मार्कल 3:12 - माडिया गोंड पवित्र सास्त्रम

¹² मति येसु, “नना बोनन इन्जि, बोन्के बह वेहमाटु!” इनजोर अविस्किन उकुम ईंदोग़.

मार्कल 3:12 Iomraidhean Croise

मत्याल 12:16

“केंजाटु, नना मियेनाह्‌क इह कीतन इन्जि, बेगान बह वेहमाटु!” इनजोर येसु सव्रेम आतोरिन वेहतोग़.

मत्याल 8:4

“इंजेके मोंडरोगम सव्रेम आतेनाह्‌क, मोक ईयलाह मोसानाङ अडोङ मतपु, निमा कुदि अन्जि, सव्रेम आतन इन्जि, बूमयाह्‌क मात्रम तोहा. बूमयानके अनेके, इद पोल्‍लोतुन बोन्के बह वेहमा. सव्रेम आताह्‌कु मोक ईतोग़ इन्जि, बूमयाल सबेटोरिह्‌क वेहतनोग़, अस्के नियगा मोंडरोगमता कळ्‍वोग़ मनो आयग़ा,” इनजोरे मोंडरोगमतोन येसु इतोग़.

मत्याल 9:30

अस्के ओर तोवया बोटटोर. पया येसु ओरिन वेहतोग़, “ऊळाटु, इद पोल्‍लो बोग़े बार पुनदनायो.”

मार्कल 1:25

मति येसु अद देयमतुन, “केमेन मन! वेनग्डाहि पेसिस अन!” इनजोर दगा ईतोग़.

मार्कल 1:34

पया अलग-अलग रीतताङ दुकिने तिपल आसोर मतोरिन, येसु सव्रे कीतोग़. अहे ओसो वेल्‍लाटोरिन देयह्‌क पोस मताङ, अविस्किन वने ओरग्डाहि पेसिह कीतोग़. देयह्‌कु येसु बोग़ आंदोग़ इनजोर पुंदुङ. मति (अद तूकने, नना बोनन इन्जि, सबेटोरिह्‌क एर्का आयनद आयो इनजोर,) येसु अव देयह्‌किन वळ्ह्‌कलाह एवोग़.

बळयिर 16:18

वेल्‍लाङे दियाङ अद अद्रमे कीसोर मता. पया उंद दिया पोलु पका नारज आतोग़. आसि पेग़्के मिळ्न्दिस तानगा मतद देयमतुन इतोग़, “येसु किर्स्तुना पेदिरते नीक उकुम ईय्ह्‌नन, इद पिलाताहि पेसिस अन!” इनजोर, देयमतुन दगाङ ईतोग़. इताहे अद देयम पेसिस अता.