मार्कल 5:23 - माडिया गोंड पवित्र सास्त्रम

²³ अर्सि इद्रम इतोग़, “नावा उड्ला मयाळि डोललाह आता गूरु! अद सव्रेम आसि पिसि इनजोर, निमा वासि ताना पोग़ोन कय तासा,” इनजोर येसुन अर्जि कीतोग़.

मार्कल 5:23 Iomraidhean Croise

मत्याल 8:3

“अह इतेके अले, नावा विचर मन्ह्‌ताये! निमा सव्रेम आम,” इनजोर येसु इतोग़. इतस्के, (यहुदिरा मोंडरोगमतोन इटवद नोमळता अडोतुन नोमवा,) येसु ओन कय आहच बोयतोग़. अस्के चट्‌नेन ओना मोंडरोगम मायता.

मार्कल 16:18

तरस्किन तमाङ कय्कने पोयनुर, ओसो हव्कनद वीसम उटेक वने, ओरिह्‌क बाताले आयो. ओसो ओर तमाङ कय्क बेमरतोरा पोग़ोन तासतेके, ओर सव्रेम आयनुर,” इनजोर वेहतोग़.

मार्कल 5:24

अदिनेनाह्‌क येसु ओग़ मुक्याना संगे दायलाह पेसतोग़. अनेके वेल्‍लाय मुलु येसुना पयाह अनजोर, गर्दि आसि ओनगा दोबेङ-नूकेङ कींदुर.

मार्कल 6:13

अद्रम तिरियिह्‌पा, देयह्‌क पोस मतोर मन्कलोरग्डाह वेल्‍लाङे देयह्‌किन पेहतोर, अहे वेल्‍लाटोर बेमरतोरिन नेय ओकिसि पार्तना कीतोर, कीतस्के ओर सव्रेम आतोर.

मार्कल 7:32

अचोटेन उच्वुर मन्कलोर ओर्वोग़ एव्डान येसुनगा ततोर, ओग़ बोब्‍ळे वने मतोग़े. तचि “नीवा कयदुन वेना पोग़ोन तासिसि, वेन सव्रे कीम, गूरु!” इनजोर येसुन अर्जि कीतोर.

मार्कल 8:23

इतस्के येसु ओग़ तोववोना कयदुन पोसि, लोह्‌क लेवगा ओतोग़. ओसि ओनाङ कोंडानगा उस्किसि, ओना पोग़ोन कय तासतोग़. तासिसि “बातालाय दिसिह्‌ताया?” इनजोर ताल्ह्‌कतोग़.

लूकाल 13:13

ताना पोग़ोन तना कय तासतोग़. तासतस्के चट्‌नेन अद दिग निता, निचि देवुळतुन जोहर कीया बोटटा.

लूकाल 4:38

पया येसु तनाङ कग़यवालोर बार, पार्तनाता लोताहि पेसिस, सिमोन पत्रु इनवाना लोन अतोग़. सिमोन पत्रुना आतोह्‌क पका दंड पोस मता. अदिनेनाह्‌क “तान सव्रे कीसीम” इनजोर येसुन अर्जि कीतोर.

लूकाल 4:40

अदे दिया मुलतस्के, (वारमता पोल्वादिया मारता. अदिनेनाह्‌क यहुदिरिह्‌क कबळ कीयलाह पोलिंदु.) अचोटेने बोर मन्कलोर अलग-अलग रीतताङ दुकिङ अर्स मतोर, ओर सबेटोरिन येसुनगा ततोर. पया येसु ओर्विन-ओर्विन कय बोयिस सव्रे कीतोग़.

लूकाल 7:12

येसु अद नाटेनगा ओळियनद अग़दगा एरे एव्स मतोग़. अचोटेने ओर्वोग़ हातोना सेत्तातुन गति कीयलाह, नाटेनोर कांजिस ओसोर मतोर. वेग़ हातोग़ लेयोग़ मन्कना तलोग़ रांडे आंचाह्‌कु, वेग़ वग़ोग़े मग़ि मतोग़. नाटेनोर वेल्‍लाटोर ताना संगे अनजोर मतोर.

योहन 11:3

“सामि, नीवा गोतयाल लाजर पकाय दुक अरतोग़” इन्जि, ओनाङ अकास्कु येसुह्‌क कबुर लोहताङ.

बळयिर 28:8

ओना तपेह्‌क दंड पोस विळ्सवाये मता, ओसो नेतुर पोटा वने दल्गिस मता. अस्के पोलु ओन ऊळलाह, लोप्पा अन्जि, तना कयदुन ओना तलापोग़ोन तासतोग़. तासिस देवुळतुन पार्तना कीसि, ओन सव्रे कीतोग़.

बळयिर 6:6

विस्वसिरा मुडग्डाहि वेरिन आचिसि, बळयिरा मुनेह निल्पिह कीतोर. ओर नितस्के, बळयिर तमाङ कय्किन ओरा पोग़ोन तासिसि, देवुळता देय्वा ताल्ह्‌कतोर, (ताल्ह्‌किसि ओरिन गाटो तूसनद सेवातेनाह्‌क निल्पिह कीतोर).

बळयिर 8:17

पया ओर विस्वसिरा पोग़ोन तमाङ कय्क तासिंदुर, अस्के पवित्र जीवा विस्वसिरा पोग़ोन उदिंदु.

बळयिर 9:12

पार्तना कीनेके ओग़ु देवुळ तोहतनद लेका ऊळतोग़. ‘अनन्याल पेदिरतोग़ मन्कल वासि, नना तोवयना इन्जि, नावा पोग़ोन कय तासिह्‌तोग़,’ इद्रम सोलु लेका ऊळतोग़,” इनजोर येसु इतोग़.

बळयिर 9:17

ताना पया अनन्याल येसु वेहतद लोतगा अन्जि, सोलुना पोग़ोन कय तासिस, इद्रम इतोग़, “ए सोलु तमो, निमा इगा वायह्‌पा, अग़दे नीक दिसिस मतोग़, ओग़े येसुसामि, निमा तोवयना ओसो देवुळता पवित्र जीवाते पूरा निंदना इन्जि, नाक लोहतोग़,” इनजोर इतोग़.