मत्याल 21:3 - माडिया गोंड पवित्र सास्त्रम

³ बोग़ाय मीक इविन बाराह्‌कु ओय्ह्‌निर इतेके, सामिह्‌क इविना गर्ज अरता, इद्रम इन्ह्‌ट. अस्के ओग़ चट्पिट अविन ततलाह ईयनोग़,” इन्जि येसु ओर इर्वुर कग़यवालोरिन लोहतोग़.

मत्याल 21:3 Iomraidhean Croise

मत्याल 21:2

“मुनेह दिसनद नाटेनगा अन्ह्‌ट, अगा एवयकिर अस्के, मीक उंदि दोहच तासतद गाळ्‍दि ओसो ताना पियो दिसनुङ. अविस्किन लेहच, नयगा पोस वाटु.

मत्याल 21:4

इव गोटिङ आताङ अस्के, सास्त्रमते मुने देवुळता कबुरतोग़ वेहतद पोल्‍लो करल आता, अद पोल्‍लो इह मन्ह्‌ता:

योहन 3:35

देवुळबाबाल तनमग़िन जीवा कीसि, ओना कयदे कतमे ईतोग़.

बळयिर 17:25

मन्कलोरेनाहि तान्क बातय गावल आयो, बह इतेके देवुळिये सबेटोरिह्‌क पिसमुळ ईस्ता, जीवा ईस्ता, ओसो पिसवग़तुह्‌क सबे ईस्ता.

2 कुरिंततोर 8:16

माट मियेनाह्‌क बेचोन आलिह कीय्ह्‌नोम, अचोन तीतुस वने आलिह कीस्तोग़. अद आल्सुळतुन ओना जीवातगा वाटटद देवुळतुन जोहर कीय्ह्‌नोम.

2 कुरिंततोर 8:9

मावा येसुसामि किर्स्तु माक बेचोन गूनम तोहतोग़ इनजोर पुतिरे. इतेके ओग़ कतमतविना माल्काल मन्जि, ओनगा सबे मताङ; मति मीक देवुळता बेरा बर्कत दोर्कना इन्जि, मियेनाह्‌क मन्कल आस गरिब आतोग़, इदिन सीता कीम्ह्‌टु.

याकुब 1:17

बाराह्‌क इतेके पोळ्‍दतुन, नेलातुन, उकानु पुटिह कीतोग़ देवुळबाबानग्डाह, सबे बेसताङ माचलेववु बर्कत्कु वास्ताङ. मति (पोळ्‍दता, नेलाता वेह्‌च बेद्रम एक्‍वा-तक्‍वा मिळ्न्दसोर दास्ता, अद्रमलेह्‌काडा मावा देवुळ आयो.) ताना गूनम बेस्केन मिळ्न्दो.