मार्कल 1:2 - माडिया गोंड पवित्र सास्त्रम

^2-3 (किर्स्तु वायनेनाह्‌कु, लोकुरिन ओप्पे कीयलाह, देवुळि ओर्विन लोहता. वेग़ लोहतोना लोप्पा,) मुनेने देवुळता सास्त्रमते, इद्रम रासतद मन्ह्‌ता इतेके, केंजाटु! सामि वायनामुनेन, नना देवुळतन, नावा बळयिन लोहतलाह आतन. ओग़ सामिनेनाह्‌क अग़ि तीर्ह्‌कनोग़. पेळ्ह्‌कल बूमते नावा बळयि केयलाह आतोग़: “सामि मीवा जीवातगा वायना इन्जि, ओना अग़दुन तीर्ह्‌काटु, ओना वायनद अग़दुन कसुम कीम्ह्‌टु,” इनजोर वेल्‍लाय मुनेतोग़ देवुळता कबुरतोग़ यसयाल इनवाल रासिस मतोग़.

मार्कल 1:2 Iomraidhean Croise

मत्याल 11:10

ओनाय लोप्पा देवुळि मुने तना लोहवाल पिसिह केवान वेहच मता, ‘ऊळा, नना नावा बळयिन नीवा मुने लोहतह्‌नन. निमा लोकुरा जीवातगा वायना इन्जि, नीवा अग़दुन ओग़ तीर्ह्‌कनोग़.’ इदे सास्त्रमते रासतद मन्ह्‌ता. (ओग़ बळयि इतेके योहनिये.)

मत्याल 2:5

अस्के ओर इतोर, “यहुदा पटटा बेत्लेहेम नाटे, महरज! बाराह्‌क इतेके देवुळता मुनेतोग़ कबुरतोग़, सास्त्रमते तेना लोप्पा इद्रम रासिस तासतोग़: ‘ए यहुदा पटटा बेत्लेहेम नाटेनोरिर, मीवाय नाटे नावा इस्रयेल लोकुरिन अय केवाल ओर्वोग़ सेह्‌नाल पुटनोग़ इन्जि मीवा नाग़ यहुदा पटटे उड्ला नाग़ इनमाटु,’ इन्जि देवुळ इन्ह्‌ता.”

मत्याल 26:24

सास्त्रमते रासिस मतपु, माने-मन्कना नडुम पुटटोनन, नना इद दुनियाताहि पेसिस दाकन, निटमे! मति बोग़ नाक पोसीस्तोग़, ओना बेचोटा गोसा आयग़ा! ओग़ मन्कल पुटवेकेन बेस आस मनालि,” इतोग़.

मत्याल 26:31

अस्के येसु ओरिन इतोग़, “केंजाट, सास्त्रमते देवुळि इहे इन्जि रासतद मन्ह्‌ता: नना कोपानु हव्ककन, अस्के गोह्‌डटाङ गोरेङ बिरोबटो आयनुङ. नेंड नग़्का नाकु मीट सबेटोरिर विळ्सिस वितकिर, अस्के अद सास्त्रम करल आयग़ा.

लूकाल 1:76

ए नावा पेकानिन! नीक इंजेके बेरा डीसाता देवुळता कबुरतोग़ इनदनुर. बाराह्‌क इतेके, मावा देवुळि पका जीवा लोपिसि, तना लोकुरा पापमतुन मापि कीस पिसिह कीयग़ा इनजोरे, निमा सामिना अग़दुन मुनेह-मुनेह तीर्ह्‌कसोर दाकिन. पंङवियतस्के ईकळ मायिह्‌ता, अद्रमलेह्‌का माट पापमता ईकळते ताकवालोरगा, हामुरतुह्‌क रेयवालोरगा देवुळ लोहवाल पिसिह केवाना वेह्‌च दींचग़ा, ओग़ माक देवुळता संगे गूनम आनाह कीयनोग़.” इनजोर जकरिया मुय्तोग़ इतोग़.

लूकाल 18:31

पया येसु तनाङ बारा बळयिरिन, बेदो उंद जागातगा केयिस इतोग़, “इद ऊळाट! माट येरुसलेम दायलाह आतल. माने-मन्कना नडुम पुटटोनन, नावा लोप्पा वेल्‍लाय मुने देवुळता कबुरतोर बाताल रासिस तासतोर, अद सबे करल आयग़ा.