मत्याल 3:4 - माडिया गोंड पवित्र सास्त्रम

⁴ मुनेता कालमते एलियाल कबुरतोना लेह्‌का, योहननाङ केग़यनाङ केनकेनेताङ, इतेके रूटुह्‌कनाङ केल्कने कोटटद गेंदे उहन्दोग़, नंडटुह्‌कु तोलाता पेटा दोहन्दोग़. ओना तिंडि इतेके पापेङ, ओग़्वेनेय अचोने मंदु.

मत्याल 3:4 Iomraidhean Croise

मत्याल 11:18

अद्रमे योहन लोकुरा संगे उदसोर बेस तिनजोर-उनजोर वावोग़, अदिह्‌क इसि ओनगा देयम मन्ह्‌ता, इद्रम ओन इन्ह्‌तोर.

मत्याल 11:8

अद्रमतोन आयवेके पया, बोन ऊळ अन्ज मतिर? रेसेम गेंदेङ उहतोग़ मन्कनुया? केंजाटु, रेसेम गेंदेङ उहतोर मन्कलोर पेळ्ह्‌कल बूमतगा मनोर, राजमिदेनगान मन्ह्‌तोर.

मार्कल 1:6

योहनि इतेके (देवुळता कबुरतोनन इन्जि तोहतलाह,) रूटुह्‌कनाङ केल्कने कोटटद गेंदे उहन्दोग़, नंडटुह्‌कु तोलाता पेटा दोहन्दोग़. ओसो ओग़ पापेङ, ओग़्वेनेय तिंदोग़.

लूकाल 1:17

तपेर तमाङ पिलाङ-पेकोरिन बेस जीवा वाटनाह कीयनोग़, देवुळता पोल्‍लो केंजवोरिन सेतेम बुदतेके ओयनोग़. लोकुरिन सामि वायनदिनेनाह्‌क तयर कीयलाह, अद्रम कीयनोग़. एलिया मुय्तोह्‌क बुदि ओसो लाव ईतप लेह्‌का, ओन्क वने अदे लाव ईयग़ा. ओसो सामि वायनामुने, सामिना कबुरतुन मुनेह-मुनेह वेहचोर दायनोग़,” इनजोर देवतुल इता.

तोहचीतव पोल्‍लोङ 11:3

ओर अद्रम कीयनव दियाने, नावा साक्सि एवालोर इर्वुर मन्कलोरिह्‌क, नावा पोल्‍लो वेहतनद अदिकर ईकन. ओर पोता-गेंदेङ उहचि, उंद अजर रेंड नूह्‌क मूंड वीसाङ (1260) दियाङ एवनाह, नावा पोल्‍लोतुन पोकुर कीयनुर,” इन्जि सामिना उकुम नयगा वाता.