तोहचीतव पोल्‍लोङ 11:2 - माडिया गोंड पवित्र सास्त्रम

² मति मंदिरता रेसातुन, नाक पुनवोर लोकुरा कयदे ईतन. अदिनेनाह्‌क तान कहमा. ओर मन्कलोरु, मूंड वर्साङ आरुङ नेलाङ आनाह, नावा पवित्र येरुसलेम सहरतुन, तमा काल इळ्न तासनुर.

तोहचीतव पोल्‍लोङ 11:2 Iomraidhean Croise

मत्याल 4:5

पया देयह्‌कना मुक्याल ओनु पवित्र सहरतगा (इतेके येरुसलेमतगा) ओसि मंदिरता कुपोटगा ओन निल्पिह कीस इता, “निमा देवुळता मग़नन इनजोर इह्‌निन इतेके, इळ्न डेया! नीक बाराय आयो आयग़ा, बाराह्‌क इतेके: नीक काप आडना इन्जि, देवुळि तनाङ देवतुल्किन लोहतग़ा. नीवाङ काल्क चेट पेह्‌चनायो इन्जि, अव नीकु पोग़ोन तमाङ कय्कने एतनुङ, इद्रम सास्त्रम वेहतह्‌ता,” इनजोर देयह्‌कना मुक्याल इता.

मत्याल 5:13

“(इह केंजाट, मीटु ओवुर तिंडटगा वाटटाह्‌के मिटस आस्ता, ओसो अद अवो वने. अद्रमे) मीटे इद बूमता ओवुरलेह्‌का आंदिर. (दुनियातोरा लाग्वा बुद वीळनदायो इन्जि, मीट सेतेमताङ कबस्क कीम्ह्‌टु.) मति ओवुरता मिटस अतु बार इतेके, अद ओवुर मुनेतलेह्‌का ओसो आयग़ाया? पया अदिन पलते पोहचीतस्के, मन्कलोर काल्कने ओय्कना-विह्‌कना कीतस्के, ताना बातय कबळ अरवो.

लूकाल 21:24

उय्तुर मन्कलोर तल्वर्कने डोलनुर. उय्तुर मन्कलोरिन बार, दुस्राङ देसेह्‌कनगा दोहच ओयनुर. ओसि यहुदि आयवोरा कालम मारनाह्‌जोम, ओरु येरुसलेमतोरिन काल इळ्न तासनुर.

इब्रितोर 10:29

मोसानाङ अडोनु पास्कतेक, अद्रम आस्ता इतेके, देवुळता मग़िनु तना कादे विह्‌कतप लेह्‌का केवाल, पूना करलते माक पवित्र कीयनद किर्स्तुना नेतुरतुनकळ्‍वोग़ इनवाल, तन्क दया तोहतनद देवुळता जीवातुन उस्कना-पास्कना केवाल, इद्रमतोग़ मन्कह्‌क बेचोन सिक्सा दोर्कग़ा?(विचर कीस ऊळाट अले!)

तोहचीतव पोल्‍लोङ 11:11

मति मूंड दियाना वळ्गा आतापया, देवुळि लोहतद ऊकुरि डोलतोरगा ओळियिह्‌ता. ओळियतस्के, ओर तेदिस नितह्‌तोर. तेदिस नितस्के, ऊळवालोर पका रेयिह्‌तोर.

तोहचीतव पोल्‍लोङ 11:3

ओर अद्रम कीयनव दियाने, नावा साक्सि एवालोर इर्वुर मन्कलोरिह्‌क, नावा पोल्‍लो वेहतनद अदिकर ईकन. ओर पोता-गेंदेङ उहचि, उंद अजर रेंड नूह्‌क मूंड वीसाङ (1260) दियाङ एवनाह, नावा पोल्‍लोतुन पोकुर कीयनुर,” इन्जि सामिना उकुम नयगा वाता.

तोहचीतव पोल्‍लोङ 12:6

ओतस्के पया, अद आंचाळि पेळ्ह्‌कल बूमतगा वितता. अगा उंद अजर रेंड नूह्‌क मूंड वीसाङ (1260) दियाङ एवनाह, तान अय कीयलाह, देवुळि तानेनाह्‌क जागा तयर कीस मता.

तोहचीतव पोल्‍लोङ 21:10

अचोटेने देवुळता जीवाता दळ्म नयगा अर्सि, अद देवतुल नाक उंद बेरा मेटाकोकतगा ओता, ओसि नाक उंद लेका तोहता. अद लेकाते देवुळता सहर येरुसलेम, पोग़ोन देवुळदीपताहि रेगनदिन तोहता.

तोहचीतव पोल्‍लोङ 21:2

पया पोग़ोन देवुळदीपताहि, पूना येरुसलेम इनदनद देवुळता सहर, इळ्न रेगनदिन ऊळतन. मर्मपेकानेनाह्‌क मलयिह कीतद मर्मपिलाता लेह्‌कान, अद सहर पका सोबाता दिसता.

तोहचीतव पोल्‍लोङ 22:19

अद्रमलेह्‌काने बोग़ाय इद पुस्तकतगा रासतव पोल्‍लोनग्डाहि वळ्गा पोल्‍लोन तेंडटोग़ इतेके, इद पुस्तकतगा वेहतद (बर्कत ओन्क दोर्को आयग़ा. इतेके) देवुळि तना जीवा ईयनद मरातग्डाहि, ओना तूसतुन तेंडग़ा; अहे तना सहरतग्डाहि वने, ओना तूसतुन तेंडग़ा.