तोहचीतव पोल्‍लोङ 12:9 - माडिया गोंड पवित्र सास्त्रम

⁹ पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.

तोहचीतव पोल्‍लोङ 12:9 Iomraidhean Croise

मत्याल 24:24

बाराह्‌क इतेके, नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बेराङ-बेराङ बामिह कीयनाङ सीनाङ तोहचि, देवुळ आचतोर लोकुरिन वने लेसिह कीयलाह ऊळनुर. मति ओर अह कीया पग़वोर आयनुर.

मत्याल 25:41

“पया दावळ बाजेतोर लाग्वोरिन नना इनदकन, ‘ए सरपते मनवालोरिर, नयग्डाहि पेसिस अन्ह्‌टु. देयह्‌किह्‌कु ओसो अविस्कना मुक्याह्‌कु तयर कीतदु, बेस्केन पिववद किसबटटगा अन्ह्‌टु.

मत्याल 4:1

अस्के देयह्‌कना मुक्यानेनाहि येसुना पट ऊळना गावले इन्जि, देवुळता जीवा ओनु पेळ्ह्‌कल बूमते ओसीता.

मत्याल 4:10

अस्के येसु तान इतोग़, “एय देयमतिन, निमा इग्डाहि विता, बाराह्‌क इतेके देवुळतुने मोळ्कना, तानाये माळना कीयना, इद्रम सास्त्रम वेहतह्‌ता.”

मत्याल 4:5

पया देयह्‌कना मुक्याल ओनु पवित्र सहरतगा (इतेके येरुसलेमतगा) ओसि मंदिरता कुपोटगा ओन निल्पिह कीस इता, “निमा देवुळता मग़नन इनजोर इह्‌निन इतेके, इळ्न डेया! नीक बाराय आयो आयग़ा, बाराह्‌क इतेके: नीक काप आडना इन्जि, देवुळि तनाङ देवतुल्किन लोहतग़ा. नीवाङ काल्क चेट पेह्‌चनायो इन्जि, अव नीकु पोग़ोन तमाङ कय्कने एतनुङ, इद्रम सास्त्रम वेहतह्‌ता,” इनजोर देयह्‌कना मुक्याल इता.

मत्याल 4:8

ताना पया देयह्‌कना मुक्याल येसुनु उंद पका बेरा मेटाकोकतगा ओता, ओसि ओन्कु दुनियाताङ सबे राजेह्‌क, ओसो अविस्कना सोबातुन तोहता.

लूकाल 10:18

इतस्के येसु इतोग़, “देयह्‌कना मुक्याल आरेम आसि, किस-उळ्मलेह्‌का पोग़ोटाह इळ्न अरतदिन नना ऊळतन.

लूकाल 13:16

इद आंचाळ अब्रहमना कूळता आंदु, तेन अट्रा वर्सानाह देयह्‌कना मुक्याल दोहच तासिस मता. बह पोल्वादियाते तेन दुकताहि सव्रे कीयनद आयोया?” इतोग़.

लूकाल 22:3

पया बारा बळयिरग्डाहि ओर्वोग़ यहुदा इस्केर्योत इनवानु, देयह्‌कना मुक्याल आव्रे कीता.

लूकाल 22:31

ओसो येसुसामि सिमोन पत्रुन इतोग़, “सिमोन! सिमोन! इके केंजा रा! वंजिनाङ पिंडयान अल्सतप लेह्‌का, देयह्‌कना मुक्याल मीक सबेटोरिन पट ऊळलाह, देवुळतुन ताल्ह्‌कता.

लूकाल 8:12

विजा अरतद अग़ि इहलेह्‌का आस्ता. देवुळता पोल्‍लोतुन बोराय केंजिह्‌तोर, अस्के ओर विस्वस कीसि, देवुळ ईयनद पिसमुळतुन दोर्किह केमाकिर इनजोर, ओरा जीवातगा वीततद विजातुन, देयह्‌कना मुक्याल वासि माग़्ङनाह कीस्ता.

योहन 12:31

दुनियातुन नेयम कीयनद वेला इदे मन्ह्‌ता. इदे वेला दुनियातुन राजेम कीयनदु (देयह्‌कना मुक्याल) आरेम आयग़ा.

योहन 14:30

इंजेटाहि नना मीवा संगे वेल्‍लाङ वळ्ह्‌कोन आयकन, बाराह्‌क इतेके दुनियातुन राजेम कीयनद वायलाह आता. वास तेला, नावा पोग़ोन ताना बातय अदिकर इले.

योहन 16:11

ओसो इद दुनियातुन राजेम कीयनदु, (देयह्‌कना मुक्याना, इतेके जोलहालोरा मुक्याना,) सिक्सा आतद मन्ह्‌ता इन्जि, पवित्र जीवा दुनियातोरा जोल नेयमता लोप्पा तप तोहतग़ा.

