तोहचीतव पोल्‍लोङ 10:6 - माडिया गोंड पवित्र सास्त्रम

^6-7 आहचि इद्रम ओतता: “एळुङ मल्काता देवतुलि तना अकुम ऊरनद दियाते, देवुळि तना इचानाह पुन्पिह केवद पोल्‍लोतुन, निटम आनाह कीयग़ा. इद दियाते अव पोल्‍लोङ निटम आयनुङ इनजोर, तना सेवा कीतोर कबुरतोरिन अद मुनेन वेहच मता. अद दिया एरेन एवता,” इता. इन्जि, पोग़ोटा बूमि ओसो अगा मनदनव, इळ्ता बूमि ओसो अगा मनदनव, सम्दुर ओसो तानगा मनदनव, इव सबेटविन पंडटद, अमेसा-अमेसातुह्‌क जीवात मनदनद देवुळता पेदिर पोस ओतता.

तोहचीतव पोल्‍लोङ 10:6 Iomraidhean Croise

तोहचीतव पोल्‍लोङ 1:18

ओसो जीवात मनवानन. नना डोलिस मतन, मति ऊळा! इंजेके अमेसा-अमेसातुह्‌क जीवात मह्‌नन. हानादीपताङ तालम कय्कु नयगाने मन्ह्‌ताङ, (ताना अग़दुन तेग़यिसि,) हातोरिन तेग़्किह कीयनद अदिकर नयगान मन्ह्‌ता.

तोहचीतव पोल्‍लोङ 12:12

अदिनेनाह्‌क ए देवुळदीपतगा मनवालोरिर! मीट गिर्दा आम्ह्‌टु! मति ए इळ्ता बूमतगा, ओसो सम्दुरतगा मनवालोरिर! मीक बेरा गोसा वायग़ा. देयह्‌कना मुक्याल इंजेके मियगा रेगता. इंजेक तना कबळ कीयलाह, एक्‍वा दियाङ इलेङ इनजोर अद पुता, पुताह्‌कु पका ओङ आता,” इनजोर अद लेङ इता.

तोहचीतव पोल्‍लोङ 16:17

पया एळुङ मल्काता देवतुलि, तना कस्लातुन मोयुदगा वळता. वळतस्के, रावुळतग्डा देवुळता राजकुर्सताहि, उंद लेङ जोरते इद्रम पेसता: “इंजेके मारता!” इनजोर इता.

तोहचीतव पोल्‍लोङ 21:6

ओसोवने इता, “सबे पोल्‍लोङ इंजेके करल आताङ. सबेटविना मोदुल वने ननाये. सबेटविना कोड वने ननाये. सबेटविन सुरु केवानन वने ननाये, सबेटविन मारिह केवानन वने ननाये. एग़ उनडा वसतोरिह्‌क पुनेमते एग़ ईकन. अद एग़ु पिसमुळ ईयनद एताङ कनिर्कनाहि पेसिह्‌ता.

तोहचीतव पोल्‍लोङ 4:10

वेर वीसा नालवुर पेदल्क वने, राजकुर्सतगा उदतदिनाङ काल्क अर्सि, अमेसा-अमेसातुह्‌क जीवात मनदनदिन मोळ्किह्‌तोर. ओसो तमाङ राजटोपिन, राजकुर्सता मुनेह तासिसि, इद्रम इन्ह्‌तोर:

तोहचीतव पोल्‍लोङ 4:11

“ए मावा सामिनिन, मावा देवुळतिन! निमान सबेटविन पुटिह कीतिन. अव नीवाय विचरते मन्ह्‌ताङ. नीवाय विचरते अव पुटटाङ. अदिनेनाह्‌क निमान डीसाता, मानता, बेरा लावता लायकतोनिन आंदिन,” इनजोर इन्ह्‌तोर.

तोहचीतव पोल्‍लोङ 4:9

अव जीवात मनदनव दिंचिङ राजकुर्सतगा उदतदिन, अमेसा-अमेसातुह्‌क जीवात मनदनदिन, कदर, मान, जोहर आयि इनदह्‌पा,

तोहचीतव पोल्‍लोङ 6:11

अस्के अव उंद-उंदतुह्‌क, पांड्रि गेंदे केग़यलाह दोर्कता. पया देवुळि अविस्किन इता, “मीवा ऐंगेटोर विस्वसिर बूमतगा नाक माळिह्‌तोर. ओरिन वने मीक हव्कतप लेह्‌कान, हव्कना मन्ह्‌ता. बेच्वुर डोलना इनजोर नना विचर कीस तासतन, अच्वुर डोलनाह, मीट वने गळ्क केपिस मन्ह्‌टु,” इनजोर इता.