पिलेमोन 1:4 - माडिया गोंड पवित्र सास्त्रम

^4-5 पिलेमोन तमो! निमा येसु किर्स्तुन विस्वस कीतदिन, सबेटोर देवुळता मन्कलोरिन जीवा कीयनदिन केंजतन. अदिनेनाह्‌क बेस्के नियेनाह्‌क पार्तना कीय्ह्‌नन, अस्के नीक सीता कीस, नियेनाह्‌क देवुळतुन जोहर कीय्ह्‌नन.

पिलेमोन 1:4 Iomraidhean Croise

रोम सहरतोर 1:8

नना इद वेहतलाह आतन: मीट येसुन विस्वस कीतद पोल्‍लोतुन, पूरा दुनियामेटोर लोकुर केंजतोर. अदिह्‌क मीट येसु किर्स्तुना लोकुर आतिर इनजोरे, मावा देवुळतुन जोहर कीय्ह्‌नन.

इपिसुसतोर 1:16

नना पार्तना कीयह्‌पा, मियेनाह्‌क ऊक-ऊके पार्तना कीसोर मह्‌नन. ओसो देवुळतुन जोहर कीसोर मह्‌नन.

पिलिपितोर 1:3

मीट बेसता कबुरतुन केंजिसि विस्वस कीतिर, अस्केडाह इतेके, इंजेक एवनाह, तान पोकुर कीयनद कबळते, मीट नाक तोळ ईसोर वायलाह आतिर. अदिह्‌क बेस्के मीक सीता कीय्ह्‌नन, अस्के मावा देवुळतुन जोहर कीय्ह्‌नन. ओसो मीट सबेटोरेनाह्‌क नना अमेसा देवुळतुन पका गिर्दाते पार्तना कीय्ह्‌नन.

कुलुसितोर 1:3

देवुळता बेसता कबुरि, सेतेमता पोल्‍लो आंदु. अद पोल्‍लोतुन मीट मुने केंजतिर, केंजताह्‌कु पोग़ोन देवुळदीपतगा जागा दोर्कनद आसा मियगा पुटटा. अद आसातेनाह्‌कु, येसु किर्स्तुन विस्वस कीसोरेन मह्‌निर, ओसो देवुळता सबेटोर लोकुरिन जीवा कीय्ह्‌निर. अदिनेनाह्‌क माट मियेनाह्‌क ऊक-ऊके पार्तना कीय्ह्‌नोम अस्के, मावा येसुसामि किर्स्तुना बाबाल देवुळतुन अमेसा जोहर कीय्ह्‌नोम.

1 तिसलुनितोर 1:2

मीट येसु किर्स्तुन विस्वस कीताह्‌कु, बाताल बाताल कबळ कीतिर, ओसो दुस्रोर विस्वसिरिन जीवा कीताह्‌कु, ओरा संगे बह कह्‌टेम कीतिर, अहे ओसो मावा येसुसामि किर्स्तुना पोग़ोन बह मेग़्किस आसा तासतिर इनजोर, मावा देवुळबाबाना मुनेह सीता कीसोर मह्‌नोम. ओसो मियेनाह्‌क पार्तना कीयह्‌पा, मीट सबेटोरेनाह्‌क अमेसा देवुळतुन जोहर कीय्ह्‌नोम.

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

2 तिमोति 1:3

नना देवुळता मुनेह आयि, लोकुरा मुनेह आयि, अमेसा जीवाताहि कसुरलेवप मन्जि, देवुळतुन माळलाह ऊळिह्‌नन. मावाङ तादोर-बाबोर वने, अद्रमलेह्‌काने देवुळतुन माळतोर. ओसो नीक सीता कीयह्‌पा, देवुळतुन नना जोहर कीय्ह्‌नन. नग़्का पिळ्‍विळ पियल-पोळ्‍द पार्तना कीयह्‌पा, माग़्ङवालेवा नीक सीता कीय्ह्‌नन, तिमोति.