तोहचीतव पोल्‍लोङ 11:18 - माडिया गोंड पवित्र सास्त्रम

¹⁸ नीक माळवोर ओङ आस मतोर, मति इंजेके निमा ओङ आसि. हातोरा नेयम कीयनद कगो एवता. नीवा कबुर वेहवालोर सेवातोरिह्‌क, नीवा पवित्र लोकुरिह्‌क, नीक रेयिस ताकवालोर उड्लोर-बेरोरिह्‌क, इनम ईयनद कगो एवता. ओसो बूमतुन बूळे कीतोरिनु, बूळे कीयनद कगो एवता,” इनजोर इतोर.

तोहचीतव पोल्‍लोङ 11:18 Iomraidhean Croise

मत्याल 5:12

अवटे मीट गिर्दाते एंदना-पाग़ना कीम्ह्‌टु, बाराह्‌क इतेके देवुळदीपते देवुळि मीकु बेरा इनम ईयग़ा. मीवा मुनेतोर देवुळता कबुर वेहवालोर पेदल्किह्‌कु अद्रमलेह्‌काने विरुद वाता, ओरा पोग़ोन वने देवुळि गिर्दा आंदु.

लूकाल 1:50

बोर देवुळतुन रेयिस ताकिह्‌तोर, ओरा पोग़ोन ताना दया अमेसा मन्ह्‌ता.

इब्रितोर 9:27

सबेटोर मन्कलोर उंदिय मल्का डोलनदु; ताना पेग़्के देवुळि ओरा नेयम कीयग़ा.

तोहचीतव पोल्‍लोङ 11:2

मति मंदिरता रेसातुन, नाक पुनवोर लोकुरा कयदे ईतन. अदिनेनाह्‌क तान कहमा. ओर मन्कलोरु, मूंड वर्साङ आरुङ नेलाङ आनाह, नावा पवित्र येरुसलेम सहरतुन, तमा काल इळ्न तासनुर.

तोहचीतव पोल्‍लोङ 13:10

बोरिन-बोरिन जेलते मनदलाह देवुळि तासता, ओरिन जेलते ओयनुर. बोरिन-बोरिन तल्वरते डोललाह देवुळि तासता, ओरिन तल्वरते कोटनुर. इवटेने देवुळता मन्कलोर तिपल्किन आपसोर मनदनद, ओसो विस्वसतुन विळ्सवा मनदनद दिसिह्‌ता.

तोहचीतव पोल्‍लोङ 13:16

ओसो अद दुस्रा रकस बह कीस्ता इतेके, बूमतोर सबेटोर उड्लोर-बेरोर, मतोर-लेवोर, माल्कालोर-ओर्युलतोर, वेर सबेटोर तमा तिनळ कयदगा, इलवेके तमा तला-कपरातगा सीना रासनाह कीस्ता.

तोहचीतव पोल्‍लोङ 14:10

ओर देवुळतग्डाङ देवतुल्कना मुनेह, गोरेपिलाता मुनेह, किसतगा ओसो किसतळ्मिनगा पकाय तिपल आयनुर. देवुळि तना पूरा मळ्गनद ओङतुन, इचुन तेला तक्‍वा केवालेवा, ओरा पोग़ोन अर्हचीयग़ा.

तोहचीतव पोल्‍लोङ 15:1

पया देवुळदीपतगा ओसो उंद सीना ऊळतन. अद बेरा, बामनाह लेह्‌काडा सीना मता. अद इद्रमि: एळुङ बेराङ पीळान पोसि, एळुङ देवतुल्क देवुळदीपतगा मताङ. इव आक्रिताङ पीळाङ आंदुङ; इव पीळाङ आतापया, देवुळता ओङ रेगग़ा.

तोहचीतव पोल्‍लोङ 15:7

पया नालुङ दिंचिनग्डाह उंद बह कीता इतेके, अव एळुङ देवतुल्किह्‌क, बंगरताङ एळुङ कस्लाङ ईता. अव कस्लाङ अमेसा-अमेसा जीवात मनदनद देवुळता ओङते निंदिस मताङ.

तोहचीतव पोल्‍लोङ 18:6

अद दुस्रोरिह्‌क लाग्वाङ कबस्क कीतप लेह्‌का, तान्क अहे कीम्ह्‌टु. आयो, तान्कु रेंड पटिङ बद्ला ईम्ह्‌टु. अद दुस्रोरिह्‌क ईतद बेचोन एर्स मंदु, तान्काय रेंड पटिङ एक्‍वा एरतदिन, ताना कस्लातगा वळ्सीम्ह्‌ट.

तोहचीतव पोल्‍लोङ 19:15

तना विरुदताङ जातिनोर सबेटोरिन कोटलाहि, ओना तोडटाहि ओळतद तल्वर कसेग़ पेसिस मंदु. ओग़ तना राजडुडि पोसि, ओरा पोग़ोन राजेम कीयनोग़. ओरिन बेरा डीसाता देवुळता ओङता बोंदातगा वाटिसीयनोग़; अगा ओरिन अंगुर जोमा पेग़तपु, ओग़ ओरिन तनाङ काल्कने विह्‌कनोग़.

तोहचीतव पोल्‍लोङ 19:18

राजालोर, साय्बालोर, सीपय्कु, कोडाङ ओसो अविस्कना पोग़ोन उदिस पूंडवालोर, ओर्युलतोर, ओर्युल आयवोर, साव्कर्क, उड्लोर, बेरोर, सबेटोर मन्कलोराङ अविङ तिनदकिर,” इनजोर इता.

तोहचीतव पोल्‍लोङ 19:5

अस्के राजकुर्सतग्डाहि उंद लेङ इद्रम इता: “ए देवुळतुन माळवालोरिर! तान्क रेयवालोर उड्लोरिर, बेरोरिर! मावा देवुळतुन जोहर कीम्ह्‌टु,” इनजोर इता.

तोहचीतव पोल्‍लोङ 20:12

ताना पया हातोर मन्कलोर उड्लोर, बेरोर सबेटोर, देवुळता राजकुर्सता मुनेह नितद ऊळतन. देवतुल्क पुस्तकिन तेग़यताङ. अव पुस्तकिनगा रासतपु, हातोर मन्कलोर तमा जीवात मनदह्‌पा, कीतव कबस्कना इसबते, देवुळि ओरिन नेयम कीता. पया ओसो उंद पुस्तकतुन तेग़यताङ. अद पुस्तकतगा, अमेसातुह्‌क पिसवालोराङ पेदिर्क रासिस मताङ.

तोहचीतव पोल्‍लोङ 20:15

देवुळता संगे अमेसातुह्‌क पिसवालोरा पुस्तकतगा, बोराङ पेदिर्क रासतव इलेङ, ओर कतमतोरिन देवुळि मळ्गनद किसबटटगा वाटिसीता.

तोहचीतव पोल्‍लोङ 22:12

“(येसु नावा मेटे वळ्ह्‌कलाह आतोग़,) ‘ऊळाट! नना जल्दि वायकन. ओर्वोग़-ओर्वोग़ मन्कल, तनाङ कीतव कबस्कना इसबते, ओन्क बूति ईयलाहि वायकन.