योहन 8:44

मीट देयह्‌कना मुक्यानाङे मग़्कनिर! अदिह्‌के तानाङे लाग्वाङ कबस्क मीट कीयलाह ऊळिह्‌निर. अद मुनेताहि मन्कन हव्के आंदु. ओसो तानगा बातय सेतेम इले, अदिह्‌क अद बेस्केन सेतेमतुन पोस मनो. ताना बुदिय जोल वळ्ह्‌कनद आंदु, बाराह्‌क इतेके अद जोलहाल ओसो जोलतुन पुटिह कीयनद आंदु.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

बळयिर 5:3

मति पत्रु ओन इतोग़, “अनन्या! देयमदीपता विचरतुन नीवा बुदतगा बाराह्‌क वाया ईतिन? जागातुन वमतव वळ्गा कोताङ मियेनाह्‌क तासतिन, वळ्गा कोताङ ततिन, (पूराय कोताङ ततप लेह्‌का, अविस्किन मयगा तचि ईतिन). इद्रम निमा देवुळता पवित्र जीवाता मुनेह जोल आतिन.

रोम सहरतोर 16:18

अद्रमतोर मावा सामि किर्स्तुना सेवा केवोर, मति तमाङे लालुस्क मतप कीसोर तिरियिह्‌तोर. मिङताङ-मिङताङ पोल्‍लोङ वेहचि, तेळियवोर लोकुरिन नाळेह कीसि, लेसिह कीस्तोर.

रोम सहरतोर 16:20

दीरा पोस मन्ह्‌टु, माक सुकम ईयनद देवुळि, चट्पिटे देयह्‌कना मुक्याना लावतुन बूळे कीस, तान मीवा काल इळ्न वाटग़ा. मावा येसुसामि किर्स्तुना देय्वा मियगा मनि,आमेन.

2 कुरिंततोर 11:14

इद बामनाह लेह्‌काडा पोल्‍लो आयो, बह इतेके देयह्‌कना मुक्याल वने, देवुळता दींचनद देवतुलता लेह्‌कान मारियिस, नाळेह कीस्ता.

2 कुरिंततोर 11:3

मति बेद्रम एदेन वाळुमते तरस वासि, मुनेता आंचाळ अवानु, तना सत्रल बुदते एग़्किह कीता, अद्रमलेह्‌कान बोराय वासि, मीक पवित्रते, उंद विचरते मन्जि, किर्स्तुन मोळ्कवाह लेसिह कीयनुर बहा इनजोर रेयतन.

2 कुरिंततोर 2:11

मापि केवेक अचोन, देयह्‌कना मुक्याल माक एग़्किह कीस्ता. बह इतेके ताना सत्रलतनमतुन माट पुतले.

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

इपिसुसतोर 4:14

अदिनेनाह्‌क वायनव दियाने, माटु उड्लोरा लेह्‌का मनवल. बोळ्से मन्कलोर तमा सत्रल बुदते, माक लेसिह कीयनदायो. ओर काग़्हतव दुस्राङ-दुस्राङ पोल्‍लोन केंजिसि, वळ्यु इके-अके तिर्हतनद ओडाता लेह्‌का माट आयनदायो.

2 तिसलुनितोर 2:3

इद्रम बेदाय रीतते, बोग़े मन्कनाङ पोल्‍लोने मीट लेसमाटु. मुने सबेटोर मन्कलोर देवुळता पोल्‍लोतुन केंजोम इनजोर, विरुद कीयनद कालम वायग़ा. पया देवुळताङ अडोन पास्कवाल मन्कल दिसनोग़. (ओना लाग्वा बुदि, ओन पूरा बूळेम आयनेकेन ओसीयग़ा.) ताना पयाये सामि वायनद दिया वायग़ा.

1 तिमोति 2:14

ओसो आदम कोनि नाळेम आयोग़, आंचाळ बारा नाळेम आसि कसुरतद आता.

2 तिमोति 3:13

मति लाग्वोर ओसो सोङ केवालोरु, दुस्रोरिन नाळेह कीसोर दास्तोर; ओसो दुस्रोर वने वेरिन नाळेह कीसोर दास्तोर; अद्रम वेर पका लाग्वोर आसोर दास्तोर.

इब्रितोर 2:14

(वेर पिलाङ-पेकोर इतेके माटे!) माट कय्क-काल्क मनवालोरल मताह्‌कु, येसु वने मावा लेह्‌का कय-कादोग़ आसि वातोग़. जीवात मनाह्‌जोम, मयगा हामुरता रेय मताह्‌कु, देयह्‌कना मुक्याना अदिकर मावा पोग़ोन मता. मति येसु तना हामुरता मेटे, ताना अदिकरतुन बूळे कीतोग़. कीसि माकु हामुरता रेयताहि विळ्सिह कीतोग़.

