मार्कल 5:7 - माडिया गोंड पवित्र सास्त्रम

^7-8 पया येसु ओग़ मन्कन पोयतद देयमतुन “वेग़ मन्कनग्डाह पेसिस अन!” इनजोर इतोग़. अस्के “एय येसु, सबेट्क बेरा देवुळता मग़निन, निमा नाक बाराह्‌क अडम आय्ह्‌निन? निमा नाक सिक्सा एवोन इनजोर, देवुळता मुनेह किरिया कीम!” इनजोर देयम पोयतोग़ इतोग़.

मार्कल 5:7 Iomraidhean Croise

मत्याल 16:16

अस्के सिमोन पत्रु इतोग़, “सामि, निमा इतेके जीवात मनदनद देवुळता मग़निन, अहे अद लोहतोग़ पिसिह केवानिन किर्स्तुनिन,” इह इतोग़.

मत्याल 26:63

मति येसु बुस पोल्‍लो वन वळ्ह्‌कोग़. पया मोदुल पेर्माल ओन इतोग़, “जीवात मनदनद देवुळता किरिया पोय्‍पिह कीस नीक ताल्ह्‌किह्‌नन, निमा देवुळता मग़ि किर्स्तुनिन मतेके, माक वेहा!”

मत्याल 4:3

अस्के देयह्‌कना मुक्याल येसुना पट ऊळलाह, ओना एरे वास इता, “निमा देवुळता मग़निन मनाह्‌कु, इव बंडानु आरिङ मारियिह कीम,” इता.

मत्याल 8:29

येसुन ऊळिसि, वेर पकाय जोरते केयतोर, “एय देवुळता मग़निन, निमा बार्किया माक अडम आय्ह्‌निन? नेयम कीयनद कगो एवयनामुनेन, निमा माक सिक्सा ईयलाह वातिना?

मार्कल 1:24

अद देयम जोरते केयिस इद्रम इता, “ए नासरेत नाटेनोग़ येसुनिन, मावा संगे नीवा बाताल कबळि? निमा बह माक बूळे कीयलाह वातिना? निमा बोनिन इनजोर पुनोना? निमा देवुळ लोहतोग़ पवित्र मन्कनिन आंदिन!” इता.

मार्कल 14:61

मति येसु उंदाय पोल्‍लो वळ्ह्‌कवा, केमेन मतोग़. पया ओसो मोदुल पेर्माल इद्रम ताल्ह्‌कतोग़, “निमा देवुळता मग़ि किर्स्तुनिना?” इतोग़.

मार्कल 3:11

देयह्‌क पोयतोर वने, लोकुरा नडुम मतोर. अव देयह्‌क येसुन ऊळतेक अचोन, ओना मुनेह अर्सि, “निमा देवुळता मग़निन!” इनजोर, जोरते केयिंदुङ.

मार्कल 5:6

पया ओग़ येसुन जेकनाहिये ऊळिसि, वित वातोग़. वासि येसुनाङ काल्क अरतोग़.

लूकाल 1:32

ओन सबेटोर बेरा डीसाता देवुळता मग़ि इनदनुर, अचोन ओग़ बेरोग़ मन्कल आयनोग़. ओना कूळता मुनेतोग़ पेदामुय्तोग़ दाविद राजाना लेह्‌का, देवुळि ओन वने राजाल कीयग़ा.

लूकाल 4:34

“ए नासरेत नाटेनोग़ येसुनिन! मावा संगे नीवा बाताल कबळि? बह माक देयह्‌किन बूळे कीयलाह वातिना? निमा बोनिन इनजोर पुनोना? निमा देवुळ लोहतोग़ पवित्र मन्कनिन आंदिन!” इता.

लूकाल 6:35

अद्रम केवा, मीवा विरुदतोरिन वने जीवा कीम्ह्‌टु, ओरिह्‌क बेसताङ कबस्क कीसीम्ह्‌टु. ओसो मल्स दोर्कग़ा इनजोर, सीता केवालेवा करा ईम्ह्‌टु. अस्के देवुळि मीकु बेरा इनम ईयग़ा, मीटु सबेट्काय बेरा देवुळताङ मग़्क-मयास्‍क आयकिर. बाराह्‌क इतेके देवुळता सीता केवोरा ओसो लाग्वोरा पोग़ोन वने, देवुळि गूनम तोहतह्‌ता.

लूकाल 8:28

अद देयमि ओग़ मन्कन ऊक-ऊके पोय्न्दु. इद्रम पोयतस्के, लोकुर ओनाङ कय्किन-काल्किन गोल्स्कने दोहचि पह्‌रा मंदुर. मति ओग़ ऊक-ऊके गोल्स्किन देहन्दोग़, अस्के देयम ओन बोरे लेवा जागातेके पोस वितिंदु. पया येसु, अद देयमतुन ओनग्डाहि पेसिस दायलाह उकुम ईतोग़, अस्के ओग़ येसुना कालगडेम अर्सि “एय सबेट्क बेरा देवुळता मग़ि येसुनिन, निमा नाक बार्किया अडम आय्ह्‌निन? नना नीक अर्जि कीय्ह्‌नन, नाकु सिक्सा एमा,” इनजोर जोरते केयतोग़.

योहन 20:31

मति इव पोल्‍लोङ बाराह्‌क रासिस मन्ह्‌ताङ इतेके, देवुळ लोहतोग़ पिसिह केवाल राजाल येसुये आंदोग़, ओसो ओग़े देवुळता मग़ आंदोग़ इन्जि मीट नमना. इद्रम नमतेके, मीक येसुना संगे अमेसाता पिसमुळ दोर्कग़ा.

