्डाहि जर्गिह केवोग़ आयनोग़. ओरा पोग़ोन नावा देवुळता पेदिरतुन रासकन. अहे ओर नावा देवुळता सहरतोर आयनुर; अद सहर इतेके, नावा देवुळता जागातग्डाहि रेगनदु पूना येरुसलेम. ओसो नावाय पूना पेदिरतुन वने ओरा पोग़ोन रासकन.

तोहचीतव पोल्‍लोङ 7:3

“रोमाटु! मावा देवुळतुन माळवालोराङ तला-कपरानगा, माट बेचानाह सीना तासोम, अचानाह बूमतगा, सम्दुरतगा, मरानगा पीळा लोहमाट,” इता.