1 पत्रु 5:8

उसर आम्ह्‌टु! सीताते मन्ह्‌टु! मीवा अडम मनदनद देयह्‌कना मुक्याल, कह्‌चनद सिङपुललेह्‌का, बोन पोसि पिळ्ह-पळ्ह कीस तिनदकन इनजोरे तिरियिह्‌ता.

1 योहन 5:19

ताना कयदे इद पूरा लाग्वा दुनिया मन्ह्‌ता, मति माट इतेके देवुळता लोकुरल आंदल इनजोर, माट पुह्‌नल.

यहुदाल 1:9

मीकाय्ल इनदनद मोदुल देवतुल बार, (ओरा लेह्‌का वळ्ह्‌को). मोसा मुय्तोग़ डोलतस्के, ओना सेत्ताता लोप्पा, मीकाय्ल देवतुलि, देयह्‌कना मुक्याना संगे गिटोगटो आता. अस्के अदु, देयह्‌कना मुक्यान लेवाङ-मताङ वळ्ह्‌किसि कसुर ओपो; मति “सामि नीक तेर्हि,” इनजोर इता, अचोने.

तोहचीतव पोल्‍लोङ 12:12

अदिनेनाह्‌क ए देवुळदीपतगा मनवालोरिर! मीट गिर्दा आम्ह्‌टु! मति ए इळ्ता बूमतगा, ओसो सम्दुरतगा मनवालोरिर! मीक बेरा गोसा वायग़ा. देयह्‌कना मुक्याल इंजेके मियगा रेगता. इंजेक तना कबळ कीयलाह, एक्‍वा दियाङ इलेङ इनजोर अद पुता, पुताह्‌कु पका ओङ आता,” इनजोर अद लेङ इता.

तोहचीतव पोल्‍लोङ 12:3

पया ओसो उंद सीना देवुळदीपतगा दिसता. अद इद्रम मता: ऊळाट, उंद बेरा नेत्रल मासुंड तरस मता, तान्क एळुङ तलाङ, दहा कोह्‌क मताङ. ओसो एळुङ तलानगा, एळुङ राजटोपिङ केग़्स मता.

तोहचीतव पोल्‍लोङ 12:7

पया देवुळदीपतगा उंद लळय आता. मीकाय्ल इनदनद देवुळता देवतुलि तना तोळतव देवतुल्किन पोसि, ओसो मासुंडि तना तोळतविन पोसि, ईनाह-आनाह लळय आताङ.

तोहचीतव पोल्‍लोङ 12:8

मति मासुंडि गेल्स पग़वो. अदिनेनाह्‌क देवुळदीपतगा मनदलाह, तान्क जागा दोर्को.

तोहचीतव पोल्‍लोङ 13:14

मुनेता रकसता मुनेह सीना तोहतलाह, तान्क अदिकर दोर्किह्‌ता. अद सीना तोहचि, बूमतगा मनवालोर सबेटोर मन्कलोरिन, अद नाळेह कीस्ता. अद पयाडा रकस बूमतगा मनवालोरिन इद्रम इन्ह्‌ता: “तल्वर कसेग़ते नोमुर आसि, सव्रेम आतद रकसता बोमा पंडाटु,” इन्ह्‌ता.

तोहचीतव पोल्‍लोङ 16:14

अव देयह्‌किह्‌क बामिह कीयनव सीनाङ तोहतनद लाव मता. अव देयह्‌क लळयतेनाह्‌क, पूरा बूमतोर राजालोरिन जमा कीयलाह पेसताङ. बेरा लावता देवुळि पूरा बूमतोरिन नेयम कीयनद दियातस्के, अद लळय आयग़ा.

तोहचीतव पोल्‍लोङ 18:2

अद जोरते इद्रम केयता: “बेबिलोन सहरता लाग्वद साट्याल कबळता रिमाते, सबे जातिनोर कलियतोर. बूमतोर राजालोर ताना संगे साट्याल कबळ कीतोर. ताना बेह्‌रा मादग्डाहि, बूमतगा दंदा केवालोर मन्कलोर साव्कर आतोर. अदिह्‌क बूळेम आता, बूळेम आता, बेरा बेबिलोन सहर बूळेम आता! इंजेके अद सहर देयह्‌क मनदनद जागा आता. सबे देयह्‌क अगा मन्ह्‌ताङ. सबे पोलवव पिटेङ अगा गूडाङ पंडटाङ,” इता.

