मार्कल 10:51 - माडिया गोंड पवित्र सास्त्रम

⁵¹ पया येसु ओन इतोग़, “नना नियेनाह्‌क बाताल कीकन इन्जि नीवा विचर मन्ह्‌ता?” इतस्के ओग़ गुडि, “नाक तोवनाह कीसीम गूरु,” इनजोर इतोग़.

मार्कल 10:51 Iomraidhean Croise

मत्याल 23:7

लोकुर वेरिन गोटुस्कनगा जोहर कीयना ओसो ‘गूरु’ इनदना, इद्रमताङ वेरिह्‌क बेसु.

मत्याल 23:8

“मति मीकु बोग़े ‘गूरु’ इनमाकेग़. बाराह्‌क इतेके नना ओर्वोनन मीवा गूरुनन, मीट मात्रम कतमतोरिर तमोग़-दादालोरिर मह्‌निर, मियगा उड्लोग़-बेरोग़ इलविर.

मत्याल 6:8

मीक बाताल गावले मन्ह्‌ता, तान मीट ताल्ह्‌कनामुनेन, मीवा बाबाल पुन्जिये मन्ह्‌तोग़. अदिह्‌के मीट देवुळतुन पुनवोरा लेह्‌का, पिचुळ-पिचुळ वळ्ह्‌कमाट बह!

मत्याल 7:7

“‘ताल्ह्‌कसोर मतेके ईकन, पर्ह्‌कसोर मतेके दोर्कग़ा, तेल्प कोह्‌कसोर मतेके तेग़यकन’ इन्जि, देवुळ मीक इन्ह्‌ता.

मार्कल 10:36

येसु ओरिन इतोग़, “नना मियेनाह्‌क बाताल कीकन इनजोर, मीवा विचर मन्ह्‌ता?” इतोग़.

मार्कल 10:50

इतस्के ओग़ तना मुचिस मतद गेंदेतुन जेग़्कतोग़, जेग़्किसि पोर्क तेदिसि येसुनगा वातोग़.

योहन 20:16

येसु पया तान “मरिया!” इनजोर केयतोग़, अस्के अद पेग़्के मिळ्न्दिस येसुन पुता, पुन्जि ओन इब्रि पोल्‍लोते “रबोनि!” (इतेके “नावा गूरु”) इनजोर इता.

बळयिर 23:19

पया सीपय्कना मुक्याल ओग़ पेकाना कयदुन पोसि, बोरे इलवा जागातगा ओसि, “बाताल पोल्‍लो मन्ह्‌ता अले, वेहा?” इनजोर ताल्ह्‌कतोग़.

पिलिपितोर 4:6

बेदे पोल्‍लोतेनाह्‌क आलिह केमाटु, मति सबे पोल्‍लोनेनाह्‌क पार्तनाते देवुळतुन अर्जि कीस, मीवा गर्जतुन वेहाटु. देवुळि माक बेस ऊळिह्‌ता इनजोर, मीट तान जोहर कीसोर ताल्ह्‌काटु.