तोहचीतव पोल्‍लोङ 12:12 - माडिया गोंड पवित्र सास्त्रम

¹² अदिनेनाह्‌क ए देवुळदीपतगा मनवालोरिर! मीट गिर्दा आम्ह्‌टु! मति ए इळ्ता बूमतगा, ओसो सम्दुरतगा मनवालोरिर! मीक बेरा गोसा वायग़ा. देयह्‌कना मुक्याल इंजेके मियगा रेगता. इंजेक तना कबळ कीयलाह, एक्‍वा दियाङ इलेङ इनजोर अद पुता, पुताह्‌कु पका ओङ आता,” इनजोर अद लेङ इता.

तोहचीतव पोल्‍लोङ 12:12 Iomraidhean Croise

लूकाल 15:10

नना मीक वेहतह्‌नन, अद्रमे पापमता अग़दाहि मलवाल ओर्वोग़ पापि मन्कनेनाह्‌कु, देवुळदीपतगा देवुळि, तनाङ देवतुल्कना संगे गिर्दा कीयग़ा,” इनजोर वेहतोग़.

लूकाल 2:14

“देवुळदीपतगा मनदनद देवुळतुह्‌क मान आयि. नेदगा तान्क विचर वातोर मन्कलोरिह्‌क सुकम आयि,” इनजोर इताङ.

इब्रितोर 10:37

देवुळता सास्त्रमतगा किर्स्तुना पोल्‍लो इद्रम रासिस मन्ह्‌ता: गळ्क मन्जि वावाल मन्कल निटम एवयनोग़, ओग़ आल्सेम केवोग़,

2 पत्रु 3:8

नावा गोततोरिर! उंद पोल्‍लोतुन मात्रम सीता कीम्ह्‌टु: देवुळतुह्‌क उंद दिया इतेके, अजर वर्साना लेह्‌कान; ओसो अजर वर्साङ उंद दियाता लेह्‌कान मन्ह्‌ताङ.

तोहचीतव पोल्‍लोङ 10:6

आहचि इद्रम ओतता: “एळुङ मल्काता देवतुलि तना अकुम ऊरनद दियाते, देवुळि तना इचानाह पुन्पिह केवद पोल्‍लोतुन, निटम आनाह कीयग़ा. इद दियाते अव पोल्‍लोङ निटम आयनुङ इनजोर, तना सेवा कीतोर कबुरतोरिन अद मुनेन वेहच मता. अद दिया एरेन एवता,” इता. इन्जि, पोग़ोटा बूमि ओसो अगा मनदनव, इळ्ता बूमि ओसो अगा मनदनव, सम्दुर ओसो तानगा मनदनव, इव सबेटविन पंडटद, अमेसा-अमेसातुह्‌क जीवात मनदनद देवुळता पेदिर पोस ओतता.

तोहचीतव पोल्‍लोङ 11:10

वेर इर्वुर हातोरु देवुळता कबुरतोरु, बूमतोर मन्कलोरिन पकाय तिपल कीस मतोर. अदिह्‌क वेर डोलतोर इनजोर, बूममेटोर गिर्दा आस्तोर. ओसो तमा सोमताहि, ओर्विह्‌क-ओर्वोग़ माल ईस्तोर.

तोहचीतव पोल्‍लोङ 11:14

केंजाट, दुस्रा गोसा मारता, मति ऊळाट! मुचाकेपाता गोसा चट्पिटे वायलाह आता.

तोहचीतव पोल्‍लोङ 12:9

पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.

तोहचीतव पोल्‍लोङ 13:6

पया अद रकस पकाय देवुळतुन पास्क बोटटा. अद ताना पेदिरतुन, ताना जागातुन (इतेके ताना संगे देवुळदीपतगा मनवालोरिन) पास्क बोटटा.

तोहचीतव पोल्‍लोङ 18:20

ए देवुळदीपतगा मनवालोरिर! देवुळता मन्कलोरिर! किर्स्तुनाङ बळयिरिर! देवुळता कबुरतोरिर! अद सहर मीक कोटुल पोस मताह्‌कु, मियेनाह्‌क देवुळि तान्क इंजेके सिक्सा ईता. अदिनेनाह्‌क गिर्दा आम्ह्‌टु!

तोहचीतव पोल्‍लोङ 8:13

अद्रमलेह्‌काने पया उंद गंदाल पिटे, पोग़ोटाहि पग़यिस वायनद ऊळतन. अद पका जोरते इद्रम इनदनद केंजतन: “इंजेके पिसतव मूंड देवतुल्कु, तमाङ अकुह्‌क ऊरना मन्ह्‌ता. अव अकुह्‌क नेकिह्‌पा, सबेटोर बूमतोरिह्‌क बेचोन गोसा, गोसा, गोसा!” इनजोर इनदनद केंजतन.

तोहचीतव पोल्‍लोङ 9:12

इद मुनेता पीळा मारता, मति केंजाट, ताना पया ओसो रेंड बेराङ पीळाङ वायना मन्ह्‌ताङ!