तोहचीतव पोल्‍लोङ 18:23

इंजेके ईकळ आयह्‌पा, चिमलिङ पोतिह कीयलाहि, मन्कलोर मनोर आयनुर. मर्मिना गिर्दाते एंदना-पाग़ना केंज वावो आयग़ा. नियगा दंदा केवालोर पूरा बूमतोरिह्‌क बेरोर मंदुर. नियग्डोर मन्कलोर तमाङ ओदेने, सबे जातिनोरिन लेसिह कींदुर.

तोहचीतव पोल्‍लोङ 19:20

आतस्के, पया पांड्रि कोडातगा उदतोग़ु अद रकसतुन पोयतोग़. जोल कबुर वेहतनद बूमतग्डा रकसतुन वने पोयतोग़. पोसि, रेंड आसि रकस्किनु, मळ्गनद किसबटटगा, जीवा अग़्केन वाटिसीतोग़. (बूमतग्डा रकस इतेके, मुनेता रकसता मुनेह, बामनाङ सीनाङ तोहन्दु; तोहचि मुनेता रकसता सीना रासतोरिनु, ताना बोमातुन मोळ्कतोरिनु, नाळेह कींदु.)

तोहचीतव पोल्‍लोङ 2:13

देयह्‌कना मुक्याल राजेम कीयनद जागातगा मीट मह्‌निर इनजोर, नना पुतन. मियग्डोग़ मन्कल अंतिपस इनवाल, नाक नमसोरे, नावा लोप्पा साक्सि ईसोर मतोग़. ईताह्‌कु, अग्डोर देयह्‌कना मुक्याल मनदनद, मीवा सहरतोर मन्कलोर ओन हव्कतोर. मीवा मन्कन हव्कतस्के वने, मीट नाक पोस विळ्सविर, नाक विस्वस कीयनदिन विळ्सविर इनजोर पुतन.

तोहचीतव पोल्‍लोङ 2:24

“मति तुवातिरा सहरतगा, अद आंचाना पोल्‍लोते ताकवोर मन्कलोरिर! देयमदीपताङ मकतव पोल्‍लोङ इनजोर वेहतह्‌तोर, अव पोल्‍लोन मीट पुनविर. मीवा पोग़ोन इतेके, एक्‍वा मोताताङ अडोन नना वाटोन.

तोहचीतव पोल्‍लोङ 2:9

नना मीवा तिपलतुन पुतन, मीट गरिबतोरिर इनजोर वने पुतन. मति मीट विस्वसता इसबते मता मन्कलोरिर आंदिर. मियगा उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ओसो ओर मीक पास्कनदिन वने पुतन.

तोहचीतव पोल्‍लोङ 20:10

ताना पया ओरिन नाळेह कीसोर मतद देयह्‌कना मुक्यानु, उंद देवतुलि मळ्गनद किसबटटगा वाटिसीयग़ा. अगाने अद रकसतुन, ओसो जोल कबुरतदिन, मुनेन वाटटद मन्ह्‌ता. अवु अगा नग़्का पिळ्‍विळ, पियल-पोळ्‍द, अमेसा-अमेसातुह्‌क किस मंटाते, सिक्सा आसोर मनदनुङ.

तोहचीतव पोल्‍लोङ 20:8

सिक्सा-बोंदाताहि पेसिसि, अद बूममेंड मनवालोर सबे जातिनोरिन, नाळेह कीयलाहि दायग़ा. ओर जातिनोरिन गोग ओसो मागोग इन्ह्‌तोर. देयह्‌कना मुक्याल ओरिन लळयतेनाह्‌क जमा कीयलाहि दायग़ा. ओर मन्कलोरु सम्दुरता उस्कोलेह्‌कान लेक पग़वप मनदनुर.

तोहचीतव पोल्‍लोङ 3:9

“केंजाट! उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ऊळाट, ओरिन नना मीवाङ काल्किन मोळ्कनाह कीकन. अस्के नना मीक जीवा कीतन इनजोर, ओर पुनदनुर.

तोहचीतव पोल्‍लोङ 9:1

अद्रमलेह्‌काने पया एयुङ मल्काता देवतुलि, तना अकुम ऊरता. ऊरतस्के, उंद उका पोग़ोटाहि बूमतगा अरतदिन ऊळतन. अद उकातुह्‌क, देयमदीपता सिक्सा-बोंदाता तालम कय ईतद मता.

तोहचीतव पोल्‍लोङ 9:20

इव मूंड आस पीळाने डोलवालेवा पिसतोर मन्कलोरु, इचोन तिपल आस तेला, तमाङ लाग्वाङ कबस्कनाहि मलवोर, देवुळताङ केंजोर. ओर देयह्‌किन ओसो बंगरते, वेंडिते, इतुळते, बंडाने, मराने पंडटव बोमान मोळ्कसोरेन अंदुर. अव बोमाङ इतेके, तोवया पग़वोङ, वेनदा पग़वोङ, ताक पग़वोङ.