तोहचीतव पोल्‍लोङ 13:15 - माडिया गोंड पवित्र सास्त्रम

¹⁵ इतस्के ओर बोमा पंडिह्‌तोर. बोमातुन जीवा अर्हतलाहि, दुस्रा रकसतुह्‌क अदिकर दोर्किह्‌ता. अदिनेनाह्‌क अद बोमा जीवा अर्सि वळ्ह्‌किह्‌ता, ओसो तन्क मोळ्कवोर सबेटोर मन्कलोरिन हव्कलाह वेहतह्‌ता.

तोहचीतव पोल्‍लोङ 13:15 Iomraidhean Croise

याकुब 2:26

निटमे बेद्रम ऊकुरलेवा मेंदुल डोलिह्‌ता, अद्रमलेह्‌काने बेसताङ कबस्क केवालेवा, विस्वस वने डोलिस मन्ह्‌ता.

तोहचीतव पोल्‍लोङ 13:1

पया उंद रकस सम्दुरताहि पेसिस वायनद ऊळतन. तान्क दहा कोह्‌क मताङ, ओसो एळुङ तलाङ मताङ. दहा कोह्‌कनगा दहा राजटोपिङ मताङ. तानाङ एळुङ तलानगा देवुळतुन पास्कना लेह्‌काडाङ पेदिर्क रासतव मताङ.

तोहचीतव पोल्‍लोङ 13:12

इद दुस्रा रकस बह कीस्ता इतेके, मुनेता रकसता पूरा अदिकरतुन पोसि, ताना मुनेह राजेम ताकिह कीस्ता. कीसि अद मुनेता नोमुर सव्रेम आतद रकसतुन, पूरा बूमतोर लोकुर मोळ्कनाह कीस्ता.

तोहचीतव पोल्‍लोङ 13:14

मुनेता रकसता मुनेह सीना तोहतलाह, तान्क अदिकर दोर्किह्‌ता. अद सीना तोहचि, बूमतगा मनवालोर सबेटोर मन्कलोरिन, अद नाळेह कीस्ता. अद पयाडा रकस बूमतगा मनवालोरिन इद्रम इन्ह्‌ता: “तल्वर कसेग़ते नोमुर आसि, सव्रेम आतद रकसता बोमा पंडाटु,” इन्ह्‌ता.

तोहचीतव पोल्‍लोङ 14:11

ओर रकसतुन ओसो ताना बोमातुन मोळ्कतोर, ताना पेदिरता सीना तासतोर. अदिनेनाह्‌क ओर नग़्का पिळ्‍विळ पियल-पोळ्‍द आरमलेवा, तिपल आसोर मनदनुर. ओरिन तिपल कीयनद किसु बेस्केन पिवो आयग़ा.

तोहचीतव पोल्‍लोङ 14:9

अद अतापया, ओसो उंद देवतुल वाता. वासि जोरते इता, “बोर बोर रकसतुन ओसो ताना बोमातुन मोळ्किसि, ताना सीनातुन तमा तला-कपरातगा आयि, कयदगा आयि, तासिह्‌तोर, ओरा इद्रम आयग़ा:

तोहचीतव पोल्‍लोङ 16:2

इतस्के मुनेता देवतुलि अन्जि, तना कस्लातुन बूमतगा वळता. वळतस्के, रकसता सीनातुन रासतोरिह्‌क, ताना बोमातुन मोळ्कतोरिह्‌क कूतव बोटाङ पेसताङ.

तोहचीतव पोल्‍लोङ 16:5

मारियतस्के, पूरा एता पोग़ोन अदिकर मनदनद देवतुलि, देवुळतुन इता, “ए पवित्रतोनिन! अमेसा मतोनिन, नेंड वने मनवानिन! निमा इद्रमता सिक्सा लोहचि, सेतेमते नेयम कीतिन!

तोहचीतव पोल्‍लोङ 17:14

“गोरेपिलाता संगे वेर राजालोर लळय कीयनुर; मति गोरेपिला सामिरा सामि, राजालोरा राजाल मताह्‌कु, अद तना केयतोर, आचतोर, विस्वसिरा संगे, वेर राजालोरिन गेल्सग़ा.

तोहचीतव पोल्‍लोङ 17:6

ओसो अद आंचाळ ओचिस मतद ऊळतन. येसुना साक्सि मन्जि डोलतोर देवुळता पवित्र मन्कलोरा नेतुर उन्जि, अद आंचाळ ओचिस मता. नना तान ऊळिस पका बामतन.

तोहचीतव पोल्‍लोङ 18:20

ए देवुळदीपतगा मनवालोरिर! देवुळता मन्कलोरिर! किर्स्तुनाङ बळयिरिर! देवुळता कबुरतोरिर! अद सहर मीक कोटुल पोस मताह्‌कु, मियेनाह्‌क देवुळि तान्क इंजेके सिक्सा ईता. अदिनेनाह्‌क गिर्दा आम्ह्‌टु!

तोहचीतव पोल्‍लोङ 18:24

इद बेरा सिक्सा नीवा पोग़ोन बाराह्‌क अरता इतेके, नियगा देवुळता कबुरतोरिन, पूरा बूमतगा देवुळता मन्कलोरिन, ओसो दुस्रोर मन्कलोरिन, नियग्डोर हव्कतोर इनजोरे,” इन्जि अद देवतुल इता.

तोहचीतव पोल्‍लोङ 19:20

आतस्के, पया पांड्रि कोडातगा उदतोग़ु अद रकसतुन पोयतोग़. जोल कबुर वेहतनद बूमतग्डा रकसतुन वने पोयतोग़. पोसि, रेंड आसि रकस्किनु, मळ्गनद किसबटटगा, जीवा अग़्केन वाटिसीतोग़. (बूमतग्डा रकस इतेके, मुनेता रकसता मुनेह, बामनाङ सीनाङ तोहन्दु; तोहचि मुनेता रकसता सीना रासतोरिनु, ताना बोमातुन मोळ्कतोरिनु, नाळेह कींदु.)

तोहचीतव पोल्‍लोङ 20:4

पया नना राजकुर्सिन ऊळतन. अविस्कना पोग़ोन बोर उदिस मतोर इतेके, बूमतगा मनदह्‌पा उच्वुर मन्कलोर अद रकसतुन, ताना बोमातुन, मोळ्कवोरु. ताना सीनातुन तमाङ तला-कपरानगा, कय्कनगा रासवोरु. ओर येसुना ओसो देवुळता पोल्‍लोता साक्सि ईताह्‌कु, विरुदतोर ओराङ तलान डायिस मतोर. अद्रम डोलतोर मन्कलोराङ जीवाङ, अव राजकुर्सिनगा उदिस मतदिन ऊळतन. देवुळि ओरिह्‌क नेयम कीयनद अदिकर ईता. ओर ओसोवने जीवा अर्सि, किर्स्तुना संगे अजर वर्साङ आनाह, राजेम ताकिह कीतोर.