13 बह आता इतेके, नना किर्स्तुना सेवातेनाह्के जेलते मह्नन इनजोर, बेरोग़ राजानाङ सबेटोर पह्रातोर, ओसो इग्डोर सबेटोर लोकुर पुतोर.
इतस्के पोलु इतोग़, “गळ्किह्क आयि, वेल्लाय जोमतुह्क आयि, सिरप निमान आयो, इंजेके इगा नावा पोल्लोतुन केंजतोर सबेटोरु, इव गोल्स्कने दोहवप मन्जि, नावा लेह्का येसु किर्स्तुना विस्वसिर आयिर इनजोर, देवुळतुन अर्जि कीय्ह्नन,” इतोग़.
तेदिस अग्डाह अबर अन्जि, तमतमा इद्रम वळ्ह्कलाह आतोर, “वेन हव्कना इलवेक जेलते वाटना लायकता, बाताले वेग़ कसुर केवोग़,” इतोर.
मूंड दियाना पया बाताल आता इतेके, पोलु अग्डोर यहुदि मोदुल मन्कलोरिन तनगा केयतोग़, केयिसि इद्रम इतोग़, “मावोरिर, नना मावा यहुदि मन्कलोरिन बाताले केवोन. ओसो मावाङ तादोर-बाबोर वेहताङ अडोन वने देहोन. तेला मति येरुसलेमतगा वेल्लाटोर यहुदिर नाक पोसि, रोमि सीपय्कना कयदगा ईतोर.
मावा इस्रयेल मन्कलोर बोन आसा कीसोर मतोर, ओनाये सेवा कीयनेनाह्क, नाक इव गोल्स्कने दोहतोर. इदिनेनाह्के इव पोल्लोन मीवा संगे कलियिस वेहतलाह, मीक कबुर लोहच मतन,” इनजोर पोलु इतोग़.
अद्रमे पया पोलु रोम सहरते पूरा रेंड वर्साङ किरयता लोतगा मनेके, ओना लोन बोर बोर कलियलाह वांदुर, ओरिन लोप्पा ओसि, बेस गूनमते ऊळिंदोग़.
इव सबे पोल्लोन सीता कीसि, नना पोलुनन (मियेनाह्क पार्तना कीय्ह्नन) ... नना मीट यहुदि आयवोरगा, किर्स्तु येसुना कबळ कीताह्के, जेलते मह्नन.
इव सबे पोल्लोनेनाह्कु, देवुळि मीक तना मन्कलोर आयना इन्जि केयता, तेन सीता कीसि, तान्क विचर वातपु ताकाटु. मीट इद्रम ताकना इन्जि, नना सामिनेनाह्क जेलते मनवानन, मीवाङ काल्काय अरयह्नन.
किर्स्तुनेनाह्क इंजेके माट ऐंगे लळेम आयलाह आतल. मुने वने नना इद्रम तिपल आयनदिन ऊळतिर. इंजेक वने नना बेद्रम तिपलते मह्नन इनजोर, केंजलाह आतिर.
मीट सबेटोरिन इद्रम सीता कीयनद नाक बेस ओप्पिह्ता. बह इतेके नना इगा जेलते मनदह्पा, मीट सबेटोरिर नावा तोळ आतिर. ओसो किर्स्तुना विरुदतोरिन पोल्लो मल्हचि, ओना बेसता कबुर सेतेम मन्ह्ता इनजोर करल कीयनद, इद नावा कबळते वने, मीट तोळ आतिर. अदिनेनाह्क मीक नना जीवा कीय्ह्नन.
इग्डोर सबेटोर देवुळता मन्कलोर, मीक जय येसु वेहतलाह आतोर — कासा इतेके बेरोग़ राजाना राजमिदेतगा सेवा केवालोर विस्वसिर.
इदे बेसता कबुरतुन पोकुर कीयनाह्क, नना तिपल आयलाह आतन; लाग्वोग़ मन्कन दोहतप लेह्कान, नाक दोहचि जेलते वाटटोर. मति देवुळता पोल्लोतुन इतेके, बोग़े दोहच तास पग़वोग़.