मार्कल 9:12 - माडिया गोंड पवित्र सास्त्रम

¹² येसु ओरिन इतोग़, “देवुळ लोहवाल पिसिह केवाल वायनामुने, एलियाल वासि सबेटविन बेस ओप्पे कीयलाह वास्तोग़ निटमे! अद्रम आस पया, ‘माने-मन्कना नडुम पुटटोनु लोकुर पास्कनुर, ओन्कु पका तिपल एताय पोयग़ा,’ इनजोर वने रासतद मन्ह्‌ता, इद बेद्रमि?

मार्कल 9:12 Iomraidhean Croise

मत्याल 16:21

अस्केडाहि येसु तनाङ कग़यवालोरिह्‌कु वेहता बोटटोग़, “नाकु येरुसलेम सहरते दायाय पोयह्‌ता. अग्डोर पेदल्कु, पेर्मालोर, सास्त्रमगूरुर, नाकु वेल्‍लाय तिपल कीयनुर, हव्कनुर, ताना पया मूंड दियाने नना तेग़्ककन, इव करलि, अद्रम आयनुङे!” इन्ज वेहतोग़.

मत्याल 26:24

सास्त्रमते रासिस मतपु, माने-मन्कना नडुम पुटटोनन, नना इद दुनियाताहि पेसिस दाकन, निटमे! मति बोग़ नाक पोसीस्तोग़, ओना बेचोटा गोसा आयग़ा! ओग़ मन्कल पुटवेकेन बेस आस मनालि,” इतोग़.

मार्कल 10:33

येसु ओरिन इतोग़, “केंजाटु, माट येरुसलेम दाय्ह्‌नल, अगा अतापया नना माने-मन्कना नडुम पुटटोनन मन्ज तेला, नाक लोकुर पेर्मालोरा ओसो सास्त्रमगूरुरा कयदे पोस ईयनुर. नाक पया वेर पेर्मालोर ओसो सास्त्रमगूरुर हव्कनद सिक्सा कीयलाह वेहचि, देवुळतुन पुनवोर रोम सर्करतोरा कयदे ओसीयनुर.

मार्कल 9:13

मति नना मीक वेहतह्‌नन, एलियाल इतेके वातोग़े, तेला मति सास्त्रमतगा ओना लोप्पा रासतप लेह्‌कान, तम्क बह विचर वाता, अहे लोकुर ओनु तिपल कीतोर,” इनजोर इतोग़.

लूकाल 1:76

ए नावा पेकानिन! नीक इंजेके बेरा डीसाता देवुळता कबुरतोग़ इनदनुर. बाराह्‌क इतेके, मावा देवुळि पका जीवा लोपिसि, तना लोकुरा पापमतुन मापि कीस पिसिह कीयग़ा इनजोरे, निमा सामिना अग़दुन मुनेह-मुनेह तीर्ह्‌कसोर दाकिन. पंङवियतस्के ईकळ मायिह्‌ता, अद्रमलेह्‌का माट पापमता ईकळते ताकवालोरगा, हामुरतुह्‌क रेयवालोरगा देवुळ लोहवाल पिसिह केवाना वेह्‌च दींचग़ा, ओग़ माक देवुळता संगे गूनम आनाह कीयनोग़.” इनजोर जकरिया मुय्तोग़ इतोग़.

लूकाल 23:11

पया एरोद अंतिपस वने तनाङ सीपय्कना संगे, येसुन पास्किस कवतोग़. ओन राजान कीतपु, मिळ्स्कनद जगा केग़्‍पिह कीसि, पिलाति गुमसिनेकेन मल्हच ओया वेहतोग़.

लूकाल 23:39

येसुना संगे मोल्‍लाङ कोटिस वेळ्हच मतोरग्डाह, ओर्वोग़ डाकु वने, “निमा देवुळ लोहतोग़ पिसिह केवाल किर्स्तुनिन इतेके, नीक ओसो माक वने पिसिह कीम,” इनजोर येसुन पास्कतोग़.

बळयिर 1:6

पया येसुनाङ बळयिर ओनगा (जय्तुन इनदनद मेटातगा जमा आसि,) इद्रम ताल्ह्‌कतोर, “सामि! बह निमा इदे तूकने (रोम राजेमतुनआरे कीसि,) मावा इस्रयेल जाततोर लोकुरिह्‌कु, मावा राजेमतुन मल्स निल्पिह कीकिना?” इनजोर इतोर.

बळयिर 4:11

‘बेद बंडातुन मुने बेल्दर्कु पोहचीतुर, अदे बंडा इंजेके आदरता मूला बंडा आता’ इन्जि, देवुळताङ पाटानगा वेहतद मन्ह्‌ता. अद बंडा इतेके येसुये, बेल्दर्क इतेके मीटे, ओन पोहचीतप ऊळतोरिर.