मार्कल 10:11 - माडिया गोंड पवित्र सास्त्रम

¹¹ ताल्ह्‌कतस्के येसु इतोग़, “बोग़ाय तना मुतेन विळ्सिसि, ओसो उंदि दुस्रा मुतेन ततोग़ इतेके, ओग़ तना मुनेता मुतेना अडम, सिंड्रि-साट्यालता पापम कीस्तोग़. (बाराह्‌क इतेके देवुळता विचरते ओग़ु देहचीता आंचाना मुजो इंका मन्ह्‌तोग़े).

मार्कल 10:11 Iomraidhean Croise

मत्याल 19:9

अदिह्‌क नना मीक वेहतह्‌नन, मुते दुस्रोन कववालेवा, बोग़ाय तना मुतेनु देहचीस्तोग़, ओसो दुस्रदिन ततह्‌तोग़, ओग़ सिंड्रि-साट्यालता पापम कीस्तोग़; (बाराह्‌क इतेके देवुळता विचरते, ओग़ु देहचीता आंचाना मुजो इंका मन्ह्‌तोग़े),” इन्जि इतोग़.

मार्कल 10:10

पया ओर तमा जागातगा अतस्के, मुतेन विळ्सनद पोल्‍लोता लोप्पा, ओसो कग़यवालोर येसुन ताल्ह्‌कतोर.

लूकाल 16:18

“बोग़ाय मुने ततद मुतेन विळ्सिसि, ओसो उंदि दुस्रा मुतेन ततोग़ इतेके, ओग़ साट्याल कबळ कीस्तोग़. ओसो बोग़ाय अद्रम विळ्सिसीतद आंचान बार, तन्क मुते कीतोग़ इतेके, ओग़ वने साट्याल कबळ कीस्तोग़.

रोम सहरतोर 7:3

अदिनेनाह्‌क ताना मुजो जीवात मनेकेन, अद दुस्रोन्क अतेके, तान सिंड्रि आंचाळ इन्ह्‌तोर. मति ताना मुजो डोलतेके, ओनाय संगे जोळ मनदनद अडो ताको. इतेके अद रांडे आतापया, दुस्रोन्क अतेके, अद सिंड्रि आंचाळ आयो.

1 कुरिंततोर 7:4

तना मेंदुलता पोग़ोन मुतेह्‌क अदिकर इले, तना मुजोना मन्ह्‌ता. अद्रमे मुजोह्‌क वने, तना मेंदुलता पोग़ोन अदिकर इले, तना मुतेना मन्ह्‌ता.

इब्रितोर 13:4

देवुळि सबे रीतिनाङ सिंड्रि-साट्याल कबस्क केवालोरिन नेयम कीयग़ा. अदिनेनाह्‌क मुते-मुजो देवुळता मुनेह किरिया कीतपु, ऐंगेन सेतेमते मनदना गावले.