तोहचीतव पोल्‍लोङ 11:19 - माडिया गोंड पवित्र सास्त्रम

¹⁹ इतस्के अचोटेने देवुळदीपतगा मनदनद मंदिरता अग़ि पङ्ने आता. आतस्के, अगा देवुळि मन्कलोरिह्‌क करल कीस मतद पोल्‍लोतुन, तासिस मतद संदुकतुन नना ऊळतन. अस्के पका मिळ्स्कता, नेकता, गुळ्न्जता, बूम गल्जता, ओसो पकाय आदुर्क अरताङ.

तोहचीतव पोल्‍लोङ 11:19 Iomraidhean Croise

तोहचीतव पोल्‍लोङ 11:13

अचोटेने बूमि पकाय गल्जिह्‌ता. सहरता दहा चेकाना बूमताहि, उंद चेका सहर बल अरयह्‌ता. बूम गल्जतस्के, एळुङ अजर्क लोकुर डोलिह्‌तोर. पिसतोर लोकुर पकाय रेयिह्‌तोर. रेयिसि, पोग़ोटा देवुळतुन मान ईसि मोळ्किह्‌तोर.

तोहचीतव पोल्‍लोङ 11:15

पया एळुङ मल्काता देवतुलि अकुम ऊरता. अस्के देवुळदीपतगा वेल्‍लाङे लेङिङ जोरते पेसताङ. अव इद्रम इताङ, “दुनियाता राजेम पूरा मावा देवुळता, ओसो अद आचतोग़ पिसिह केवाल राजाना आता. इंजेके अद अमेसा-अमेसातुह्‌क राजेम ताकिह कीस्ता,” इनजोर इताङ.

तोहचीतव पोल्‍लोङ 12:1

अचोटेने पोग़ोटा बूमतगा बेरा सीना दिसता. अद इद्रम मता इतेके: उंद आंचाळ दिसता, अद आंचाळि पोळ्‍दतुन गेंदेता लेह्‌कान उहचि मता. ओसो नेलातुन विह्‌किस मता. अहे (महरानि केग़यना लेह्‌का,) तना तलातगा राजटोपि केग़्स मता. अद राजटोपतगा बारा उकाङ मताङ.

तोहचीतव पोल्‍लोङ 16:1

पया उंद लेङु मंदिरतग्डाहि, जोरते एळुङ देवतुल्किन इद्रम वेहतनद नना केंजतन: “अन्ह्‌ट! एळुङ कस्लानगा मनदनद, देवुळता ओङतुन बूमतगा वळ्सीम्ह्‌ट” इनजोर इता.

तोहचीतव पोल्‍लोङ 16:18

अचोटेने मिळ्स्कता, नेकता, गुळ्न्जता, बूमि पकाय गल्जता. मन्कलोर बूमतगा मनदलाह आतोर, अस्केडाहि इचोन पका बेस्केन गल्जवा मता.

तोहचीतव पोल्‍लोङ 16:21

ओसो पोग़ोटाहि रेंड वीसाङ किलोङ इचोटाङ आदुर बंडाङ मन्कलोरा पोग़ोन अरताङ. आदुर्कनेनाह मन्कलोर पकाय तिपल आतोर. अदिनेनाह्‌क आदुर्कना पीळातुह्‌कु, मन्कलोर देवुळतुन उस्कना-पास्कना कीतोर.

तोहचीतव पोल्‍लोङ 19:11

पया देवुळदीप पङ्ने आस मतद ऊळतन. अगा उंद पांड्रि कोडा मता. ताना पोग़ोन ओर्वोग़ उदिस मतोग़. ओना पेदिर बर्वस लायकतोग़, सेतेमतोग़. ओग़ सेतेमते नेयम कीसि, लळय कीस्तोग़.

तोहचीतव पोल्‍लोङ 4:1

इव पोल्‍लोङ आतापया, ऊळाट, पोग़ोन देवुळदीपतगा अग़ तेग़यिस मतदिन, नना योहननन ऊळतन. मुने बेरा अकुम नेकतप लेह्‌का, नावा संगे वळ्ह्‌कतद लेङु, इंजेके नाक इद्रम इता: “इगा पोग़ोन देवुळदीपतगा वय. इंजेक मुनेह आयनव पोल्‍लोन, नीक तोहतह्‌नन,” इता.

तोहचीतव पोल्‍लोङ 4:5

अद राजकुर्सतगा मिळ्स्कसोर, गुळ्न्जसोर मंदु. ओसो राजकुर्सता मुनेह, एळुङ चिमलिङ पोतसोर मताङ. अव चिमलिङ देवुळतग्डाङ एळुङ जीवाङ आंदुङ.

तोहचीतव पोल्‍लोङ 7:15

अदिनेनाह्‌क वेर इंजेके देवुळता राजकुर्सता मुनेह निच मन्ह्‌तोर. ताना मंदिरतगा मन्जि, नग़्का पिळ्‍विळ पियल-पोळ्‍द तान माळिह्‌तोर. राजकुर्सतगा उदतदु, वेरा नडुम जागा आसि, वेरिन राका कीयग़ा.

तोहचीतव पोल्‍लोङ 8:5

ताना पया अद देवतुल बह कीता, दूपम बोळ्सनद मेजाताङ किसतळ्मिन, तना दूपम उर्न्जनद कस्लातगा निहता. निहचि, अविस्किन इळ्ता बूमतगा अर्हचीता. ईतस्के पया, पकाय गुळ्न्जना, नेकना, मिळ्स्कना, बूम गल्जना इद्रम इळ्ता बूमतगा दिसता.

तोहचीतव पोल्‍लोङ 8:7

मुनेता देवतुलि तना अकुमतुन ऊरता, ऊरतस्के आदुर्कु ओसो किसु, नेतुरता संगे कलियिस, बूमतगा अरताङ. अरतस्के, बूमताङ मूंड चेकानाहि, उंद चेका बूमि कर्वता. ओसो मूंड चेकानाहि उंद चेकाताङ मराङ कर्वताङ. अहे सबे पह्‌ना रोंडा कर्विस नेग़ आता.