बळयिर 16:17

अद पिला बेद्रम कींदु इतेके, “वेर सबेट्क बेरा देवुळताङ सेवकिर आंदुर. देवुळ लोकुरिन बेद्रम पिसिह कीस्ता, अदिन मीक पोकुर कीस्तोर” इनजोर, केयसोर-केयसोर मावा पयाह पयाह वांदु.

बळयिर 19:13

उय्तुर यहुदिर मतोर, ओर नाह्‌क-नाह्‌क तिरियसोर, गूनिने देयह्‌किन पेसिह केवालोर मतोर. ओर वने येसुसामिना पेदिरतुन पोसि, देयह्‌किन पेसिह कीयलाह ऊळिंदुर. ओर देयह्‌किन इद्रम इंदुर, “पोलु पोकुर कीस्तोग़, ओग़ येसुना पेदिरते मीकु उकुम ईय्ह्‌नोम, पेसिस अन्ह्‌ट!” इनजोर इंदुर.

बळयिर 8:36

पया वेहचोर वेहचोर उंद वेच्‍चातगा एवतोर, एवतस्के मंत्रि इतोग़, “इद ऊळा, एग़ मन्ह्‌ता, इगा नाक येसुना पेदिरते एग़ मीयलाह बेस आयो आयग़ाया?” इनजोर इतोग़. [

रोम सहरतोर 16:20

दीरा पोस मन्ह्‌टु, माक सुकम ईयनद देवुळि, चट्पिटे देयह्‌कना मुक्याना लावतुन बूळे कीस, तान मीवा काल इळ्न वाटग़ा. मावा येसुसामि किर्स्तुना देय्वा मियगा मनि,आमेन.

इब्रितोर 2:14

(वेर पिलाङ-पेकोर इतेके माटे!) माट कय्क-काल्क मनवालोरल मताह्‌कु, येसु वने मावा लेह्‌का कय-कादोग़ आसि वातोग़. जीवात मनाह्‌जोम, मयगा हामुरता रेय मताह्‌कु, देयह्‌कना मुक्याना अदिकर मावा पोग़ोन मता. मति येसु तना हामुरता मेटे, ताना अदिकरतुन बूळे कीतोग़. कीसि माकु हामुरता रेयताहि विळ्सिह कीतोग़.

इब्रितोर 7:1

वेग़ मेल्किसेदेक इनवाल इतेके, सालेम सहरता राजाल मतोग़. ओसो सबेट्क बेरा डीसाता देवुळता बूमयाल मतोग़. ओना पेदिरता अर्तम इतेके “सेतेमतोग़ राजाल,” ओसो इब्रि पोल्‍लोते सालेमता अर्तमि “सुकम” आंदु. इतेके ओन सुकमता राजाल वने इनदा पग़यह्‌नल. मेल्किसेदेकना तलोग़-तपे बोर आंदुर, ओनाङ तादोर-बाबोर बोर आंदुर, ओना पुटटद ओसो डोलतदिना लोप्पा वने, देवुळता सास्त्रमतगा बाताले रासतद इले. ओग़ देवुळता मग़ना लेह्‌कान, अमेसा बूमयाल मन्ह्‌तोग़. अब्रहम मुय्तोग़ नालवुर राजालोरा संगे लळय आसि, ओरिन आरे कीस मल्स वायह्‌पा, वेग़ मेल्किसेदेक ओन कलियतोग़, ओसो ओन बर्कतताङ पोल्‍लोङ वळ्ह्‌कतोग़. अस्के अब्रहम (तना आरे कीतोरग्डाहि ततद) सबे मादुन, दहा तूस्क कीसि, अग्डाह उंद तूस ओन्क ईतोग़.

याकुब 2:19

इंजेके देवुळि उंदिय मन्ह्‌ता इनजोर, मीट विस्वस कीतिर बेसे. मति देयह्‌क वने मीवा लेह्‌का अद पोल्‍लोतुन विस्वस कीस्ताङ, ओसो (देवुळ माक सिक्सा ईयग़ा इनजोर,) रेयिसि साङिह्‌ताङ.

2 पत्रु 2:4

अद इद्रमि: पापम कीतव पोग़ोटाङ देवतुल्किन वने, देवुळि विळ्सो; अविस्किन गोल्स्कने दोहचि, देयमदीपते मनदनद ईकळ गंगाता सिक्सा-बोंदातगा वाटिसीता. वाटिसि तना नेयम कीयनद दियातेनाह्‌क तासता.

1 योहन 3:8

मति बोर पापम कीसोर मन्ह्‌तोर, ओर देयह्‌कना मुक्याना लोकुर आंदुर. बह इतेक, अदु सुरुमुनेताहिये पापम कीसोर वायलाह आता. तानाङ कबस्किन बूळे कीयलाहिये, देवुळता मग़ि वातोग़.

यहुदाल 1:6

अहे वळ्गा देवतुल्कु, देवुळ ईतद तमा अदिकरतुन वीळिसि, देवुळ अविनेनाह्‌क तासतद जागातुन विळ्सताङ. देवुळि अविस्किन गोल्स्कने दोहचि, अमेसातेनाह्‌क मनदनद ईकळ गंगाता सिक्सा-बोंदातगा वाटिसि, नेयम कीयनद दियातेनाह्‌क तासता.

तोहचीतव पोल्‍लोङ 12:12

अदिनेनाह्‌क ए देवुळदीपतगा मनवालोरिर! मीट गिर्दा आम्ह्‌टु! मति ए इळ्ता बूमतगा, ओसो सम्दुरतगा मनवालोरिर! मीक बेरा गोसा वायग़ा. देयह्‌कना मुक्याल इंजेके मियगा रेगता. इंजेक तना कबळ कीयलाह, एक्‍वा दियाङ इलेङ इनजोर अद पुता, पुताह्‌कु पका ओङ आता,” इनजोर अद लेङ इता.