मत्याल 2:9 - माडिया गोंड पवित्र सास्त्रम

⁹ राजानाङ इव पोल्‍लोङ केंजिसि ओर उकान ऊळवालोरु बेत्लेहेम नाटे दायलाह पेसतोर. पया ऊळाटु, बेद उकातुन ओर पोळ्‍द पेसनके ऊळिस मतोर, अदे उका ओरा मुनेह-मुनेह पेससोर अंदु, पया पेकाल मता लोता पोग़ोन अन्जि रोमता.

मत्याल 2:9 Iomraidhean Croise

मत्याल 2:10

उका रोमतदिन ऊळिसि, ओरिह्‌क बेचोनो गिर्दा वाता!

मत्याल 2:2

“यहुदिरा राजाल पुटटोग़ इनजोर तोहतनद उकातुन माट पोळ्‍द पेसना बाजे ऊळतोम, अहे ओन दंडुम अरयकोम इन्जि वातोम. ओग़ पुटटोग़ु बेगाडोग़?” इन्जि वेर उकान ऊळवालोर ताल्ह्‌कतोर.

मत्याल 2:8

ओर राजान वेहतापया, राजाल ओरिन बेत्लेहेमतके लोहतोग़, लोहनेके ओरिन नाळेह कीस इतोग़, “मीटु अगा अन्जि ओन पेकान बेस-नेह्‌ना पर्ह्‌काटु. मीक दोर्कतोग़ इतेके, नाक वासि ओना जाडा वेहाटु, अस्के नना वने अन्जि, ओन दंडुम अरयकन,” इतोग़.

2 पत्रु 1:19

अदिनेनाह्‌क देवुळता कबुरतोर वेहतव पोल्‍लोङ निटम इनजोर, इंजेके बेस-नेह्‌ना पुतोम. ओराङ पोल्‍लोन केंजिस मीट ताकतिर इतेक, बेस आयग़ा; ईकळतगा चिमलि वेह्‌च ईयना लेह्‌कान, अव पोल्‍लोङ मीक वेह्‌च ईस्ताङ. पङवियना लेह्‌कान, किर्स्तु ओसोवने वायनोग़. विय उकाता लेह्‌कान, ओग़ मीवा जीवातगा वेह्‌च कीसीयनोग़, अस्के मीक सबे पोल्‍लोङ तेळियनुङ. अद दिया एवनाह, अव पोल्‍लोन केंजिस ताकाट.