मत्याल 12:3 - माडिया गोंड पवित्र सास्त्रम

³ अस्के येसु ओरिन इतोग़, “मुनेता कालमते दाविद राजाल तनाङ ऐंगेटोर बार, ओरिह्‌क कग़्व वसतस्के बह कीतोर, तेन मीटु सास्त्रमते बेस्केन अर्वविरा?

मत्याल 12:3 Iomraidhean Croise

मत्याल 12:2

तेन ऊळिसि उय्तुर परुसिर इतोर, “पोल्वादियाते बेदे कबळ इटलाह पोलो, तानु नीवाङ कग़यवालोर नोमोर” इन्जि, येसुन कट्ला कीतोर.

मत्याल 12:4

ओरु देवुळता रावुळतगा बह अतोर; अगा देवुळतुह्‌क वाटटाङ बेव आरिङ सिरप बूमयालोरिह्‌के तिनदलाह पोलिह्‌ताङ, अवे आरिनु बूमयालोर ओरिह्‌क तिनदलाह ईतोर.(अस्के देवुळि दाविद राजानु तपतिन इन्जि इनो अले.)

मत्याल 12:5

अद्रमे पोल्वादिया मतेकाय, बूमयालोरिह्‌कु मंदिरता माळना कबळ कीयना पोलिह्‌ता, अस्के ओर पोल्वादियाता अडोतुन कळ्‍वोग़ केवोर, इदिन मीटु सास्त्रमते अर्वविरा?

मत्याल 19:4

अस्के येसु इतोग़, “माने-मन्कन पुटिह कीयनद देवुळि सुरुमुनेताहि ओरिन आंचाळ-कोय्तोग़ इन्जि कीसीता.

मत्याल 21:16

“पिलाङ-पेकोर नीकु बार इन्ह्‌तोर, तेन निमा केंजतिना?” इन्जि वेर येसुन कट्ला कीतोर. पया येसु इतोग़, “इंगो रा, ओर सेतेमे इन्ह्‌तोर! मति मीटु बेस्काय सास्त्रमते इद्रम अर्विसि ऊळतिरा: निमा उड्लोर पेकोराङ, बाला पेकोराङ तोडिनाहि, नीक जोहर कीयनव पाटाङ पेसनाह कीतिन”?

मत्याल 22:31

मति हातोर मल्स जीवा अरयनुर, ताना लोप्पा देवुळि सास्त्रमते वेहच मता, अदिन मीट अर्विसि, ताना अर्तम बेस्केन पुनविरा?

मार्कल 12:10

ओसो इतोग़, “बेद बंडातुन मुने बेल्दर्क पोहचीतोर, अदे बंडा इंजेके आदरता मूला-बंडा आता. इद देवुळबाबानाये कबळ आंदु, इद माक पकाय बामतप दिसिह्‌ता, इद्रम देवुळता सास्त्रमतगा रासतदिन अर्वविरा?” इनजोर इतोग़.

मार्कल 12:26

मति डोलतोर मल्स जीवा अरयनुर, ताना लोप्पा मोसाल रासतद सास्त्रमतगा, किस पोतिस मतद मरा जपता लोप्पा मीट अर्विसि पुनविरा? (मावा पेदामुय्तोर अब्रहम, इसक, याकुब, वेर हातस्के, वेल्‍लाङे वर्साना पया,) देवुळि मोसान इता, ‘अब्रहम, इसक, याकुब, वेर मोळ्कनद देवुळतन ननान आंदन,’ इता.

लूकाल 10:26

इतस्के येसु इतोग़, “मोसानाङ अडोना सास्त्रमतगा बाताल रासतद मन्ह्‌ता? अगा निमा बाताल अर्विह्‌निन?” इनजोर ताल्ह्‌कतोग़.

लूकाल 6:3

अस्के येसु इद्रम इतोग़, “मुनेटा कालमते दाविद राजाल तनाङ ऐंगेटोर बार, कग़्व वसतस्के बह कीतोर, इद पोल्‍लोतुन मीट देवुळता सास्त्रमते बेस्केन अर्वविरा?